डेनमार्कको समुद्रमा यसरी विस्फोटन गराइयो दोस्रो विश्वयुद्धकालीन १३० केजीको बम (भिडियो)

डेनमार्कको समुद्रमा यसरी विस्फोटन गराइयो दोस्रो विश्वयुद्धकालीन १३० केजीको बम (भिडियो)

A+ A A-

युरोपेली राष्ट्र डेनमार्कको समुद्रमा दोस्रो विश्वयुद्धकालीन बम विस्फोट गराइएको छ । बाल्टिक समुद्रमा १३० केजीको दोस्रो विश्वयुद्धकालीन बम विस्फोटन गराइएको हो ।

बीबीसीका अनुसार समुद्रमा माछा मार्न गएका समूहले बाल्टिक समुद्रमा माछा मार्ने क्रममा उक्त बम फेला पारेका थिए । डुंगामा माछा मार्न गएका उनीहरूको माझीजालमा बम देखा परेपछि स्थानीय अधिकारीलाई खबर गरेका थिए ।

योसँगै ड्यानिस नौसेनाले उक्त बमलाई पानीभित्रै विस्फोट गराइदिएको हो । उक्त बमले भविष्यमा विस्फोटन हुँदा मान्छेकै ज्यान लिन सक्ने भएकाले त्यसलाई निष्क्रिय बनाउन अर्को १० केजीको बम प्रयोग गरिएको थियो ।

डेनमार्कको रक्षा मन्त्रालयका अनुसार समुद्रभन्दा १५ मिटरमुनि दोस्रो विश्वयुद्धकालीन बम पड्काइएको थियो । उक्त बम कुन देशको हो भनेर भने खुलाइएको छैन । सन् १९३९ देखि १९४५ सम्म दोस्रो विश्वयुद्ध भएको थियो । उक्त युद्धमा डेनमार्कले कसैको पक्ष लिएको थिएन, उसले तटस्थ बस्ने निर्णय गरेको थियो ।

भिडियो:

डेनमार्कले पहिलो विश्वयुद्धमा जस्तै तटस्थता कायम राख्ने आशामा जर्मनीसँग सन् १९३९ मा ननएग्रेसन प्याक्टमा हस्ताक्षर गरेको थियो । तर, एडोल्फ हिट्लरको जर्मनीले सम्झौता तोड्दै डेनमार्कमा आक्रमण गर्दै उक्त देशलाई सन् १९४० अप्रिल ९ मा कब्जा गर्‍यो । तत्कालीन डेनिस सरकारले आत्मसमर्पण गरेपछि डेनमार्कमा रहेर जर्मनीले नर्वेमा पनि आक्रमण गर्दै उक्त देशलाई पनि कब्जा गरेको थियो ।

प्रकाशित मिति: शुक्रबार, मंसिर २२, २०८० १६:५१