रूपान्तरण अभियानमा कार्यकर्ताको माग देउवा नेतृत्वबाट हट्नुपर्नेः शेखर, गगन–विश्व सच्चिनुपर्ने

रूपान्तरण अभियानमा कार्यकर्ताको माग देउवा नेतृत्वबाट हट्नुपर्नेः शेखर, गगन–विश्व सच्चिनुपर्ने

A+ A A-

नेपाली कांग्रेसको रूपान्तरण अभियानले अहिले विश्राम लिएको छ । अभियानका नेताहरू सातै प्रदेश र डायस्पोराबाट आएका सुझावहरूलाई संकलन गरी प्रारम्भिक प्रतिवेदनको छलफलमा छन् । उनीहरूले अभियानको पूर्वघोषित काठमाडौं सम्मेलन गरेका छैनन् ।

‘अभियानमा सुझाव लिने काम र साथीहरूसँग छलफल गर्ने काम जारी छ । आएका सुझावहरूम हामीले समीक्षा बैठक गर्दैछौँ,’ अभियानका नेता गुरुराज घिमिरेले शिलापत्रसँग भने ।

रूपान्तरण अभियान चलाएकाे तेस्रो पुस्ता र गगनले देउवालाई गलाऊलान् ?

कांग्रेस रूपान्तरण अभियानले नेतृत्वलाई बुझाउने प्रतिवेदनमा हुनेछ- देउवाबाट पार्टी चल्दैन

उनका अनुसार काठमाडौं सम्मेलन बृहत् हुनेछ । सभागृह वा प्रज्ञाभवन जस्ता ठूलो क्षेत्र भएको ठाउँ काठमाडौंमा सम्मेलन गर्ने तयारी छ । अभियानको जेठ २० गते पोखरा, जेठ २३ गते सुर्खेत, जेठ २६ गते धनगढी, जेठ २८ गते दाङ र जेठ ३१ गते इटहरी सम्मेलन भएको थियो । डायस्पोरा सम्मेलन भने भर्चुअल माध्यमबाट गरिएको थियो ।

अभियानको कामहरू निरन्तर अघि बढिरहेको र थप शसक्त बनाएर लैजाने अभियानका नेता भुपेन्द्रजंग शाहीले बताए । ‘महिनामा ३–४ वटा कार्यक्रम हुने गरी योजनामा छौँ,’ उनले शिलापत्रसँग भने ।

‘नेपाली कांग्रेस रूपान्तरण अभियान मुद्दाहरू सम्पन्न कार्यक्रमहरू र प्राप्त सुझाव तथा भावी कार्यक्रम’ नामक प्रारम्भिक प्रतिवेदन अभियानले तयार पारेको छ । सो प्रतिवेदनमा छलफल गर्ने र बाँकी कार्यक्रमहरूबाट आएका सुझाव र रणनीतिहरू समेटेर प्रतिवेदनलाई अन्तिम रूप दिएनेछ ।

अभियानका सबै भेलाहरूमा विशेष महाधिवेशनबाट नेतृत्व परिवर्तनको आवाज उठेको छ । कांग्रेस सभापति शेरबहादुर देउवाबाट पार्टी चल्न नसक्ने भएकाले तत्काल नेतृत्व परिवर्तनको सुझाव आएको छ । त्यस्तै इतर समूहका नेता डा. शेखर कोइरालाको कार्यशैलीलाई लिएर पनि कार्यकर्ताले प्रश्न उठाएका छन् । कोइरालाको भूमिकाको खोजी जताततै भएको छ ।

सभापतिसँग उनको सम्बन्ध, अभियानबारे उनको धारणा, पार्टीलाई क्षति पुगेको बेलामा उनको भूमिका र पार्टीमा के गर्दैछन् भन्ने सम्मको प्रश्न गरिएको छ ।

त्यस्तै महामन्त्रीद्वय गगन थापा र विश्वप्रकाश शर्माको कार्यशैलीमा पनि प्रश्न उठाइएको छ । महामन्त्रीहरू फेसबुक र ट्विटरमा सिमित भएको आरोप लागेको छ ।

कांग्रेस सुधार्ने तेस्रो पुस्ताको आन्दोलन कहाँसम्म पुग्छ ?

