सामाजिक सञ्जालमा मेरो अनुभव

A+ A A-

युथ रिपोर्टर शिलापत्रडटकमले सुरु गरेको युवालक्षित स्तम्भ हो । यो स्तम्भमा दूरदराजमा रहेर सामाजिक जागरण र समाज रुपान्तरणमा भूमिका खेलिरहेका युवावर्गका सूचना संकलन सीप, लेखन कला र सिर्जनात्मक क्षमतालाई प्रोत्साहन गरी उनीहरूका अंकुराउँदै गरेका सिर्जनात्मक चेतलाई प्रोत्साहन गर्ने खालका सामग्री प्रकाशन गर्नेछौँ । यो अभियानमा जोडिएर सहकार्य गर्न शिलापत्रडटकम आह्वान गर्दछ । (सं.)

हामीले विभिन्न सञ्चारमाध्यमहरू प्रयोग गर्छौं र अहिले हामी प्रविधिसँग धेरै नजिक छौँ । विभिन्न माध्यममध्ये अनलाइन पनि एक हो । म अनलाइन बस्छु र विभिन्न सामाजिक सञ्जालको प्रयोग पनि गर्छु ।

हामीले इन्टरनेटको दुरुपयोग हाेइन, सदुपयोग गर्न सिक्नुपर्छ । अनलाइनबाट हुने हिंसाजन्य क्रियाकलापबाट आफू पनि सचेत भई अरुलाई पनि जनचेतना फैलाउनुपर्छ । झन् अहिले कोभिड–१९ को अवधिमा त सम्पूर्ण मानिस कुनै पनि कार्य गर्न होस् या कुनै पनि मनोरञ्जन लिनका लागि अनलाइन नै बस्ने गरेका छन् ।

यसै क्रममा मेरो एउटा नजिकको साथी सामाजिक सञ्जालबाट हुने हिंसामा परेको थियो । मेरो साथीको फेसबुक अकाउन्ट अर्को व्यक्तिले खोलेर फेक आईडी बनाई विभिन्न नराम्रा तस्वीरहरू र अश्लील शब्द प्रयोग गरेर फोटो, भिडियोहरू पाेस्ट गरी मेरो साथीकोमा नभएका साथीहरू राखी नराम्रो विचार, भावना भएका कमेन्टहरू प्रयोग गरेको पाइयो ।

त्यस फेक आईडीमा धेरै नराम्रो कुराहरू पाेस्ट गर्नुका साथै नचिनेको जोकोहीलाई पनि साथी बनाएको थियो । त्यो फेक अकाउन्ट खोल्ने मान्छे मेरो साथीको फेसबुक फ्रेन्ड थियाे । ऊसँग बोलेन र उसले भनेका कुराहरू मानेन भनेर रिसले मेरो साथीको नाम गरेको अकाउन्टमा छुट्टै अकाउन्ट खोली मानसिक तनाव दिन थाल्यो ।

यो पनि...

त्यसपछि मैले पढाइ छाेडेँ

चरित्रहत्या गर्ने किसिमले फेक अकाउन्टबाट नराम्रा कुराहरू तथा फाेटो पाेस्ट हुँदा विक्षिप्त बनेका उनी सुरुमा कसरी कसलाई भन्ने के गर्ने भन्दाभन्दै डिप्रेसनको अवस्थामा पुगिसकेकी थिइन् ।

यो कुरा उनले हामी सबै साथीहरूलाई सुनाएपछि सबैले उनलाई यो एक प्रकारको मानसिक यातना हो र यसविरुद्ध लड्नुपर्छ भन्ने निष्कर्ष निकाल्याैँ । साइबर अपराध र अनलाइनबाट हुने हिंसालाई पनि प्रहरीको सहयोगमा पीडकलाई सजाय दिन सकिन्छ भन्ने थाहा पाएपछि उनले परिवारसँग आफूले सहेका यातानाका बारेमा सबै कुरा भनिन् ।

परिवार र साथीहरूको सहयोगमा फेसबुक अकाउन्टका बारेमा प्रहरीमा रिपोर्ट ग¥यौँ र फेसबुकले नै त्यो फेक अकाउन्ट डिलिट गर्‍यो । प्रहरीले फेक अकाउन्ट खोलेर यातना दिनेलाई पनि पक्राउ गरेर सजाय दियो ।

यो पनि...

गरिबीले सिकाएकाे पाठ

सामाजिक सञ्जालमा नचिनेको व्यक्तिसँग बोल्दा हुने हिंसाबाट डिप्रेसनको शिकार भएकी मेरी साथी यसरी जोगिइन् । त्यसैले साथीहरू हामीले सामाजिक सञ्जालको प्रयोग गर्दा निकै नै ध्यान पुर्‍याउनुपर्छ ।
अहिले विभिन्न प्रकारका हिंसाहरू अनलाइनबाट हुने गर्छन् । त्यसैले हामी आफूले सकेसम्म अनलाइन सेफ्टीका बारेमा बुझिराख्न अत्यन्तै जरुरी छ । त्यसैले हामी त्यस्ता घटना वा हिंसाबाट बच्न सचेत भई अरुलाई पनि सचेत हुन मद्दत गर्नुपर्छ ।

प्रकाशित मिति: मंगलबार, असोज १३, २०७७ १९:१५