घुम्दाघुम्दै कसरी खिच्ने राम्रा-राम्रा फाेटाे, पढ्नुहाेस् टिप्स ३२ तस्वीरसहित

घुम्दाघुम्दै कसरी खिच्ने राम्रा-राम्रा फाेटाे, पढ्नुहाेस् टिप्स ३२ तस्वीरसहित

A+ A A-

हामी दसैँ, तिहारजस्ता ठूला चाडको मुखैमा छौँ । यस अवसरमा अक्सर हामी घुम्ने योजनामा हुन्छौँ । यात्रालाई रोमाञ्चक र स्मरणीय बनाउन हामी फोटो खिच्ने गर्छौं । फोटो खिच्नकै लागि मानिसहरू डीएसएलआर क्यामेरा बोकेर यात्रामा निस्कन्छन् । त्यो नभए अहिले हरेक मानिसको हातहातमा स्मार्ट फोन हुन्छ नै । फोनकै क्यामेरालाई ध्यान दिएर प्रयोग गर्ने हो भने उत्कृष्ट तस्वीरहरू खिच्न सकिन्छ । घुम्ने क्रममा उत्कृष्ट तस्वीर खिच्न सक्नु भनेको यात्रालाई अविष्मरणीय अनि उपलब्धिमूलक बनाउनु पनि हो ।

आउनुस्, आज हामी तपाईंका लागि ट्राभल फोटोग्राफी र यससम्बन्धी केही ‘आइडिया’ शेयर गर्दैछौँ । साथमा यात्राका क्रममा खिचिएका केही तस्वीर पनि देखाउँदै छौँ ।

१. यात्रा गर्दा साँझमा तपाईं कतै न कतै बास बस्नुहुन्छ । यो समयलाई उत्कृष्ट फोटो खिच्न सदुपयोग गर्न सकिन्छ । जस्तो कि, तपाईं बस्न लागेको ठाउँबाट सूर्यास्तको तस्वीर खिच्न सक्नुहुन्छ । बिहानै उठेर सूर्योदयको दृश्यलाई क्यामेरामा कैद गर्न सक्नुहुन्छ ।

२. रुल अफ थर्ड्सको प्रयोग गरी फोटो खिच्ने कोसिस गर्नुहोस् । यसो गर्दा फोटो निकै आकर्षक आउँछ ।

३. यात्रा गर्दा छ भने ‘ट्राभल ट्राइपड’ नछुटाउनुहोस् । नाइट फोटोग्राफीका लागि यो निकै उपयोगी हुन सक्छ ।

४. विभिन्न एङ्गलबाट सकेसम्म धेरै फोटो खिच्नुहोस् । यसो गर्दा धेरैमध्ये केही तस्वीर उत्कृष्ट आउन सक्छन् ।

५. ल्याण्डस्केप फोटो खिच्दा मानवीय गतिविधिलाई पनि फाेटाेमा अटाउने कोसिस गर्नुहोस् । जस्तो कि, मानिसहरूको जमघट, कुनै काम गरिरहेको, नाचिरहेको ।

६. यात्राका क्रममा तपाईंका अगाडि निकै आकर्षक दृश्यहरू देखा पर्न सक्छन् । जस्तो कि, पुतली, चरा, दैनिक जीवनशैली । यी सबैलाई कैद गर्नुहोस् ।

७. आफूले रात बिताइरहेको ठाउँको वरिपरि नियाल्नुहोस् । र, त्यसलाई क्यामेरामा कैद गर्नुहोस् ।

८. लामो यात्रामा निस्कनुभएको भए, एक्स्ट्रा मेमोरी कार्ड, ब्याटेरी र पावर बैंक बोक्न नबिर्सनुहोस् ।

९. क्यामेराको फिचर्स जस्तै एपाचर, सटरस्पिड, व्हाइट ब्यालेन्स, आईएसओबारे सामान्य जानकारी राख्नुहोस् ।

फाेटाेग्राफीसम्बन्धी अन्य समाचार, लेख पढ्नुहाेस्ः

हेर्नुहाेस्, यात्राका क्रममा नेपालका विभिन्न ठाउँमा खिचिएका तस्वीरहरूः

नवलपरासीकाे पाेखरी गाउँबाट देखिएकाे सूर्याेदय ।

_DSC1388-nxd copy-Kambachen 4050 mtr copy1663836512.jpg

१. चार हजार ५० मिटर उचाइमा ताप्लेजुङकाे खम्बाचेन खाेला तर्दै चौंरीगाईकाे बथान ।

_DSC0966 copy1663836624.jpg

२. ताप्लेजुङकाे पर्यटकीय गाउँ घुन्साभन्दा तीन घण्टा उकालाेमा रहेकाे हिमाली दृश्य ।

३. करिब तीन हजार मिटरकाे उचाइमा रहेकाे नेपालकाे सबैभन्दा ठूलाे रारा ताल ।

सुदूरपश्चिम प्रदेशकाे खप्तडस्थित त्रिवेणी धाम ।

खुम्बुक्षेत्रमा पर्यटकहरू एभरेस्ट बेस क्याम्पतिर जाँदै ।

अन्नपूर्ण बेसक्याम्पनजिकै एकाबिहानै घुम्दै पर्यटकहरू ।

खुम्बुक्षेत्रमा देखिएका चौंरीगाई ।

सुदूरपश्चिम प्रदेशकाे सुन्दर तर ओझेलमा परेको रामारोशन क्षेत्र ।

पाेखरामा प्याराग्लाइडिङ । पृष्ठभूमिमा देखिएकाे धवलगिरी हिमाल । याे तस्वीर साराङ्काेटबाट खिचिएकाे हाे ।