पटक-पटक अवसर पाएकाहरूले अवसर पाइरहने तर कार्यसम्पान गतिलो नुहुने गरेकोमा त्यस्तो प्रवृति रोक्नुपर्ने, एकपटक सबै क्रियाशील खारेज गरी नयाँ क्रियाशील कायम गर्नुपर्ने, नैतिक रूपमा नेताहरूमा पतन देखिएको लगायतका कुराहरू आएका छन् । दोहोरो नागरिकता पाउनुपर्ने एजेण्डा बोकेकाले कांग्रेसका कार्यकर्ताहरू रास्वपामा गएकाले पार्टीलाई क्षती भएको प्रारम्भिक प्रतिवेदनमा उल्लेख छ ।

५० जना अभियन्ताहरूबाट सुरु भएको अभियानमा थप ५० जना जोडिने नेताहरू बताउँछन् । अभियानले आवासीय सम्मेलन पनि राख्ने र त्यसबाट आएका सुझावहरू प्रतिवेदनमा समेटेर नेतृत्वलाई बुझाइनेछ ।

देउवासँगै गगन-विश्वसँग असन्तुष्ट रहेको तेस्रो पुस्ता कांग्रेस सुधार्न के गर्दैछ ?

यी हुन् प्रदेश र डायस्पोराबाट आएका सुझावहरू

कोशी प्रदेश
१. आफू स्वयं रूपान्तरित हुनुपर्ने
२. वर्तमान नेतृत्वमा सत्ता उन्माद देखिएको
३. नेता श्रीपेचबिनाका राजा भए
४. मृत्युपर्यन्त पदमा बस्ने प्रवृत्ति
५. पार्टीमा नातावाद फरियावाद हाबी भयो यसबाट मुक्त हुनुपर्ने
६. आफू ठीक बाँकी गलत भन्ने चिन्तन
७. नेतृत्वमा अहमता
८. बारम्बार अवसर पाएर पनि केही नगर्ने र फेरि अवसर त्यसैले पाउने
९. आजसम्म अवसर पाएर काम बिगार्नेहरूलाई तुरुन्त बिदा गर्नुपर्ने
१०. एक व्यक्ति एक पदको नीति लागू गर्नुपर्ने
११. कार्यसम्पादनका आधारमा मात्र पुनः जिम्मेवारी दिनुपर्ने
१२. क्रियाशील सदस्य वितरण गर्दा महिलाका संख्या बढाउनुपर्ने
१३ अभियानका कार्यक्रमहरूमा राष्ट्रिय झण्डा राख्नुपर्ने
१४. नीति र कार्यक्रममात्र होइन नेता नै बदल्नुपर्ने र यसका लागि विशेष महाधिवेशन बोलाउनुपर्ने
१५. व्यक्तिको लोपप्रियता, क्षमता छवी र आवश्यकताका आधारमा जिम्मेवारी दिनुपर्ने
१६. उम्मेदवारी चयनको मापदण्ड बनाइ पूर्ण रूपमा पालना गर्नुपर्ने

मधेश प्रदेश
१. आर्थिक आतंकवादबाट पार्टीलाई जोगाउनुपर्ने
२. नेताको अनावश्यक चाकडी गर्न गर्न छाड्नुपर्ने
३. उपनिर्वाचनमा बारामा कांग्रेसले उम्मेदवारी नदिनु इतिहासकै गलत निर्णय
४. अबका हरेक निर्वाचनमा मधेशको सबै ठाउँमा कांग्रेसका उम्मेदवार हुनुपर्ने
५. मधेशको एजेण्डा अरुलाई सुम्पन नहुने
६. बारा जिल्लाको उपचुनावमा कांग्रेस सभापतिले मधेशको जिम्मा उपेन्द्र यादवलाई दिएर ठूलो भूल
गरेको
७. विदेसिएका युवालाई स्वदेशमा रोक्न आकर्षक कार्यक्रम ल्याउनुपर्ने
८. आन्तरिक चुनावमा क्रियाशील सदस्य खरिद गर्ने प्रवित्ति अन्त्य हुनुपर्ने
९. कांग्रेसले अबिलम्ब मधेश जागरण अभियान चलाउनुपर्ने
१०. केन्द्रीय सदस्यहरू स्वतः महाधिवेशन प्रतिनिधि हुने प्रावधान हुनुपर्ने प्रावधान हटाइ वडाबाटै
चुनिएर आउनुपर्ने
११. विशेष महाधिवेशन बोलाएर नेतृत्व फेर्नुपर्ने

