हारको दोस्रो नाम किन बन्यो विराट कोहलीको आरसीबी ?

A+ A A-

आईपीएलकाे १२ औं संस्करणको सोमबारकाे खेलमा मुम्बई इन्डियन्स र राेयल च्यालेञ्ज बैंग्लाेरबीच खेल भइरहेकाे थियाे । मुम्बई ब्याटिङ गरिरहेको थियो । त्यस क्रममा बैंगलोरका बलर मोहम्मद सिराज आफ्नो दोस्रो र पारीको १८ औं ओभरमा बलिङ गरिरहेका थिए । कभरमा रहेका कप्तान विराट कोहलीलाई एक शट आयो र त्यसलाई रोक्ने कोशिसमा बल उनको हातबाट चिप्लियो ।

निराश विराट कोहलीले जसो–तसो त्यसलाई सम्हाले र रिसले खुट्टाले हानिदिए । यो दृष्यले स्पष्ट पारिरहेको थियो कि विराट कोहली आफ्नो टिमको प्रदर्शनबाट कति निराश छन् । डगआउटमा उनको टिमका कोच आशीष नेहराको अनुहार पनि उस्तै मलिन थियो । जितका लागि १ सय ७२ रनको लक्ष्य पछ्याइरहेको मुम्बई इन्डिन्ससामु अन्तिम दुई ओभरमा २२ रन बनाउने चुनौति थियो । विराटले बल पवन नेगीलाई थमाए । नेगीको सामना गरिरहेको थिए, हार्दिक पान्ड्या र उनले एक्लै यो ओभरमा म्याचको फैसला गरिदिए । नेगीको पहिलो बलमा त रन बनेन तर अन्य बलमा हार्दिक पान्ड्याको ब्याट यसरी बज्रियो कि बैंगलोरका फिल्डर हेरेको हेर्यै भए ।

पान्ड्याले नेगीको दोस्रो बलमा लंग अफमा जोडदार छक्का लगाए । तेस्रो बललाई पान्ड्याले एक्स्ट्रा कभर बाउन्ड्री लाइनको बाहिर चार रनका लागि हाने । चौथो बलमा पनि पान्ड्याले चौका ठोकिदिए । पाँचौ बललाई पान्ड्याले जोरदार शटमार्फत लंग अनमा छक्कामा परिणत गरे । यसपछि त जितको औपचारिकतामात्रै बाँकी थियो । अन्तिम बलमा एक रनका साथ मुम्बईले यो म्याच १९ ओभरमा पाँच विकेट गुमाएर हासिल जित्यो ।

१६ बल प्रहार गरेका हार्दिक पान्ड्याले पाँच चौका र दुई छक्काको मद्दतले ३७ रन बनाएर बाहिरिए । यस्तै ओपनर क्विन्टन डी काकले ४०, कप्तान रोहित शर्माले २८, सूर्यकुमार यादवले २९ र ईशाख किशनले पनि २१ रनको योगदान गरे । युजवेन्द्र चहले २७ रन दिएर दुई विकेट लिए । यसअघि टस हारेर पहिले ब्याटिङको निम्ता पाएको रोयल च्यालेञ्जर्स बैंगलोरले एबी डिभिलियर्सको ७५ र मोईन अलीको ५० रनको मद्दतले निर्धारित २० ओभरमा सात विकेट गुमाएर १ सय ७१ रन बनायो ।

डिभिलियर्स र मोईन अलीबाहेक ओपनर पार्थिव पटेलले २८ रन बनाए । बाँकी व्याट्सम्यानको त हालत यस्तो थियो कि स्वयम् विराट कोहलीले आठ र आकाशदीप नाथले सिर्फ दुई रन बनाउन सके ।

मारकस स्टेयनिस र पवन नेगीको ब्याट्सबाट कुनै रन निस्केन । मुम्बईका लसिथ मलिंगाले आफ्नो पुरानो लय समात्दै ३१ रन दिएर ४ विकेट चट्काए । टिम कप्तान विराट कोहली, एबी डिभिलियर्स, स्टोइनिस, मोईन अली र युवेन्द्र चहलजस्ता खेलाडी हुँदा पनि बैंगलोर टिम किन सम्हालिन सकेन ?

