बुद्ध एयरका कार्यकारी अध्यक्ष बस्नेतले ४० प्रतिशत शेयरका हिस्सेदार भाइ शिवेन्द्रविरुद्ध चलाए कर्मचारीको हस्ताक्षर अभियान

बुद्ध एयरका कार्यकारी अध्यक्ष बस्नेतले ४० प्रतिशत शेयरका हिस्सेदार भाइ शिवेन्द्रविरुद्ध चलाए कर्मचारीको हस्ताक्षर अभियान

A+ A A-

बुद्ध एयरका मालिकद्वय वीरेन्द्रबहादुर बस्नेत र शिवेन्द्रबहादुर बस्नेतबीच रहेको सम्पत्ति विवाद कर्मचारी तहमा झरेको छ । कम्पनीका ४० प्रतिशत शेयर रहेका शिवेन्द्रबहादुर बस्नेतलाई बुद्ध एयरमा प्रवेश गर्न नदिन कार्यकारी अध्यक्ष वीरेन्द्रले कर्मचारी परिचालन गरी हस्ताक्षर अभियान सुरु गरेका हुन् । शिवेन्द्रले बुद्ध एयरको आर्थिक हिसाबकिताब खोजेपछि दाजुभाइबीच विवाद बढेको थियो ।

उनीहरूको सम्पत्ति विवाद अदालतसम्म पुगेको छ । तर, दाजु वीरेन्द्रले भाइ शिवेन्द्रसँग सम्पत्ति विवाद साम्य पार्नेभन्दा कर्मचारी परिचालन गरेर विवाद लम्ब्याउने खेलमा लागेको कर्मचारीहरूले नै टिप्पणी गरेका छन् । कार्यकारी अध्यक्ष बस्नेतसहित माथिल्लो तहका केही कर्मचारीले भने शिवेन्द्रले बुद्ध एयर विभाजन गर्न खोजेको हल्ला गरेर हस्ताक्षर गर्न लगाइरहेका छन् ।

कार्यकारी अध्यक्ष वीरेन्द्रबहादुर बस्नेतलाई मागपत्र पेस गर्दै केही कर्मचारीहरूले शिवेन्द्रबहादुर बस्नेतमाथि गम्भीर आरोप लगाएका छन् । दाजु वीरेन्द्रले भाइ शिवेन्द्रलाई बुद्ध एयरको शेयरको हिसाबकिताब गर्न नमानेका बेला केही कर्मचारी विवादभित्र प्रवेश गर्न खोजेका हुन् । बुद्ध एयरको वार्षिक साधारणसभामा ४० प्रतिशत शेयरधनी रहेका शिवेन्द्र र उनको परिवारलाई सहभागी हुन नदिने रणनीति अपनाइएको थियो । कार्यकारी अध्यक्ष तथा दाजु वीरेन्द्र बस्नेत, लेखा विभाग प्रमुख रमेशकुमार लुइँटेल र कम्पनी सचिवसमेतको मिलेमतोमा शिवेन्द्रलाई सहभागी नगराउने रणनीति बनेको थियो ।

यो पनि: बुद्ध एयरका सञ्चालक दाजु वीरेन्द्र र भाइ शिवेन्द्रकाे शेयर विवादको नालीबेली

२७ पुसका लागि तोकिएको साधारणसभामा शिवेन्द्रलाई रोक्ने प्रयासमा उच्च अदालत पाटन बाधक भइदियो । अदालतले ४० प्रतिशतको शेयरधनीलाई साधारणसभामा सहभागिताका लागि समस्या पैदा नगर्न आदेश दिएको थियो । शिवेन्द्रको आफ्नो नाममा भन्दा पनि श्रीमती र छोराछोरीको नाममा शेयर छ । छोराछोरी र श्रीमतीको प्रतिनिधि भएर सभामा सहभागी हुन शिवेन्द्रलाई रोक्न खोजिएको थियो ।

सभामा शिवेन्द्र सहभागी भएपछि दाजु वीरेन्द्र बस्नेतले शिवेन्द्रविरुद्ध कर्मचारीहरूमा हस्ताक्षर अभियान चलाएका हुन् । बुद्ध एयर विभाजन हुन लाग्यो, त्यसलाई बचाउनुपर्छ भन्दै कर्मचारीलाई त्रसित बनाई कार्यकारी अध्यक्ष तथा एमडीले त्यस्तो अभियान चलाएको आरोप लागेको छ ।

शिवेन्द्रसँग रुष्ट केही कर्मचारीले नेतृत्व गरेको अभियानमा संलग्नहरू शिवेन्द्र बस्नेतलाई कुनै हालतमा छिर्न नदिने भन्दै हिँडेका छन् । कर्मचारी स्रोतका अनुसार लुुइँटेलसहितका माथिल्लो तहका केही हाकिमले तत्लो तहका कर्मचारीलाई ‘शिवेन्द्रलाई छिर्न दिने होइन, कार्यकारी अध्यक्षको पक्षमा हस्ताक्षर अभियान चलाउनुपर्छ’ भनेका थिए । त्यसको केही दिनमै उक्त अभियान सुरु भएको हो ।

