के हो म्याक्रो फोटोग्राफी ? कसरी खिच्ने यस्ताे फाेटाे ? (२९ वटा तस्वीरसहित)

A+ A A-

स-साना वस्तु, बिरुवा, जीव कीरा, फट्याङग्रा आदिलाई नजिकबाट खिच्नुलाई म्याक्रो फोटोग्राफी भनिन्छ । यसमा लाइफ साइज तस्वीर खिच्न सकिन्छ । यस्ता फोटोहरू जीवन्तजस्तो लाग्छन् ।

उत्कृष्ट म्याक्रो फोटोग्राफी गर्न डीएसएलआर क्यामेरा आवश्यक पर्छ । साथै म्याक्रो लेन्स प्रयोग गर्नु जरुरी हुन्छ । तर जानियाे भने माेबाइलबाटै पनि म्याक्राे फाेटाेग्राफी गर्न सकिन्छ है ।

निकोन, क्यानोन, सोनीजस्ता कम्पनीले आफ्नै म्याक्रो लेन्स निकालेका छन् । तर ट्याम्रोन र सिग्माजस्ता कम्पनीकाे उत्कृष्ट म्याक्रो लेन्स पनि बजारमा उपलब्ध छन् । एउटा राम्रो क्यामेरा भएकाे मोबाइलबाट पनि कतिपयले राम्राराम्रा म्याक्रो फोटोहरू खिचेकाे हामी पाउँछाैँ ।

याे पनि..

वाइल्ड लाइफ फोटोग्राफर विशाल गौतमका अनुसार म्याक्राे फाेटाेग्राफीमा क्यामेरा अटो फोकस प्रयोग गर्दा आफूले भनेको ठाउँमा फोकस नहुन सक्छ । त्यसैले म्यानुअल फोकस प्रयोग गर्दा राम्रो हुन्छ । उनि उत्कृष्ट फाेटाे खिच्न क्यामेरा ट्राइपोडकाे प्रयोग गर्न पनि सुझाउँछन् ।

म्याक्रो फोटोग्राफीका लागि केही टिप्स :

डीएसएलआर क्यामेरा प्रयोग गर्दा उत्कृष्ट नतिजा आउन सक्छ । यसमा म्याक्रो लेन्स प्रयोग गर्नुहोस् ।

क्यामेरा हल्लिँदा फाेटाे बिग्रन्छ । त्यसैले क्यामेरा अड्याउन ट्राइपोड प्रयोग गर्नुहोस् । यद्यपि, कतिपय अवस्थामा ट्राइपोडबिनै पनि फोटो खिच्नुपर्ने हुन्छ । जस्तो पुतलीको फोटो खिच्दा सकेसम्म हात नहल्लाई फोटो खिच्नुपर्ने हुन्छ । यसमा ट्राइपोडको प्रयोग नगर्दा हुन्छ ।

फोटो खिच्दा ब्याकग्राउण्ड कस्तो छ विचार गर्नुहोस् ।