भारतीय क्रिकेट विश्लेषक विजय लोकपल्लीलाई उदृत गर्दै बीबीसी हिन्दीका खेल पत्रका आदेश कुमार गुप्ता भन्छन्, ‘मुम्बईविरुद्ध भएको म्याचको कुरा गर्ने हो भने जुन ओभरमा हार्दिक पान्ड्याले प्रभावशाली व्याटिङ गरे, त्यो ओभर पवन नेगीलाई दिन हुँदैन थियो । हार्दिक पान्ड्यासँग उनको श्रेय छिन्न हुँदैन । तर, उनले त आफ्नो ब्याट घुमाउनु नै थियो ।’

उनले चलाखी पनि देखाए कि उनी दमदार शट हान्नका लागि विकेटमा थोरै पछाडि जान्थे । यद्यपि, बाहिर उभिएका कोच आशीष नेहराको सिफारिसमा ल्याइएका पवन नेगीले निकै कमजोर बलिङ गरे । उनले पान्ड्याको रेन्जमा बलिङ गरे । यसबाट देखियो कि राम्रो परिस्थिति हुँदाहुँदै पनि म्याच हारेको उदाहरण कसैले आरसीबीलाई हेरेर जानोस् ।

यसबाहेक आफ्नो कमजोर फिल्डिङमा विराट कोहलीको प्रहारबारे विजय लोकपल्ली भन्छन्, ‘विराट अरुबाट अपेक्षा गर्छन् कि उसले रन बचाइदेओस्, डाइभ लगाओस्, सर्वश्रेष्ठ खेलोस् । तर, विराट स्वयमले चाहिँ बललाई सही ढंगले पकडेनन्, त्यसैले आफैंसँग रिसाएर खुट्टाले हाने ।’
अब त आठमा सात म्याच हारेर उसको यात्रा समाप्त हुने घडीमा पुगेको छ । ‘बाँकी ६ मध्ये ६ वटै म्याच जित्न निकै मुश्किल छ,’ खेल विश्लेषक लोकपल्ली भन्छन्, ‘एउटा यस्तो टिम जसको मनोबल टुटेको छ, जसको फर्म निकै खराब छ ।’

त्यसै पनि २५ तारिख जो अहिलेसम्म टाढै छ । तर, त्यतिबेलासम्म बैंगलोरले केही विदेशी खेलाडीहरु पनि गुमाउने छ । किनकि, उनीहरु विश्वकपको तयारीका लागि फर्किने छन् । यस्तोमा कुनै चमत्कार भएमात्रै बैंगलोरले अन्तिम चारको टिकट पाउने छ ।

त्यो भए स्वयम् विराट कोहलीको ब्याट्स नचल्नु नै बैंगलोरको बेहाल हुनुको मुख्य कारण हो त ?

भारतीय खेल विश्लेषक लोकपल्ली भन्छन्, ‘निश्चित रुपमा यसमा कुनै दुईमत छैन । यो टिम यसपटक विराट र डिभिलियर्सकै भरोसामा थियो । सोमबार पनि डिभिलियर्स मुम्बईविरुद्ध गलत समयमा आउट भए, यहाँसम्म कि अन्तिम ओभरमा तीन विकेट झारेर ।’

आकाशदीप नाथका कारण डिभिलियर्स रन आउट भए । अकाशदीपलाई डिभिलिसर्यले रन लिइरहेको समयमा फिर्ता पठाउन हुँदैन थियो । भिडिलियर्स स्ट्राइकमा रहेका हुन्थे भने १५ रन त थपिन सक्थ्यो जुन काम आउने थियो ।

यहाँ निकै कमजोर क्रिकेटरको परिचय बैंगलोरका खेलाडीहरुले दिए । र, बँचेखुचेको कसर पवन नेगीको ओभरले पूरा गरिदियो । नेगीले जितको नजिक पुगिसकेको टिमलाई जिताउन सकेनन् ।

यसैगरी बैंगलोरले अर्को एउटा म्याच हार्यो भने ऊ सुपर फोरबाटै बाहिरिने छ । केवल दुई व्याट्सम्यानको साहारामा रहेको बैंगलोरलाई आठ म्याचबाट सात म्याच हारेर आईपीएलमा बेसहारा हुनु नै थियो ।

प्रकाशित मिति: मंगलबार, वैशाख ३, २०७६ २०:१०