आयोजना प्रभावित क्षेत्रको वातावरण संरक्षणका लागि २ अर्ब २१ करोड

A+ A A-

संखुवासभामा निमार्णाधीन ९ सय मेगावाटको अरुण तेस्रो जलविद्युत् आयोजनाले वातावरण संरक्षणका लागि २ अर्ब २१ करोड दिने भएको छ । आयोजनाका विभिन्न संरचना निमार्ण गर्दा उत्पन्न हुने वातावरणीय प्रभावलाई न्यूनिकरण गर्न २ अर्ब २१ करोड छुट्याइएको भारतिय निमार्ण कम्पनी सतलजले जनाएको छ ।

आयोजनाले पहिलो चरणमा धूलो नियन्त्रण, पहिरो नियन्त्रण ,सडकमा ग्राभेल र दोस्रो चरणमा कालोपत्रे गर्न विभिन्न सुरक्षालाई मध्येनजर गर्दै कार्यक्रम ल्याइएको जनाएको छ । भारतीय निर्माण कम्पनीले भौतिक संरचना बनाउदाँ बर्खायाममा मानवबस्ती, खेतियोग्य जमिन समेत जोखिममा परेका छन् ।

निमार्णाधिन आयोजनाका लागि अहिले दैनिक १५ देखि २० वटा सम्म ठूला मालवाहक सवारी साधन संखुवासभा भित्रिने गरेका छन् । कच्ची सडक भएकाले जिल्ला भित्रिने ठूला सवारीको धुलोले मानव बस्तीलाई सास्ती दिने गरेको छ ।

आयोजनाको निमार्ण कार्य तिब्र गतिमा बाध निमार्ण, ड्याम साइड र सडक क्षेत्रमा काम भइरहेका छ । विद्युत् निमार्ण कार्य सञ्चालनका क्रममा हुने वातावरणीय प्रभावलाई न्यूनीकरण गर्न २ अर्ब २१ करोड बजेट विनियोजन गरेको सतलज कम्पनी तुम्लिङटारका प्रमुख शतिसकुमार शर्माले जानकारी दिए ।

उनका अनुसार आयोजनाका क्रममा भएका र हुन सक्ने वातावरणीय प्रभावलाई रोक्ने प्रयास भइरहेको बताए । आयोजनाको बाध निमार्ण र ड्याम साइड क्षेत्रमा गएको पहिरो रोकथाम गर्न नाली कटाउने ,गाह्रो लगाउने कामहरु भइरहेको बताइएको छ ।

अरुण तेस्रोको पावर हाउस अन्तर्गतको छ्याङकुटी पुखुवा २८ किलोमिटर सडक खण्डमा स्थानीयको खेतीयोग्य जमिनमा लगाइएको सयौ हेक्टरका अलैची र धान खेत पहिरोले पुरेको भन्दै जिल्ला प्रशासन कार्यालय, चिचिला गाउँपालिका र सडक विभागमा निवेदन दिएपनि क्षतिपूर्ति नपाएको पीडितको गुनासो छ ।

प्रकाशित मिति: मंगलबार, चैत ५, २०७५ ०३:५४