प्रदेशको नाम र राजधानी टुंगिन्छः मुख्यमन्त्री राई

A+ A A-

प्रदेश १ का मुख्यमन्त्री शेरधन राईले प्रदेश नाम र स्थायीसभाको आजबाट शुरु हुने हिउँदे अधिवेशनमा टुङ्ग्याउने वताएका छन् ।

आफ्नो कार्यकक्षमा आज बिहान सञ्चारकर्मीहरुसंग कुरा गर्दै मुख्यमन्त्री राईले सकेसम्म राजनीतिक दलहरुको सहमति र नभए प्रक्रियाबाट प्रदेशको राजधानी र नामाकरण टुङ्गो लाग्ने जानकारी दिएका हुन् । उनले भौगोलिक अवस्था, जनसंख्या र जातीय विविधतालाई ध्यानमा राखेर सबैको भावनालाई कदर हुने हिसावले प्रदेशको राजधानी र नामाकरण हुने धारणा राखे ।

प्रदेश सभाको दोस्रो अधिवेशन सम्ममा महत्वपूर्ण २४ वटा विद्येयक पारित भइसकेको जानकारी दिर्दै उनले चालु अधिवेशनले प्रक्रियामा रहेका आठ वटा विद्येयक पारित गर्ने जानकारी दिए । उनले दुई वटा समितिमा छलफल र चार वटा संसदमा दर्तामा रहेको पनि जानकारी दिए ।

मुख्यमन्त्री राईले तेस्रो अधिवेशन निकै महत्वपूर्ण रहेको भन्दै सरकार गठन भएको एक वर्षको अगामी फागुन ३ गते समीक्षा एव्म मूल्याङ्कन गर्ने पनि बताए । उनले अत्यावश्यक थप १० वटा विद्येयक संसदमा सरकारले ल्याउने तयारी गरिरहेको भन्दै तेस्रो अधिवेशनमा संसदीय समितिको सभापति चयन गर्ने कार्यसूची रहेको बताए ।

मुख्यमन्त्री राईले विकास र समृद्धिका निम्ति प्रदेश सरकार केन्द्रित रहेकोले सवैदल एकजुट हुनुपर्नेमा जोड दिए । राष्ट्रिय राजनीतिमा देखा परेको घटनाक्रमले दलहरुको सम्बन्ध चिसिएपनि प्रदेशको विकास र समृद्धिका लागि सवैदल एक हुनुको विकल्प नभएको जिकिर गरे ।

प्रदेश सरकारको बजेट कार्यान्वयनमा ढिलो हुनुका कारण संघीय सरकार भएको आरोप लगाउदै मुख्यमन्त्री राईले प्रदेश १ लाई खाद्यान्नमा आत्म निर्भर बनाउन कृषिलाई उच्च प्राथमिकता राखेको कुरामा जोड दिए । उनले स्वच्छ वातावरण र हरियाली प्रदेश बनाउन प्रदेश सरकार माघ २६ गते हरियाली अभियान सञ्चालन गर्ने जानकारी दिँए ।

उनले एक वर्षको अवधि छोटो मन्त्री परिष्दबाट काम चलाएपनि अव सरकार विस्तार हुने र सोही अनुसारको अख्त्यारी र जिम्मेवारी प्रदान गर्ने बताए ।

प्रकाशित मिति: आइतबार, माघ २०, २०७५ १२:३३