हिजो र आज पाइटल र को–पाइलटहरूसँग छलफल भएको स्रोतको दाबी छ । ६ माघबाट सुरु भएको उक्त अभियानको पत्रमा शिवेन्द्रलाई बुद्ध एयर डुबाउने मतियारको रूपमा चित्रित गरिएको छ । बुद्ध एयर डुबाउनकै लागि पहिला शिवेन्द्रले माउन्टेन एयर सञ्चालन गरेको मात्र होइन, टिकट घटाघटमा बिक्री गरेर केही समय बुद्ध एयरलाई खाली उडान गर्न बाध्य बनाएको समेत आरोप लगाएका छन् । त्यति मात्र होइन, भाइ शिवेन्द्र शिवानी एयर (पाइलट स्कुल) सञ्चालन गरी एयरलाइन्समा जागिरसमेत मिलाइदिने भनी प्रलोभन देखाई विद्यार्थीहरूको पढाइ पूरा नगरी बीचैमा कम्पनी बन्द गरेका व्यक्ति रहेको दाबी पनि गरिएको छ ।

साथै, यो समस्याबाट उम्किन उनले नक्कली शरणार्थी कागजात बनाई अमेरिका भागेको आरोप लगाइएको छ । पत्रमा भनिएको छ, ‘२५/२६ वर्षदेखि बुद्ध एयरका लागि सेवा गरिरहेका कर्मचारीमाथि विभिन्न मुद्दा दायर भएका छन् । निज शिवेन्द्रबहादुर बस्नेतले यस कम्पनीमा शेयर वा अन्य कुनै रूपमा सम्बन्ध वा सरोकार नरहेको अवस्थामा समेत यस कम्पनीमा आफ्नो भूमिका लाद्न विभिन्न प्रयासहरू गर्दै आएका छन् ।’

उनीहरूबीच सम्पत्ति विवाद भने खासगरी एक वर्षअघिबाट सुरु भएको हो । बाबुु सुरेन्द्रबहादुर बस्नेतले दाजुुभाइलाई शेयर बाँडफाँट गरिदिएपछि सुरु भएको हो । भाइ शिवेन्द्रले ४० प्रतिशत शेयर पाएपछि बुद्ध एयरको आर्थिक पारदर्शिता खोजेका थिए । त्यही प्रश्न उठ्न थालेपछि दाजु वीरेन्द्र बस्नेतले भाइलाई बुद्ध एयरमा प्रवेश गर्न नदिने नीति लिन थालेको कर्मचारी स्रोतको दाबी छ ।

१४ साउन २०७५ मा सुरेन्द्रबहादुर बस्नेतले हालैको बकसमार्फत १३ प्रतिशत शेयर र २५ फागुन २०७९ मा शेषपछिको बकसमार्फत ३५ प्रतिशत अनुपातको शेयर प्राप्त गरी शिवेन्द्रबहादुर बस्नेतको परिवार ३५ प्रतिशतको शेयर धनी भएको दाबी गरिएको छ । शिवेन्द्रको परिवारले बुद्ध एयर र कार्यकारी अध्यक्ष वीरेन्द्रबहादु बस्नेतविरुद्ध ७ साउन २०८० मा दर्ता गरेको मुद्दामा कम्पनीको नियन्त्रण भने वीरेन्द्रबहादुर बस्नेत, उनकी श्रीमती सुनिता बस्नेत र छोरीहरू आरजु बस्नेत र आस्था बस्नेत समूहको छ ।

६० प्रतिशत शेयर सदस्य रहेका उनीहरूमध्ये वीरेन्द्र र सुनिता दुई जना सञ्चालक समिति सदस्य रहेका छन् । भाइ शिवेन्द्रको दाबीमा बाबु सुरेन्द्र बस्नेत स्वास्थ्यका कारण ४/५ वर्ष कम्पनीको काममा सक्रिय हुन सकेनन् र दाजु वीरेन्द्र बस्नेतले एकलौटी सञ्चालन गरे । त्यही समयदेखि केही शेयरधनीको एकलौटी नियन्त्रणमा रहेकाले कम्पनी के कसो भएको छ भन्नेबारेमा अल्पमतका शेयरधनीलाई थाहा नदिएको दाबी गरिएको छ । भाइ शिवेन्द्रको दाबीमा साधारणसभाको निमन्त्रणासमेत दिने गरेका छैनन् ।

यो पनि: बुद्ध एयरको विवाद उत्कर्षमा, लेखा प्रमुखमाथि पनि सम्पत्ति शुद्धीकरणमा उजुरी

