आईपीएल : रसेल र राणाको प्रहारले ‘विराट लक्ष्य’ हासिल गर्न सकेन

A+ A A-

आईपीएल–१२ मा शुक्रबार भएको निकै रोमाञ्चक म्याचमा रोयल च्यालेञ्जर्स बैंगलोरले कोलकाता नाइट राइडर्सलाई १० रनले पराजित गर्यो । कोलकाताका ब्याट्सम्यान नितीश राणाले म्याचको अन्तिम बलमा जोरदार छक्का लगाए तर यो छक्का उनको टिमलाई जिताउन पर्याप्त भएन । २ सय १४ रनको लक्ष्य पछ्याएको कोलकाताले निर्धारित २० ओभरमा पाँच विकेट गुमाउँदा २ सय ३ रनमात्रै बनाउन सक्यो ।

कोलकाताका तर्फबाट नितीश राणाले नटआउट ८५ र आन्द्रे रसेलले ६५ रन बनाए । तर, उनीहरूको यो योगदान टिमलाई जिताउन काम लागेन ।
यसअघि टस हारेर ब्याटिङको निम्तो पाएको बैंगलोरले निर्धारित २० ओभरमा ४ विकेट गुमाएर २ सय १३ रन बनायो । कप्तान विराट कोहलीले पूरै १०० रन र मोईन अलीले ६६ रन बनाए ।

तर, यो म्याच यति सजिलो थिएन जो केही सजिलै बयान गर्न सकिन्छ ।

यो म्याचले अन्तिम बलसम्म स्टेडियममा उपस्थित दर्शकको मुटुको धड्कन बढाएको थियो । ‘कोलकाताले जित्छ, कोलकाताले जित्छ’ भन्ने हूटिङका बीच भएको म्याचको नतिजा अन्तिममा एकाएक बदलियो ।

रसेलको खेल

अन्तिम ओभरमा कोलकातालाई जितका लागि २४ रन चाहिएको थियो । विराट कोहलीले बल मोईन अलीलाई थमाए । विकेटमा नितीश राणा र आन्द्रे रसेलको जोडी थियो । पहिलो बलमा नितीशले केही गर्न सकेनन् । दोस्रो बलमा उनले फाइन लेगमा शट खेलेर एक रन लिए । यद्यपि, यसमा दुई रन बन्न सक्थ्यो । तर, जब बाँकी बचेको चार बलमा २३ रन जरुरी थियो तब स्ट्राइक रसेललाई नै दिन सकिन्थ्यो ।

रसेलले मोईन अलीको बलमा स्ट्रेट छक्का लगाएर म्याचलाई रोमाञ्चक बनाइदिए । तर, अर्को बलमा उनले केही गर्न सकेनन् । पाँचौं बलमा रसेल रन आउट भए र छैठौं बलमा नितीश राणाले छक्का हाने ।

रसेलले ब्याटिङमा कति धूम मच्चाए भन्ने कुराको अन्दाज यस कुराबाट पनि लाउन सकिन्छ कि उनले आफ्नो ६५ रन केवल २५ बलमा दुई चौका र नौ छक्काको मद्दतबाट बनाएका थिए । उनले आफ्नो ५० रन मात्र २१ बलमा पूरा गरे ।

अर्कोतिर, नितीश राणाले पनि नटआउट ८५ रनका लागि मात्र ४६ बलको सहारा लिए । उनले यस क्रममा नौ चौका र पाँच छक्का प्रहार गरे । यी दुईबीच पाँचौं विकेटका लागि १ सय १८ रनको साझेदारी भयो । १०० रन मात्र ४२ बलमा बनेको थियो ।

उथप्पा र गिलमाथि प्रश्न

आगामी प्रतिस्पर्धामा कोलकातालाई यति नजिकैको हारको दुखले पक्कै सताउनेछ । यो हारको पछाडि कतै न कतै टिमको मध्यक्रमको सुस्त ब्याटिङलाई पनि जिम्मेवार मान्न सकिन्छ । किनकि, शुभमन गिलले ११ बलमा नौ र रोबिन उथप्पाले २० बलमा मात्र ९ रन बनाए । यसका बाबजूद विराट कोहलीको टिमबाट जितको श्रेय छिन्न सकिँदैन । यो टिम र विराट कोहलीलाई यसपटक आईपीएलमा ‘हारको अर्को नाम’ को संज्ञा दिइएको थियो ।

बैगलोरको पारीका कारण तीन ओभर जसले म्याच बदलिदियो

बैंगलोरका कप्तान विराट कोहली र मोइन अलीले कोलकाताको ऐतिहासिक ईडन गार्डसमा आफ्ना समर्थकहरुको हूटिङको गरिमा राखिदिए । तर, विराट कोहलीबाट होइन, मोईन अलीको प्रदर्शनबाट हूटिङको आवाज बाक्लिएको थियो । मोईन अलीले आफ्नो ब्याट्सबाट कुलदीप यादवको बलमा खुब फाइदा लिए । कोलकाताका स्पिनर कुलदीप यादव १७ ओभर लिएर आउँदा उनका सामु स्ट्राइकमा मोईन अली थिए ।

