आज दिनभर : पूर्वप्रधानमन्त्रीले तोडे कार्यविधि, मुसर्रफले जोगाए ज्यान

A+ A A-

आज २९ पुसका नेपाली मिडियामा सभामुख चयनमा अन्योल नै प्रमुख खबरका रूपमा आएको देखियो । पूर्वप्रधानमन्त्रीहरूले सुरक्षाकर्मीका सवालमा कार्यविधि मिचेका, कांग्रेस किचलो, एनसेल टावरमा आगजनीलगायतका खबर पनि आजका नेपाली मिडियाका प्रमुख खबर बने ।

यसका अतिरिक्त पाकिस्तानी पूर्वशासक परवेज मुसर्रफलाई मृत्युदण्ड बदरको विषय पनि आजका मिडियामा सनसनीपूर्ण बन्यो ।

...

सत्तारुढ नेपाल कम्युनिस्ट पार्टी (नेकपा)भित्र अहिले सबैभन्दा चर्चा हुने पात्र हुन् उपसभामुख डा. शिवमाया तुम्बाहाम्फे । तुम्बाहाम्फेलाई नेकपाको शनिबार बसेको सचिवालय बैठकले राजीनामा गराउने निर्णय गर्‍यो ।

तर तुम्बाहाम्फेले आफूले राजीनामा नदिने बताएपछि नेकपामा उपसभामुखको राजीनामा पेचिलो बन्दै गएको छ । शनिबार बसेको सचिवालय बैठकको अध्यक्षता पुष्पकमल दाहाल (प्रचण्ड)ले गरेका थिए । उनको अध्यक्षतामा बसेको बैठकको निर्णय कार्यान्वयन नहुने अवस्था सिर्जना भएको छ ।

...

पार्टी स्थापना गर्न योगदान दिएका कोइराला परिवारका सदस्यले नै नेपाली कांग्रेसको नेतृत्व अधिकांश समय लिँदै आएका छन् ।

पार्टीको १३औँ महाधिवेशनदेखि भने कोइराला परिवार बाहिरकाले कांग्रेसको नेतृत्व गरिरहेका छन् । हाल पार्टी नेतृत्व शेरबहादुर देउवाले गरिरहेका छन् । आठौँ महाधिवेशनबाट पार्टीको नेतृत्व पनि गैरकोइराला अर्थात् कृष्णप्रसाद भट्टराईले गरेका थिए ।

...

सुरक्षा निकायमा सुरक्षाकर्मीको संख्या अपुग भइरहेका बेला पूर्वप्रधानमन्त्रीहरूले भने व्यक्तिगत सुरक्षाका लागि निजी निवासमा सरकारी कार्यविधिले तोकेभन्दा बढी सुरक्षाकर्मी राख्दै आएका छन् । पूर्वप्रधानमन्त्रीले नैतिकता प्रदर्शन गर्नुपर्नेमा उल्टै कार्यविधि मिचेका हुन् ।

...

‘भन्नलाई म उपमहानगरपालिकाको बासिन्दा हुँ तर राज्यबाट मैले गाउँपालिकाका नागरिकले पाउनेजति सुविधा पनि पाएको छैन,’ टाँगिया बस्तीकै राजकुमार श्रेष्ठ भन्छन्, ‘११ वर्षदेखि मजस्ता हजारौं टाँगियावासीलाई राज्यले अवहेलना गरेको छ ।’

...

कैलालीमा भारु ६५ लाखसहित तीन जनालाई पक्राउ गरिएको छ । चोरीमा संग्लन श्रीमान्/श्रीमतीसहित तीन जनालाई पक्राउ गरिएको कैलाली प्रहरीले जनाएको छ ।

...

विद्युत् सर्ट भएर घरमा आगलागी हुँदा ४८ लाख रुपैयाँभन्दा बढीको धनमाल जलेर नष्ट भएको छ । दिक्तेल रुपाकोट मझुवागढी नगरपालिका–३, बाम्राङस्थित रमितेडाँडाका गोपी कटवालको दुईतले घर तथा घरमा राखिएकाे ६ तोला सुन, २ लाख नगद रुपैयाँ, अन्नपात, काठपातलगायत जल्दा ४८ लाख रुपैयाँ भन्दा बढीको क्षति भएको हो ।

...

एक महिलालाई परमेश्वरको डर देखाउँदै बलात्कार गरेको अभियोगमा क्रिश्चियन धर्मका एक जना गुरु (पास्टर)लाई ललितपुर प्रहरीले पक्राउ गरेको छ ।

पक्राउ पर्नेमा कुसुन्ती मण्डली चर्चका पास्टर ध्रुवबाबु जोशी रहेका छन् । उनलाई ललितपुर महानगरीय प्रहरी परिसरले सोमबार साँझ पक्राउ गरेको हो ।

...

राजधानी काठमाडौंमै दूरसञ्चार सेवा प्रदायक कम्पनी एनसेलका दुईवटा टावरमा अगजनी भएको छ । काठमाडौंको दक्षिणकाली नगरपालिका–८, छैमलेमा रहेको एनसेल टावरमा आगजनी भएको हो ।

त्यसैगरी, काठमाडौंंकै तारकेश्वर नगरपालिकाको जितपुर फेदीमा रहेको अर्को टावरमा पनि सोमबार राति नै आगजनी भएको छ । स्थानीयका अनुसार राति टावरमा ठूलो आगो देखिएको थियो ।

...

पाकिस्तानका पूर्वराष्ट्रपति परवेज मुसर्रफलाई सुनाइएको मृत्युदण्डको फैसला बदर भएको छ ।

लाहोर उच्च अदालतले मुसर्रफविरुद्धको सजाय उल्टाउँदै यसअघिको फैसला प्रक्रिया असंवैधानिक भएको ठहर गरेको हो । सो अदालतको पूर्ण इजलासले उनले दिएको निवेदनमाथि बहस गर्दै यस्तो फैसला सुनाएको हो ।

प्रकाशित मिति: मंगलबार, पुस २९, २०७६ १९:४५