गरिब विद्यार्थीका लागि ‘शिलापत्र उज्ज्वल स्कलरसिप’

A+ A A-

‘बुबा स्पाइनल इन्जुरी हुनुहुन्छ । उच्च शिक्षा पढाउन ममीले सक्नुहुन्न । के गर्ने कसो गर्ने अन्योलमा थिएँ । फेसबुकको वालमा शिलापत्र उज्ज्वल स्कलरसिप देखेर फारम भरेको हुँ,’ लिखित परीक्षा उत्तीर्ण गरेकी काभ्रेकी पूर्णिमा बुढाथोकी अन्तर्वार्तामा आफ्नो समस्या राख्दै थिइन् ।

पूर्णिमा त प्रतिनिधि पात्र मात्र हुन् । उनीजस्तै ३ हजार बढी विद्यार्थी शिलापत्र उज्ज्वल स्कलरसिप परीक्षामा सहभागी भएका छन् ।

डिजिटल पत्रिका शिलापत्र डटकमले तीनै गरीब तथा जेहन्दार आठ विद्यार्थीलाई ‘शिलापत्र उज्ज्वल स्कलरसिप’ अन्तर्गत पढाउँदै छ ।

लिखित परीक्षा पास भएका विद्यार्थीको शुक्रबार के एन्ड के कलेजमा अन्तर्वार्ता लिइएको नेपालएडुफेयरडटकमका संयोजक सुरेश सिम्खडाले जानकारी दिए ।

‘लिखित परीक्षा उत्तीर्ण भएका विद्यार्थीको अन्तर्वार्ता सुरु भएको छ,’ उनले भने, ‘अझै लिखित परीक्षा पनि बाँकी छ ।’ उनका अनुसार परीक्षाका लागि ३ हजार बढी विद्यार्थीले फारम भरेका छन् ।

पहिलो चरणमा ५० प्रतिशत लिखित परीक्षा उत्तीर्ण गरेका विद्यार्थीको अन्तर्वार्ता सुरु गरिएको हो । अन्य विषयको पनि चरणचरणमा अन्तरवार्ता लिइने छ ।

‘शिलापत्र उज्ज्वल छात्रवृत्तिका लागि ३ हजारभन्दा बढीले फम भरेका छन् । त्यसैले चरणचरणमा परीक्षा लिइएको हो । अर्को चरणको लिखित परीक्षा आगामी मंगलबार बिहान ८ बजे हुनेछ ।

५० प्रतिशत लिखित, ३० प्रतिशत कलेजको अन्तरवार्ता र २० प्रतिशत एसईई र प्लस टुको ग्रेडका आधारमा विद्यार्थी छनोट गरिने छ । जसले सबैभन्दा बढी अंक ल्याउँछ, तीमध्येका ८ जनाले छात्रवृत्ति पाउनेछन् ।

शंकरदेव कलेजको बीबीए, राजधानी मोडेल कलेजको बीएचएम, टेक्सास कलेजको बीआईटी, मेधावी कलेजको बीसीआईएस, ग्लोबल इन्टरनेसनल कलेजको बीटीटीएम, नेपाल मेगा कलेजको बीबीएम, ग्लोबल कलेज अफ म्यानेजमेन्टको बीबीएस, के एन्ड के कलेजको बीएसडब्लूूमा स्कलरसिपको व्यवस्था गरिएको छ ।

भर्चुअल शैक्षिक मेलामा बढ्दैछन् भिजिटर

शिलापत्रडटकमले स्नातक तहका विद्यार्थीलाई लक्षित गरी आयोजना गरेको भर्चुअल शैक्षिक मेलामा ६० हजार बढीले भिजिट गरेका छन् ।
नेपालएडुफेयरडटकम भिजिट गरेर शैक्षिक परामर्श लिनेको संख्या ६० हजार नाघेको छ । विद्यार्थीले भर्चुअल मेलाबाट कलेज र विषयबारे परामर्श लिन सक्नेछन् ।

घरै बसीबसी चाहेको शैक्षिक संस्थाको लबी, ल्याब, लाइब्रेरी, कक्षाकोठा, हलदेखि सबै संरचना र सुविधाका विषयमा बुझ्न सकिन्छ ।

प्रविधिमैत्री शिक्षा आवश्यक
सिन्धु ढकाल, निर्देशक, के एन्ड के कलेज

शिक्षालाई प्रविधिमैत्री बनाउनुपर्छ । जुनसुकै कोर्सलाई आईटीसँग जोडिनुपर्छ । तबमात्र दक्ष जनशक्ति उत्पादन गर्न सकिन्छ । यसको उदाहरण हो, भर्चुअल शैक्षिक परामर्श । प्रविधिबाट विद्यार्थीले जहाँ हो त्यहीँबाट शैक्षिक परामर्श पाउनु सकारात्मक हो । विद्यार्थीले आफू अनुसारको कोर्स पढ्नुपर्छ । कसैले भनेको या सुनेको भरमा हैन । विद्यार्थीले सहि परामर्श लिएर मात्र कोर्स रोज्नुपर्छ । भविस्य सुन्दर बनाउन विद्यार्थीले विषय छनोटमा महत्त्वपूर्ण ध्यान दिनुपर्छ । विषय छनोटमा विद्यार्थीलाई भर्चुअल मेला उपयुक्त माध्यम हो ।