यो ओभरमा मोईन अलीले तीन छक्का र दुई चौकासहित २६ रन बनाए र यही ओभरमा एक बल वाइड गयो ।

यो ओभरमा ठूलै शट मार्न तम्सिएका उनी प्रसिद्ध कृष्णाको हाथबाट क्याच आउट भए । तर, डगआउटमा जाँदा–जाँदै उनले विराट कोहलीलाई संकेत दिएर गए कि कोलकाताको बलिङमा आज दम छैन ।

मोईनले केवल २८ बलमा पाँच चौका र ६ छक्काको मद्दतबाट धमाकेदार ६६ रन बनाए । यो ओभरमा बनेको २७ रनको मद्दतबाटै बैंगलोरको स्कोर तीन विकेटमा १ सय ४९ बाट सिधै १ सय ६८ रनमा पुग्यो । अब विकेटमा विराटलाई साथ दिन मार्कस स्टोइनिस पुगेका थिए । १८ औं ओभर सुनिल नारायणले गरे ।

विराटले यो ओभरमा एउटा शानदार छक्का मारे । यो ओभरमा १० रनमात्रै बने पनि १९ औं ओभरमा १९ रन बन्यो जुन प्रसिद्ध कृष्णले गरेका थिए ।

अन्तिम ओभर तीव्र बलर हैरी गर्नीले गरे । उनको यो ओभरमा विराट कोहलीले चौकाको मद्दतबाट आफ्नो शतक पूरा गरे । यद्यपि, उनी अन्तिम बलमा मिडविकेटमा शुभवन गिलको हातबाट क्याच आउट भए । विराट कोहलीले ५८ बलमा नौ चौका र चार छक्काको मद्दतबाट पूरै १०० रन बनाए । जारी आईपीएलमा विराट कोहलीको यो पहिलो शतक हो ।

रनको बर्षा भएपछि मात्रै सुरुमा निराशा र दबाबमा देखिएका बैंग्लोरका कोच गैरी क्रस्टिनको अनुहारमा मुस्कान देखियो । चार–पाँच ओभर नै खेल जित्नमा महत्वपूर्ण साबित भएको उनले माने ।

यसअघि विराट कोहलीले यो आईपीएलमा किंग्स इलेभन पञ्जाबविरुद्ध ६७, दिल्ली क्यापिटल्सविरुद्ध ४१, कोलकाता नाइट राइडर्सकै विरुद्ध ८४ र मुम्बई इन्डियन्सविरुद्ध ४६ रन बनाएका थिए ।

तर, जारी आईपीएलको पहिलो म्याचमा उनले चेन्नईविरुद्ध मात्र ६ रन बनाउन सकेका थिए । यहाँसम्म कि, उनको टिम चेन्नईमा सिर्फ ७० रनमा अड्कीयो । यसबाहेक सनराइजर्स हैदराबादविरुद्ध उनले तीन र मुम्बई इन्डियन्सविरुद्ध मात्र आठ रन बनाएका थिए ।

विराट कोहलीले यो आईपीएलमा शुक्रबार कोलकाताविरुद्ध बनाएको शतकको मद्दतबाट नौ म्याचमा ३ सय ७८ रन बनाइसकेका छन् ।आईपीएलमा यो उनको पाँचौ शतक हो । यसअघि सन् २०१६ मा भएको आईपीएलमा सबैले उनको ब्याटिङमा ‘विराट रुप’ देखेका थिए । त्यतिबेला उनले चार शतकको मद्दतमा एक्लै ९ सय ७३ रन बनाएका थिए ।

यो जितसँगै विराट कोहलीको टिम बैंगलोर आईपीएलबाट बाहिरिन खतरासँग जोगिएको छ । अहिलेसम्म उसको खातामा नौ म्याचपछि सातमा हार र दुईमा जितसहित चार अंक छ ।

बैंगलोरले यसैगरी बाँकी म्याच पनि जितेमा ऊ सुपर फोरमा जान सक्नेछ । अब यस्तो चमत्कार हुन्छ कि हुँदैन यो त समयले बताउला । तर, विराट कोहलीले म्याचपछि भनेका छन्, ‘यो जितबाट हामीलाई निकै ठूलो राहत मिलेको छ र हामी खुसी र उत्साहित छौं ।’

स्टोइनिसले पारीको १९ औं र मोईनले अन्तिम ओभरलाई महत्वपूर्ण बनाएको विराटले बताए । यसबाहेक विराटले मोईनको ब्याटिङको निकै प्रशंसा गरे । ‘मोईन नचलेको भए १७०–१७५ को स्कोर, ब्याटिङ अनुकुल विकेटमा पर्याप्त हुने थिएन,’ उनले भने । त्यसो त, विराट कोहली र बैंगलोरका लागि यो जितमात्रै पर्याप्त छैन । उनीहरुका लागि अबका हर एक म्याच सेमिफाइनलजस्तै हुनेछ ।