बागमती प्रदेश
१. कांग्रेसलाई जनताको भरोसा जित्ने उत्साहित पार्टी बनाउनुपर्ने
२. विशेष महाधिवेशन बोलाएर नेतृत्व फेर्नुपर्ने
३. २०८४ को चुनावमा एक्ले लड्ने र जित्ने पार्टी बनाउनुपर्ने
४. कांग्रेसले भ्रष्टाचारको विरुद्धमा ससक्त आवाज उठाउनुपर्ने
५. समावेशीताभित्र द्धन्द्ध पीडित र प्रजातन्त्र सेनानीहरूलाई समेट्नुपर्ने
६. संवैधानिक राजतन्त्र छाडेर गल्ति भएको
७. विचारमा होइन नीति र ब्यवहारमा रूपान्तरण हुनुपर्ने
८. पार्टी विधानमा सामूहिक नेतृत्व भनिएपनि अभ्यास पूर्ण सभापतिमुखी भएको
९. पार्टीमा युवा र महिलाको आकर्षण बढाउनुपर्ने
१०. एकता उत्साह र आत्मविश्वस सहितको रूपमान्तरण हुनुपर्ने
११. महामन्त्रीहरू फेसबुक, ट्वीटरमामात्र सक्रिय भएको कार्यसम्पादन गतिलो र प्रभावकारी नदेखिएको
१२. एक पटक सबै क्रियाशील खारेज गर्नुपर्ने
१३. पार्टी संरचना भद्दा भएको चुस्त र छरितो बनाउनुपर्ने
१४. केन्द्रीय समितिको आकार घटाउनुपर्ने

गण्डकी प्रदेश
१. रूपान्तरण अवसर नपाएको रोइलो त होइन ?
२. एउटै भावना भएकाहरू एकै थलोमा किन नउभिएका ?
३. नेता डा शेखर कोइराला हिजोआज कहाँ छन् ?
४. नेतृतवको ललिपपमा नफस्न आग्रह
५. रूपान्तरण पुस्तान्तरण सहितको हुनुपर्ने
६. विधान विपरितका निर्णय, क्रियाकलाप विरुद्ध बोल्नुपर्ने
७. रूपमान्तरण अभियानका १२ बुँदामा दायित्व र प्रतिवद्धता छुट्यो
८. सेवामुखी अभियान पनि चलाउनुपर्ने
९. विशेष महाधिवेशन बोलाएर नेतृत्व फेर्नुपर्ने
१०. सत्ता केन्द्रित राजनीतिलाई प्राथमिकता दिन नहुने
११. सार्वजनिक पदमा जानु अगाडी सम्पत्ति विवरण सार्वजनिक गर्नुपर्ने
१२. नेपाली कांग्रेसलाई रुखछाप कांग्रेस बनाउनुपर्ने (हँसिया हथौडा छाप, कलम छाप, छाता छाप,
गिलास छाप, साइकल छाप, हलो छाप कांग्रेस बनाउनबाट जोगाउन प¥यो)

लुम्बिनी प्रदेश
१. प्रतिपक्षमा हुँदा उठाएका मुद्दाहरू सत्तामा गएपछि बिर्सने रोगको अन्त्य हुुनुपर्ने
२. महामन्त्रीहरूको कार्यसम्पादन सन्तोषजनक भएन
३. विशेष महाधिवेशन बोलाएर नेतृत्व फेर्नुपर्ने
४. अभियानले कांग्रेसभित्रको सस्यामात्र होइन जनताले भोगेका समस्या पनि उठाउनपर्ने
५. नेतृत्वले पार्टी विधानको पालना गर्नुपर्ने नत्र मातहातका निकायलाई परिपत्र गर्न नसुहाउने
६. पार्टी नेतृत्व र पदाधिकारीले विधानको अपहेलना गर्दा आवश्यक कारबाही गर्न विधाना प्रवन्ध
गर्नुपर्ने
७. गठबन्धनको विरोध गर्दा कारबाहीका धम्की आउनु सर्वथा गलत छ
८. कांग्रेसलाई नयाँ पुस्तासँग जोड्न पार्टी संरचना, नीति र कार्यक्रमको रि डिाजाइन
९. नयाँ पुस्तालाई नयाँ भर्सनको कांग्रेस चाहिएको छ । यसका लागि नयाँ पाठ्यक्रम सहितको
कांग्रेसको नयाँ सस्करण तयार गर्नुपर्ने
१०. नेता डा शेखर कोइरालाको भूमिका के हो ?

