ई–सेवा मनी ट्रान्सफर र प्रभु म्यानेजमेन्टबीच रेमिट्यान्स भुक्तानीसम्बन्धी सम्झौता

ई–सेवा मनी ट्रान्सफर र प्रभु म्यानेजमेन्टबीच रेमिट्यान्स भुक्तानीसम्बन्धी सम्झौता

A+ A A-

ई–सेवा मनी ट्रान्सफर र प्रभु म्यानेजमेन्टबीच रेमिट्यान्स भुक्तानीसम्बन्धी सम्झौता भएको छ ।

सम्झौताअनुसार अब संसारका २०० भन्दा बढी मुलुकबाट ई–सेवा मनी ट्रान्सफरमार्फत नेपाल पठाएको रेमिट्यान्स नेपालमा रहेका आफन्तले छिटो छरितो रूपमा ई–सेवा मनी ट्रान्सफरका भुक्तानी केन्द्रबाट पाउन सक्ने भएका छन् ।

कम्पनीका अनुसार ई–सेवा मनी ट्रान्सफरका १०,००० बढी भुक्तानी केन्द्र र ई–सेवा वालेटका ५००० भन्दा बढी एजेन्टसँगै अब प्रभु म्यानेजमेन्टसँग आबद्ध नेपालभर रहेका ७,००० बढी सहकारी संस्थाहरूबाट समेत ई–सेवा मनी ट्रान्सफरमार्फत विदेशबाट आएको रेमिट्यान्स भुक्तानी गर्न सकिने भएको छ ।

यसका साथै, प्रभु म्यानेजमेन्टसँग आबद्ध सहकारी संस्थाहरूबाट ई–सेवा मनी ट्रान्सफरको डोमेस्टिक रेमिट्यान्स भुक्तानी लिन र यी सहकारी संस्थाहरूमा रकम जम्मा गर्नसमेत सकिनेछ ।

ई–सेवा मनी ट्रान्सफरका सीईओ अजेश कोइरालाले भने, ‘प्रभु म्यानेजमेन्टको व्यापक फैलिएको सञ्जालमार्फत हाम्रा ग्राहकले रेमिट्यान्स भुक्तानी सेवामा थप सहजता पाउने कुरामा हामी विश्वस्त छौँ । यसले ई–सेवा मनी ट्रान्सफरको विस्तारित नेटवर्कलाई फैलाउनमा थप मद्दत पुर्‍याएको छ ।

आफ्नो सञ्जालमा रहेको सम्बन्धलाई अझ प्रभावकारी रूपमा अघि बढाउन प्रभु म्यानेजमेन्टले एउटै छानामुनि सम्पूर्ण अन्तर्राष्ट्रिय रेमिट्यान्स भुक्तानी सुविधाका साथै एनटीसी, एनसेलको मोबाइल रिचार्ज सुविधा, डिस होम र एडीएसएलको बिल भुक्तानी सुविधा उपलब्ध गराएको छ ।

मनी ट्रान्सफरले आफ्ना सेवाग्राहीहरूलाई १० हजारभन्दा बढी एजेन्ट सञ्जालमार्फत पनि विप्रेषण भुक्तानी सेवा प्रदान गर्दै आइरहेको छ । नेपाल राष्ट्र बैंकबाट स्वीकृति प्राप्त ई–सेवा मनि ट्रान्सफर देशभरका १ करोड १० लाखभन्दा बढी जनसंख्या र १ लाखभन्दा बढी संस्थाहरूलाई फिनटेकमा आधारित भक्तानी सेवाहरूको माध्यमबाट सशक्त बनाउँदै आएको एफवान सफ्ट ग्रुपको भगिनी कम्पनी पनि हो ।

प्रकाशित मिति: सोमबार, फागुन ३०, २०७८ १७:३८