बौद्धिक वर्गलाई सुमनाको प्रश्न : तपाईंहरूसँग फोटो खिचेर नाम भजाएर के–के गरे देख्नुभयो ?

बौद्धिक वर्गलाई सुमनाको प्रश्न : तपाईंहरूसँग फोटो खिचेर नाम भजाएर के–के गरे देख्नुभयो ?

A+ A A-

छनोट तथा सिफारिस समितिले त्रिभुवन विश्वविद्यालयको उपकुलपतिका लागि १४ जनाको नाम सर्ट लिस्ट सार्वजनिक गरेपछि राष्ट्रिय स्वतन्त्र पार्टीकी सांसद सुमना श्रेष्ठले विरोध जनाएकी छिन् । बिहीबार राति सार्वजनिक गरिएको सर्ट लिस्टमा बौद्धिक चोरीको आरोप लागेका व्यक्तिसमेत परेपछि उनी रुष्ट बनेकी हुन् । ४३ जनाको आवेदन परेकोमा १४ जनाको नाम सार्वजनिक गरिएको छ ।

त्रिविको उपकुलपतिका लागि १४ जनाको नाम 'सर्टलिस्ट'मा, को-को परे ?

उनले मापदण्ड नै परिवर्तन गर्न प्रधानमन्त्री पुष्पकमल दाहाललाई भेटेर सुझाव दिएकी थिइन् । अयोग्यहरूको नाम पनि सर्ट लिस्टमा परेको भन्दै उनले भनेकी छिन्, ‘बौद्धिक वर्ग ! तपाईंहरूलाई बोलाएर, सँगै फोटो खिचाएर, तपाईंहरूको नाम भजाएर के–के गरे, देख्नुभयो ! प्रधानमन्त्रीले मलाई सल्लाह माग्न बोलाउँछन् भनेर दङ्ग परेर बस्नुहुन्छ कि, खै सल्लाहअनुसार किन काम भएन भनेर सोध्ने र बोल्ने आँट गर्नुहुन्छ ?’

त्रिविकाे उपकुलपति छनाेट प्रक्रिया पुनरावलोकन गर्न रास्वपाको माग

१० माघमा प्रधानमन्त्री प्रचण्डले पूर्वउपकुलपति केदारभक्त माथेमा, डा. पीताम्बर शर्मा, डा. विद्यानाथ कोइराला, डा. चैतन्य मिश्र, प्रा. कृष्ण खनालसहितका प्रबुद्ध व्यक्तिसँग छलफल गरेका थिए । सांसद श्रेष्ठले बौद्धिक वर्गलाई सल्लाहअनुसार किन काम भएन भनेर प्रधानमन्त्रीलाई सोध्ने कि नसोध्ने भनी प्रश्नसमेत गरेकी छिन् ।

414842167_911143950313964_6643385112671850861_n (1)1706085652.jpg

भागवण्डा नगर्ने भनेर भाषण मात्र भएको सांसद श्रेष्ठको टिप्पणी छ । ‘त्रिवि उपकुलपतिमा भागवण्डा नगर्ने, स्वच्छ छविको योग्य व्यक्ति नियुक्ति गर्ने प्रतिबद्धता देशको सर्वोच्च पद भनिनेहरूमा आसीनहरूबाट सुनियो । ठूला, साना, युवा, झन् युवा सबै नेतागणबाट पनि यस्तै आदर्शको भाषण सुनियो । अनि आज सर्ट लिस्ट भएकाहरूको नाम देख्छु– वाह ! अझ निमित्तले नियुक्ति सरुवा गरिरहेका छन् रे । अन्य विश्वविद्यालयमा पनि नियुक्ति अड्काइरहेको कुरा सुनिन्छ,’ सुमनाले भनेकी छिन् ।

प्रधानमन्त्रीले भागवण्डा रोक्छु भनेर झुक्याएको उनको भनाइ छ । ‘हे कथित् माननीयहरू ! केही त यस्तो काम गरौँ न, माननीय भन्नुपर्छ भन्ने ऐन बनाइराख्न नपरोस् । जनताले मनदेखि नै माननीय भनून् । हामीले चाहे नसक्ने हो र ? यो भुरा कति दिन कराइराख्ला र, थाकिहाल्छ नि एक दिन भनेर सोच्नुभएको हो भने म छोड्नेवाला छैन । तपाईंहरूको मृत्युपर्यन्त स्मृतिमा पनि ‘...ले अधिकार पाएको छु, त्रिविमा भागवण्डा रोक्छु भन्नुभएको थियो तर झुक्याउनुभयो । लेख्नुपर्ने बनाउँछु,’ उनले भनेकी छिन् ।

त्रिवि उपकुलपतिमा भागवण्डा नगर्ने, स्वच्छ छविको योग्य व्यक्ति नियुक्ति गर्ने प्रतिबद्धता देशको सर्वोच्च पद भनिनेहरूमा आसीनहरूबाट सुनियो । ठूला, साना, युवा, झन् युवा सबै नेतागणबाट पनि यस्तै आदर्शको भाषण सुनियो । अनि आज सर्ट लिस्ट भएकाहरूको नाम देख्छु - वाह !!! अझ निमित्तले नियुक्ति…
— Sumana (@SumanaShrestha) February 9, 2024