कर्णाली प्रदेश
१. पढेलेखेका युवालाई स्वदेशमा रोक्ने योजना बनाउनुपर्ने
२. विशेष महाधिवेशन बोलाइ सभापतिलाई हटाउनुपर्ने
३. नेतृत्व नैतिक विवेकशील न्यायिक र उर्जावान हुनुपर्ने
४. कर्णालीको खाद्यान्न अभावलाई तुरुन्त सम्बोधन गर्नुपर्ने र दीर्घकालीन योजनामार्फत
खाद्यान्नमा आत्मनिर्भर गर्नुपर्ने
५. पार्टीभित्रको समस्या केन्द्रमा छ तल्लो तहमा होइन
६. नेतृत्वमा पुगेका नयाँ युवाहरूले पार्टीका मिसन, भिजन, उद्देश्य र यसका कार्यक्रमहरू तया गर्नुपर्ने
७. कांग्रेस झुसिल्करा जस्तो खन्चुवा भएको छ यसलाई पुतलीजस्तो बनाउन पर्यो
८. कांग्रेस पार्टीका नेताको निजी । घरेलु मामिला होइन
९. महामन्त्रीहरू बाहिर कराउने कि भित्र काम गर्ने ?
१०. के कर्णाली प्रदेशका कांग्रस दोस्रो दर्जाका हुन् ?

सुदूरपश्चिम प्रदेश
१. नैतिकवान, चरित्रवान नेता, निष्ठावान सदस्य जनभरोसाको कांग्रेस बनाउनुपर्ने
२. कांग्रेस इतिहासकै कमजोर भएको अवस्था छ
३. नीति र कार्यक्रम सहित गाउँ गाउँ पुग्नुपर्ने
४. पार्टीको वर्तमान अवस्थाबार डा शेखर कोइरालाको धारण के हो ?
५. विशेष महाधिवेशन बोलाएर नेतृत्व फेर्नुपर्ने
६. गठबन्धन गरेर विचार र सिद्धान्त कमजोर भयो
७. रूपान्तरण अभियानमा धेरै युवा र विद्यार्थीलाई समेट्नुपर्ने
८. तीनै तहका निर्वाचनमा उम्मेदवार तय गर्दा तहगत सर्वेक्षणका आधारमा सम्बन्धित तहले नै निर्णय
गर्नुपर्ने
९. भ्रष्टाचारलाई संरक्षण गर्न नहुने
१०. पार्टीभित्र मौलाउँदै गएको क्षे त्रीयता, जातियता स्थानीयता र आर्थिक चलखेलको आधारमा मतदान
गर्ने प्रवत्तिलाई निरुत्साहित गर्नुपर्नेु
११. पार्टीभित्र नवधनाढ्य र भुईफुट्टा प्रभावलाई निस्तेज गर्नुपर्ने
१२. समावेशीताको संरक्षण गर्दै समानुपातिक निर्वाचन प्रणाली खारेज गर्नुपर्नेृ
१३. महामन्त्रीहरूको कार्यसम्पादन चित्तबुझ्दो भएन

डायस्पोरा
१. कांग्रेस वर्तमान अवस्थामा पुग्नु भ्रातृ संस्थाहरूको अव्यवस्था र निस्क्रियता
२. जनसम्पर्क समितिहरूका अधिवेशन नियमित नहुँदा कांग्रेसका साथीहरू लाखापाखा लागेका र ठूलो
संख्यामा साथीहरूले पार्टी छाडेका
३. जनसम्पर्क समितिहरू ठेकेदारी प्रथाले चलेको, पैसाको बलमा नेतृत्वमा आएको, कागजी अधिवेशन
भएको र घुमफिर एवं खानपानका भरमा महाधिवेशन प्रतिनिधि चयन भएको
४. दोहोरो नागरिकता पाउनुपर्ने एजेण्डा बोकेकाले कांग्रेसका साथीहरू रास्वपामा गएका
५. कांग्रेसलाई भाषणामैत्री होइन प्रविधिमैत्री बनाउनुपर्ने
६. विशेष महाधिवेशन बोलाएर नेतृत्व बदल्नुपर्ने
७. कसको अनुहार हेरेर भरोसा गर्ने र कांग्रेसपार्टीमा बस्ने भन्ने प्रश्न उठेको
८. समानुपातिक र धर्मनिरपेक्षता नेपालले झेल्न नसक्ने
९. संघीयता खारेज गर्नुपर्ने, दुई तहका सरकार पर्याप्त हुने
१०. धार्मिक स्वतन्त्रतालाई अबलम्बन गर्नुपर्ने
११. विदेशमा रहेका नेपालीहरूको पूँजी नेपाल ल्याएर सुरक्षित लगानीको वातावरण बनाउनुपर्ने
१२. पार्टी नेता डा शेखर कोइराला र महामन्त्रीहरूको कार्यसम्पादन चित्तबुझ्दो नभएको

प्रकाशित मिति: मंगलबार, असार १९, २०८० २०:४७