नाका खोल्ने घोषणा गरेकाे पोल्याण्डले किन दिइरहेको छैन नेपालीलाई प्रवेश ? डा. बोधराज सुवेदीको अन्तर्वार्ता

नाका खोल्ने घोषणा गरेकाे पोल्याण्डले किन दिइरहेको छैन नेपालीलाई प्रवेश ? डा. बोधराज सुवेदीको अन्तर्वार्ता

A+ A A-

हिजो जर्मनीस्थित नेपाली दूतावासले स्लोभाकिया, पोल्याण्ड र हंगेरीले युक्रेनबाट निस्कन चाहनेका लागि बोर्डर खुल्ला गरेको जानकारी एक सूचनामार्फत गरायो । थाहा पाएलगत्तै रुस-युक्रेन द्वन्द्वबाट त्रसित नेपालीहरू युक्रेनका विभिन्न शहर छाेडेर कठिनाइका बाबजुद बोर्डरसम्म पुगे ।

त्यसअघि पनि सयभन्दा बढी नेपाली पोल्याण्ड, हंगेरी र स्लोभाकियाको बोर्डर पुगिसकेका थिए । तर, त्यहाँबाट उनीहरूलाई छिर्न दिइएको छैन । नेपाली मात्र होइन, पोल्याण्डको सिमानामा युक्रेनी शहर छोडेर पुगेका थुप्रै विदेशीहरू प्रवेश कुरेर बसेका छन् ।

जर्मनीको बर्लिनस्थित नेपाली दूतावासले पोल्याण्डले सीमा खुलाएको सूचना पाएपछि नेपालीहरूलाई सहजीकरण, सहयोगका लागि एनआरएनए पोल्याण्डका संस्थापक अध्यक्ष डा.बोधराज सुवेदीलाई आग्रह गर्‍याे । आफूसँग सम्पर्कमा आएका नेपालीहरूलाई सुवेदीले आवश्यक सुझाव पनि दिँदै आएका छन् । तर सीमामा जम्मा भएका नेपालीलाई पोल्याण्ड छिराउन भने कठिन भएको उनी बताउँछन् । उनै डा. सुवेदीसित फोनमार्फत् शिलापत्रका नवराज कुँवरले गरेको संक्षिप्त कुराकानीः

युक्रेनका द्वन्द्वप्रभावितका लागि पोल्याण्डले बोर्डर खुला गरेको सत्य हो ?

मानवीयताका आधारमा युक्रेन छोड्न चाहनेहरूका लागि पोल्याण्डसँगै स्लोभाकिया र हंगेरीले नाका खोलेको भनेका छन् । यी तीनवटै देशसँग युक्रेनको सीमा जोडिएको छ ।

तर नेपालीहरू सीमामा अलपत्र पर्यौं भनिरहेका छन् त ?

अरु देशको सीमामा के छ म जान्दिनँ । तर पोल्याण्डले एउटा नाकाबाट दैनिक बढीमा १० हजार जनालाई प्रवेश दिने भनेको छ । पोल्याण्ड छिर्न दुईवटा नाका छन् । मैले बुझेसम्म पोल्याण्डले युक्रेनी नागरिकलाई पहिलो प्राथमिकता दिएको छ । यस कारण सीमामा नेपाली मात्र होइन, अरु थुप्रै देशका नागरिक पर्खिरहेका छन् ।

उनीहरू छिर्न पाउँछन् कि पाउँदैनन्, आधिकारिक निकायसँग केही बुझ्नुभएको छ ?

प्रवेश दिने भनेरै पोल्याण्डले नाका खुलाएको हुनुपर्छ । अहिले आएर व्यवस्थापनलाई लिएर पोल्याण्ड अडिएको जस्तो लाग्छ । अर्कातिर धेरै नेपाली साथीहरू पोल्याण्डले प्रवेश दिएर पछि नेपाल फर्काइदेला कि भन्ने चिन्तामा रहेको देख्छु । यसो हुँदा कतिपयले आफ्ना कागजपत्र लुकाउनुहुन्छ । तर, अहिलेको मुख्य प्राथमिकता भनेको ज्यान बचाउनु हो । म सबै साथीहरूलाई आग्रह गर्छु, पहिला तपाईंहरू ज्यान बचाउनतिर लाग्नोस् । अरु अवसर तपसिलका कुरा हुन् । अहिले युक्रेनीहरूलाई मात्र पोल्याण्डले प्राथमिकता दिएकोजस्तो देखिन्छ । तर सीमामा रहेका नेपालीले प्रवेश नै नपाउने भन्नेचाहिँ छैन, यस्तो घोषणा पोल्याण्डले गरेकै छैन । त्यसैले धैर्य गरौँ ।

