नेपाल भित्रियो यामाहाको एफजेड भी-३ कनेक्ट एक्स मोटरसाइकल

A+ A A-

यामाहा मोटरसाइकलका लागि नेपालको आधिकारिक बिक्रेता एमएडब्लु इन्टरप्राइजेजले नयाँ मोडलको मोटरसाइकल सार्वजनिक गरेको छ ।

कम्पनीले यामाहाको एफ जेड भी-थ्री कनेक्ट एक्स मोडल नेपाली बजारमा ल्याएको हो । १४९ सीसीको एयरकुल्ड फोर स्ट्रोक, एसओएचसी इन्जिनको यो मोटरसाइकलले १२.४ पीएस पावर र १३.३ एनएम टर्क उत्पन्न गर्छ । सिंगल च्यानल एबीएस रहेको यो मोटरसाइकलमा १३ लिटरको इन्धन ट्यांकी छ ।

कम्पनीको यो मोटरसाइकल ब्लुटुथ जडित छ, जसले गुगल प्लेस्टोर र आइओएसमा पाइने ‘यामाहा मोटरसाइकल कनेक्ट एक्स’ नि:शुल्क डाउनलोड गरी यो बाइकको स्मार्ट मोडको विभिन्न ६ वटा सुविधा लिन सकिन्छ । ब्लुटुथ प्रविधिको पहिलो सुविधा रहेको ‘एन्सर ब्याक’ हो ।

यो प्रविधिको दोस्रो सुविधा ‘ इ-लक ’ हो । चालकले इ-लक प्याटर्न राखेको छ भने मोटरसाइकलको चाँबीले मात्र बाइक चालु गर्न सक्ने छैन । यदि अरु व्यक्तिलाई मोटरसाइकल अनलक गर्न प्याटर्न थाहा पाउनुपर्छ । ‘लोकेट माइ बाइक’ ब्लुटुथको अर्को सुविधा हो । यो फिचर मोबाइल एपमा क्लिक गरेमा बाइकको इन्डिकेटर १० सेकेण्डसम्म लगातार बल्ने छ । विशेषगरी यो फिचर चालकले पार्किङमा रहेको आफ्नो मोटरसाइकल सजिलै चिन्न सक्नेछ ।

त्यसैगरी ‘ राइडिङ्ग हिस्ट्री’ यसको चौथो ब्लुटुथ सुविधा हो । ‘राइडिङ्ग हिस्ट्री’द्वारा आफूले गरेको हरेक यात्राको विवरण अभिलेख गर्न र हेर्न सकिन्छ । त्यस्तै पार्किङ रेकर्ड’ पाँचौँ सुविधा रहेको छ । यसको छैटौँ सुविधा ‘हजार्ड’ हो । यसले चालकलाई सडकको साम्भावित दुर्घटना र खतराबारेमा सचेत पार्नेछ ।

१३५ किलो वजनको यो बाइकमा १४० सेक्सनको रेडियल टायर राखिएको छ । यसमा साइड स्ट्यान्ड हटाइएको छ भने बिएसभीआई र एबीएसजस्ता अपग्रेड गरिएको छ। ५ वटा कलर अप्सनमा उपलब्ध यो बाइक डार्क नाइट कलरयुक्त मोटरसाइकलको मूल्य ३ लाख ८४ हजार ९ सय छ भने अन्य कलरयुक्त मोटरसाइकलको मूल्य ३ लाख ७९ हजार ९ सय निर्धारण गरिएको छ ।

प्रकाशित मिति: मंगलबार, कात्तिक १६, २०७८ १७:५५