१० पुस २०७९ मा वीरेन्द्रबहादुर र शिवेन्द्रका बाबु सुरेन्द्र बस्नेतको निधन भयो । त्यही समयदेखि शेयर विवाद हुन थालेको देखिन्छ । शेयर पाएपछि शिवेन्द्रको परिवारले बुद्ध एयरको विषयमा जानकारी लिन खोजेको थियो । त्यस क्रममा कम्पनी नियन्त्रणमा रहेको समूहसँग पटकपटक भेटघाट गरी कम्पनीको विषयमा कुराकानी गरेको दाबी गरिएको छ । त्यस क्रममा दाजु वीरेन्द्रले ‘हामी जेजसरी चलाउँछौँ, त्यसरी नै चल्ने हो, तपाईंहरू चुपचाप जे दिन्छौँ, त्यही लिनुहोस्, होइन भने विभिन्न कानुनी तथा प्राविधिक कारण देखाई लाभांश रोक्नेदेखि लिएर लाखौँको झमेला खेप्नुपर्ला’ भनेर धम्की दिएको शिवेन्द्रको दाबी छ ।

उनीहरूले बाबु सुरेन्द्र बस्नेतबाट प्राप्त गरेको सम्पत्तिसम्बन्धी अधिकारबाट वञ्चित गराउने प्रयास भएको आरोप वीरेन्द्रमाथि लगाएका छन् । शिवेन्द्र परिवारले रिटमा उल्लेख गरेको छ, ‘कम्पनीको प्रशासन एवं सञ्चालक कम्पनीले दिने हवाई उड्डयन सेवाको गुणस्तर र सुरक्षाको उच्चतम मानक पूरा हुनुपर्ने, न्याय र कानुनसम्मत, नैतिकतापूर्ण र शेयरधनीको लाभको रक्षा हुने गरी हुनुपर्ने, कानुनविपरीतका कम्पनीसम्बन्धी नीति र अन्य कागजात सो हदसम्म अमान्य वा रद्द हुने र कम्पनीमा हामीलाई हाम्रा हजुरबुबा ससुराले सबैलाई भाग लगाइदिनुभएको शेयरबमोजिमको अधिकार कानुनबमोजिम उपभोग गर्न पाउनुपर्ने र सोसम्बन्धी सबै जानकारी र कानुनबमोजिमको पहुँच प्रदान गर्न आग्रह गरेका थियौँ ।’

तर, उक्त मागको सुनवाइको सट्टा दमनकारी नीति लिएको शिवेन्द्र परिवारको दाबी छ । कम्पनीसँग त्यसरी सूचना माग्दा नदिएपछि शिवेन्द्रको परिवारले २४ वैशाख २०८० मा कम्पनी रजिस्ट्रारको कार्यालयबाट बुद्ध एयरसँग सम्बन्धित केही कागजात माग गरेका थिए । उनीहरूले कम्पनीले कम्पनी रजिस्ट्रार कार्यालयमा पेस गरेको कागजात पाऊँ भनी निवेदन दिएका थिए । बुद्ध एयरले नै अपुग कागजात पेस गरेको भन्दै केही सीमित कागजात प्राप्त गरेको भए पनि अधिकांश कागजात उपलब्ध नभएको दाबी गरेका छन् ।

रिट निवेदनमा उल्लेख भएअनुसार, कम्पनीले रजिस्ट्रार कार्यालयमा बुझाएको कागजातमा आर्थिक वर्ष २०७५/७६ को वार्षिक साधारणसभाको माइन्युटमा ९ करोड ८५ लाख ७२ हजार ४ सयमा लाग्ने लाभांश कर कट्टी गरी शेयरधनीहरूलाई लाभांश वितरण गरेको भनी उल्लेख छ । सोही आर्थिक वर्षको प्रोफिट एन्ड लस अकाउन्टमा पनि ९ करोड ८५ लाख ७२ हजार ४ सय लाभांश वितरण गरेको भनी उल्लेख छ ।

त्यसैगरी, कम्पनीले कम्पनी रजिस्ट्रार कार्यालयमा दाखिला गरेको आर्थिक वर्ष २०७८/७९ को वार्षिक साधारणसभाको माइन्युटमा १० करोड लाभांश वितरण गर्ने भनी निर्णय भएको देखिन्छ । अहिले उच्च अदालत पाटन र ललितपुर जिल्ला अदालतमा दाजुभाइ वीरेन्द्र बस्नेत र शिवेन्द्र बस्नेतबीच बुद्ध एयरको सम्पत्तिसम्बन्धी मुद्दा चलिरहेको छ । शिवेन्द्रको दाबीमा दाजु वीरेन्द्रले मुद्दा लम्ब्याउने र पेसी सार्ने काम गरिरहेका छन् ।

प्रकाशित मिति: मंगलबार, माघ ९, २०८० १५:१९

शिलापत्र संवाददाता

प्रतिक्रिया दिनुहोस्

भर्खरै

कैलालीमा माटोको ढिस्कोमा पुरिएर एक जनाको मृत्यु

काठमाडौं महानगरले अग्नि प्रभावित दाङ र गुल्मीका दुई पालिकालाई दश/दश लाख राहत दिने

बेलायत पठाइदिने भन्दै ३४ लाखभन्दा बढी रकम ठगी गर्ने पक्राउ

काउन्सिल अध्यक्षले सामग्री हटाउने निर्देशनकाे बचाउ गरेपछि पत्रकार महासंघका महासचिवकाे प्रतिवाद

काेदाेकाे बिस्कुटले फलिफाप जिन्दगी

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

विचार

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?