नेपाल लाइफको लिडरसिप एक्सेलेन्स अवार्ड्स, २०२३ मा १३१ अभिकर्तासहित विभिन्न एजेन्सी म्यानेजर सम्मानित

नेपाल लाइफको लिडरसिप एक्सेलेन्स अवार्ड्स, २०२३ मा १३१ अभिकर्तासहित विभिन्न एजेन्सी म्यानेजर सम्मानित

A+ A A-

नेपाल लाइफ इन्स्योरेन्स 'तीन दिवसीय लिडरसिप एक्सेलेन्स अवार्ड्स, २०२३' कार्यक्रम सम्पन्न गरेको छ । उक्त कार्यक्रमको उद्घाटन कम्पनीका वरिष्ठ संचालक कमलेश कुमार अग्रवाल, संचालक विमल ढकाल र कम्पनीका प्रमुख कार्यकारी अधिकृत प्रवीण रमण पराजुलीले गरेका हुन् ।

कार्यक्रममा विभिन्न अभिकर्ता तथा एजेन्सी म्यानेजर सम्मानित भएका छन् । कार्यक्रममा १३१ अभिकर्तासहित विभिन्न एजेन्सी म्यानेजरहरू सम्मानित भएका हुन् ।

कार्यक्रममा एजेन्सी म्यानेजरतर्फबाट उत्कृष्ट ५० र व्यक्तिगत कोड तर्फबाट उत्कृष्ट ८१ अभिकर्ताहरूलाई सम्मान गरियो । साथै, २० जनालाई सम्राट पदक, २३ जनालाई रत्न पदक र ६३ जनालाई समृद्धि पदकबाट पनि विभूषित गरिएको थियो ।

त्यस्तै, एजेन्सी म्यानेजरतर्फबाट क्रमश: प्रथम, द्वितीय र तृतीय हुने वसन्ती शर्मा, मदन भट्ट र स्नेहा भट्ट तथा व्यक्तिगत कोडतर्फबाट क्रमस नेपाल प्रथम, द्वितीय र तृतीय हुने खुशी भट्ट, शान्ता राजवंशी, भीमा पन्थीलाई अवार्डका साथै नगद पुरस्कारले सम्मान गरिएको थियो ।

Nepal Life (2)1691758025.jpg

इन्स्योरेन्सले चितवनको सोल्टी वेस्टइन्ड रिसोर्टमा ‘सार्क वर्ष : पराक्रमी गति, आक्रामक नीति’ नाराका साथ उक्त कार्यक्रम सम्पन्न गरेको हो । जसमा देशभरबाट उत्कृष्ट व्यवसाय गर्ने १३० भन्दा बढी एजेन्सी तथा एजेन्सी म्यानेजरहरूको सहभागिता रहेको थियो ।

कार्यक्रममा कम्पनीका प्रमुख कार्यकारी अधिकृत (सीईओ) प्रवीण रमण पराजुलीले सम्मानित भएका अभिकर्तालाई बधाई तथा शुभकामना दिए । सीईओ पराजुलीले अभिकर्ताहरूलाई गत आर्थिक वर्षको कार्य सम्पादनका लागि धन्यवाद र चालु आर्थिक वर्षको व्यापार लक्ष्य पूरा गर्न सुरुबाट नै दत्तचित्त भई कार्य गर्न आह्वान गरेका थिए । गएको आर्थिक वर्षको व्यापार समीक्षा गर्दै उनले चालु आर्थिक वर्ष २०८०/८१ मा सेल्स रणनीतिका बारेमा सम्मलेनमा जानकारी गराएका थिए ।

प्रमुख कार्यकारी अधिकृत पराजुलीले यस कम्पनीको मेरुदण्ड भनेकै अभिकर्ताहरू रहेको र उनीहरूकै मिहिनेत र परिश्रमका कारण नै नेपाल लाइफ सफल भएको र आगामी दिनमा झन् बलियो र सबल भएर बजारमा प्रस्तुत हुनेमा आफू विश्वस्त रहेको बताए । अभिकर्ताहरूको चौतर्फी विकासका निम्ति कम्पनी निकै नै संवेदनशील रहेको समेत प्रमुख कार्यकारी अधिकृत पराजुलीले बताए ।

कार्यक्रममा कम्पनीका वरिष्ठ संचालक कमलेश कुमार अग्रवालले देश आर्थिक मन्दीबाट गुज्रिरहेको समयमा पनि कम्पनीले गरेको व्यवसाय उत्साहप्रद रहेको बताए । पराक्रमी गति आक्रामक नीति नारासहित सार्क वर्षको अवधारणालाई आत्मसाथ गर्दै कम्पनी अघि बढेको देख्दा मन प्रफुल्लित भएको उनले बताए । जसरी सार्कले समुन्द्रमा अधिपत्व कायम गरेको हुन्छ, त्यसैगरी नेपाल लाइफले जीवन बीमा क्षेत्रमा आधिपत्य कायम गर्नेमा आफू विश्वस्त रहेको बताए । ग्राहकको सहजताका निम्ति नवीनतम प्रविधिको अधिकतम प्रयोग, लगानीको उच्च प्रतिफलका लागि लगानीको विविधीकरण गर्ने कार्यहरू शुभारम्भ भइसकेको पनि उनले बताए ।

Nepal Life (3)1691758049.jpg

कार्यक्रममा सञ्चालक विमलप्रसाद ढकालले कम्पनीका बीमा अभिकर्ताहरूले बीमालाई नेपालीको घरदैलोमा पुर्‍याउन गरेका योगदानका निम्ति धन्यवाद ज्ञापन गरे । आव २०७९/८० मा उत्कृष्ट व्यवसाय गर्दै सम्मानित भएका सम्पूर्ण बीमा अभिकर्ताहरूलाई बधाई तथा आगामी दिनमा सफलताका लागि शुभकामना व्यक्त गरे ।

उनले आगामी दिनमा व्यवसाय गर्दा नियमनकारी निकायद्वारा जारी गरिएका नीतिनियमको अधीनमा रही व्यवसाय गर्न सबैलाई आग्रह गरे । यसका साथ साथै एएमएल सीएफटीको महत्व र अपरिहार्यताका बारेमा प्रकाश पारे । यहाँसम्म आइपुग्दा धेरै नै उतारचढावको सामना गर्नुपरेको बताउँदै उनले आगामी दिन थप चुनौतीपूर्ण हुने हुँदा थप जोस र जाँगरका साथ नवीनतम प्रविधिको प्रयोग गरी कार्यसम्पादन गर्न आग्रह गरे ।

प्रकाशित मिति: शुक्रबार, साउन २६, २०८० १८:३५