पाेखरामा प्याराग्लाइडिङ गर्दै गरेकाे दृश्य ।

लाङटाङ राष्ट्रिय निकुञ्जमा फलेक बाेकेर हिँड्दै स्थानीय महिलाहरू ।

हिउँले छाेपिएकाे गाेसाइकुण्ड ।

त्रिशूली नदीमा र्‍याफ्टिङ गर्दै पर्यटकहरू ।

चितवनकाे जलवीरेमा रहेकाे लामा झरना ।

चितवन राष्ट्रिय निकुञ्जमा गैंडामाे जाेडी घरेलु पर्यटकहरू ।

पर्यटकीय क्षेत्र साैरहाकाे राप्ति नदीमा हात्तीमा सवार विदेशी पर्यटक ।

राप्ति नदीमा डुङ्गामा रमाउँदै पर्यटकहरू ।

उपल्लाे मुस्ताङमा गरिएकाे जाै बाली ।

यात्राका क्रममा यसरी भेटिने चराहरूलाई पनि तपाईंले आफ्नो क्यामेरामा कैद गर्न सक्नुहुन्छ ।

सगरमाथा राष्ट्रिय निकुञ्जमा नेपालकाे राष्ट्रिय चरा डाँफे ।

खप्तडक्षेत्रमा स्थानीय बालिकाहरू ।

संखुवासभामा चामलकाे बाेरा बाेकेर हिँड्दै गरेकी एक किशाेरी ।

जनकपुरधामकाे जानकी मन्दिर ।

सिरहाकाे मिर्चैयामा बाख्रा चराउन जाँदै स्थानीय महिलाा ।

काठमाडाैंबाट नजिकै पर्ने जहरसिंह पाैवाबाट देखिएकाे दृश्य ।

काभ्रेपलाञ्चाेककाे मण्डनदेउपुर नगरपालिकामा खेतमा काम गर्दै स्थानीय महिला ।

नुवाकाेटमा राेपाइँमा रमाउँदै स्थानीय युवा ।

कैलालीकाे चिसापानीस्थित कर्णालीमा माछा मार्दै एक स्थानीय ।

सूर्यास्तका बेला साैरहाकाे राप्ति नदी किनार ।

सूर्यास्तका बेला बाराकाे गढीमाइ मन्दिरबाट फर्किँदै स्थानीय किसान ।

प्रकाशित मिति: शनिबार, असोज ८, २०७९ ०८:५२

सुशील श्रेष्ठ Photo Journalist

प्रतिक्रिया दिनुहोस्

भर्खरै

उद्योगहरूमा दैनिक १६ घण्टासम्म लोडसेडिङ हुन्छ, समाधान गरियोस्ः अध्यक्ष अग्रवाल

खेलकुदमा नयाँ युगको सुरुवात भयोः मन्त्री श्रेष्ठ

सुदूरपश्चिम : प्रदेश प्रमुखकाे कदममा कांग्रेस र नाउपा रेशम पक्षकाे विराेध

विपक्षीले बहिस्कार गरेकाे प्रदेशसभा बैठकबाट मधेशका मुख्यमन्त्रीले पाए विश्वासकाे मत

नेतान्याहुको कुर्सीले निम्त्याएको इरान–इजरायल युद्ध : को कसको पक्षमा ?

लोकप्रिय

पितृसत्तात्मक समाजसँग लडेर स्टेजमा फर्केकी समीक्षा

सत्ता गठबन्धनमा भूकम्प ल्याएर माधव नेपाल कोटेश्वरमा फिल्म सुटिङ गर्दै

एकीकृत समाजवादीले माग्याे प्रधानमन्त्रीकाे ग्यारेन्टी, गृहकार्यमा जुटे कांग्रेस नेताहरू

माधव नेपालले गठबन्धन छाडे कति टिक्ला प्रचण्ड सरकार ?

इरानलाई जवाफ दिने तयारीमा इजरायल, बोलायो युद्ध क्याबिनेट बैठक

विचार

३३ केजी सुन र निर्मला हत्याकाण्डजस्तै छानबिनको नाममा प्रहरीको हुर्मत नलिइयोस्

विकासको उल्टो कथा : सडकले बजार बनाउँछ भन्थे निर्भरता बढायो

नयाँ वर्ष फलोस्, फुलोस् !

ब्लग

सोध्नुस् त, एसईई दिएर बसेका तपाईंका छोराछोरी के सोच्दै छन् ?

कस्ता विद्यालय राम्रा ?

बाहिर हुँदा माइतीघर प्यारो, सत्तामा पुगेपछि तगारो

शिक्षा

त्रिवि स्ववियु र सिनासबीच विद्यार्थीको अनुसन्धान अनुदानका लागि सम्झौता

राजनीतिक दलमा आबद्ध शिक्षकलाई कारबाही गर्नेबारे शिक्षामन्त्री र प्रमुख निर्वाचन आयुक्तबीच छलफल

कानुनविपरीत मनपरी भर्ना शुल्क असुल्दै सुर्खेतका निजी विद्यालय