अहिलेसम्म एक जना नेपाली पनि पोल्याण्ड छिर्न पाएका छैनन् ?

बर्लिनस्थित दूतावासले सहजीकरणका लागि मलाई आग्रह गरेको थियो । कोही छिरेको भए मसित सम्पर्कमा आउनुपर्ने हो । केही साथीहरू पोल्याण्ड आएको कुरा सुन्नचाहिँ सुनेको छु । तर मसँग सम्पर्क नभएकाले यसबारे म एकिनका साथ भन्न सक्दिनँ । जति सम्पर्कमा हुनुहुन्छ, उहाँहरू नाकामा हुनुहुन्छ ।

प्रवेश नै नपाइने हो कि, मरिने पो हो कि भन्ने चिन्तामा देखिन्छन् धेरै नेपाली । उनीहरूको हकमा पोल्याण्डसँग सरकारले प्रभावकारी कूटनीतिक पहल गर्न नसकेको पो हो कि ?

समस्या पहलको अभावभन्दा यहाँको नीति र कानुनका कारणा हो भन्ने लाग्छ । उसले मानवीयताका आधारमा प्रवेश दिने भनेको थियो । तर प्रवेश दिइसकेपछि व्यवस्थापनलगायतका चुनौती छन् । नीति, कानुनले पनि धेरै कुरा झट्टै गर्न रोकेको हुन सक्छ । तर सरकारले घोषणा गरिसकेकाले सीमामा आइसकेका नेपालीको हकमा थप निर्णय केही होला ।

अब हाम्रो कुरा गर्नुहुन्छ भने कुनै व्यक्ति वा संस्थाले आग्रह गरेर पोल्याण्डले आप्रवासी नीति फेरिहाल्ला भन्ने कुरा पनि हुन्न । युक्रेनमा रहेका नेपालीहरूको उद्धार र सहायताबारे आज बेलुका दूतावास र सम्बन्धित देशका नेपाली अगुवाहरूबीच छलफल पनि हुँदैछ ।

याे पनि...

'हामी त जसोतसो ट्रेनमा चढ्यौँ, युद्धग्रस्त खार्किभमा केही साथी छुटे'

युक्रेनी शहरको बङ्करबाट नेपालीको चीत्कार- हामी सरकारलाई पर्खिरहेछौँ (भिडियाेसहित)

'गाडी भएकाहरू भाग्दैछन्, हामी अलपत्र पर्‍यौँ'

प्रकाशित मिति: शनिबार, फागुन १४, २०७८ १३:५८

शिलापत्र संवाददाता

प्रतिक्रिया दिनुहोस्

भर्खरै

जापानी विदेशमन्त्री योको भोलि नेपाल आउँदै

आजको मौसम: कोशी, लुम्बिनी र सुदूरपश्चिमका केही ठाउँमा हुरीबतासको सम्भावना

'हामीले सोचेकै थिएनौँ यति धेरै दर्शकले ‘बोक्सीको घर’लाई पर्खिरहेका रहेछन्' (भिडियो)

हरेक पालिकामा औद्योगिक ग्राम बनाउने सरकारको नीति छः मन्त्री भण्डारी

नेताहरू गैरजिम्मेवार रूपमा कमाउन लागेकाले अर्थतन्त्रमा समस्या आयोः अध्यक्ष सिंह

लोकप्रिय

केपी ओलीलाई शेखर काेइरालाकाे प्रस्ताव– पहिले तपाईं प्रधानमन्त्री हुनुस्, त्यसपछि मलाई बनाउनुस्

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?