त्रिविकाे उपकुलपति छनाेट प्रक्रिया पुनरावलोकन गर्न रास्वपाको माग

A+ A A-

राष्ट्रिय स्वतन्त्र पार्टीले त्रिभुवन विश्वविद्यालयको उपकुलपति छनाेट प्रक्रिया पुनरावलोकन गर्न माग गरेको छ । प्रधानमन्त्री एवं कुलपति पुष्पकमल दाहाल प्रचण्डलाई भेटेर रास्वपाले छनाेट प्रक्रिया पुनरावलोकन गर्न माग गरेको हो ।

उपकुलपतिका लागि आवेदन दिएका उम्मेदवार उत्तरपुस्तिका नष्ट गर्ने र बौद्धिक चोरीको आरोप लागेकाले त्यसमा समेत रास्वपाले प्रधानमन्त्रीको ध्यानाकर्षण गराएको छ । भीसीका लागि ४३ जनाको आवेदन परेको छ । आवेदन दिने केही व्यक्तिमाथि बौद्धिक चाेरी र प्रश्नपत्र सार्वजनिक गरेको आरोप लागेको छ ।

‘त्रिविको उपकुलपति पदका लागि आवेदन दिएका उम्मेदवारको नाम सार्वजनिक भएसँगै उक्त सूचीमा उत्तरपुस्तिका नष्ट गरेका आरोपित व्यक्तिदेखि बौद्धिक चोरीको आरोप लागेका व्यक्तिहरूले समेत नियुक्तिका लागि आवेदन दिएको देखिन्छ । बौद्धिक चोरीबारे उपकुलपति नियुक्तिको मापदण्डमा नसमेटिएका कारण यसले प्रधानमन्त्रीले त्रिविको ४९औँ दीक्षान्त समारोहमा दिनुभएको उत्कृष्ट व्यक्ति छान्ने आश्वासनमाथि नै प्रश्न उठेको छ,’ रास्वपाले प्रधानमन्त्रीलाई बुझाएको पत्रमा भनिएको छ ।

उपकुलपति छनोट तथा सिफारिस गर्न गठित सिफारिस समितिले उपकुलपति छनोट तथा सिफारिससम्बन्धी कार्यविधि अस्पष्ट, अपूर्ण र समस्याग्रस्त रहेको रास्वपाको ठहर छ ।

‘पुनरावलोकन गर्न अनुरोध गर्दछु । कार्यविधिमा खोट मात्र देखाउन हैन समस्या समाधानउन्मुख केही सुझाव पनि प्रस्तुत गरेका छौँ,’ रास्वपाकी सांसद सुमना श्रेष्ठले भनिन् । राजनीतिक भागवण्डाको आधारमा नभइ प्राज्ञलाई उपकुलपति बनाउन रास्वपाले माग गरेको छ ।

जवाफमा प्रधानमन्त्री प्रचण्डले आवश्यक परेमा पुनरावलोकन गर्ने आश्वासन दिएका छन् । सचेतक निशा डाँगी, सांसद समना श्रेष्ठ र डोलप्रसाद अर्यालले प्रधानमन्त्रीलाई ध्यानाकर्षण पत्र बुझाएका हुन् ।

$Letter to PM on TU VC selection {for public}_page-00011706605824.jpg$

$Letter to PM on TU VC selection {for public}_page-00021706605903.jpg$ $Letter to PM on TU VC selection {for public}_page-00031706606047.jpg$ $Letter to PM on TU VC selection {for public}_page-00041706606085.jpg$