संसारकै सानो बिजुली कार आउँदै, मूल्य सस्तो र धेरै विशेषता हुने

A+ A A-

चिनियाँ कार निर्माता कम्पनी ‘बुलिङ होङ्गआङ’ ले संसारकै सस्तो बिजुली गाडी बजारमा ल्याउने भएको छ ।

कम्पनीले यसअघि पनि मिनी इलेक्ट्रिक कार बजारमा ल्याएको थियो । उक्त कार सन् २०२० मा १ लाख १९ हजार २ सय ५५ युनिट बिक्री भएर थियो । सो संख्यामा कार बेचेर कम्पनीले संसारै दोस्रो धेरै बिक्री हुने विद्युतीय सवारी साधनको कीर्तिमान समेत कायम गरेको थियो ।

कम्पनीले आफ्नो नयाँ गाडीको नाम ‘नानो’ राख्ने फैसला गरेको छ । केही समय अगाडि भारतको टाटा कम्पनीले पनि नानो नाममा सानो गाडी उत्पादन गरेको थियो । मिडिया रिपोर्टका अनुसार यो संसारको सबैभन्दा सानो मात्रै नभई सबैभन्दा सस्तो विद्युतीय गाडी हुनेछ ।

बुलिङ नानो इभीको मूल्य २० हजार यूआन भन्दा धेरै नहुने भारतीय संचार माध्यम अमर उजालाले जनाएको छ । यो मूल्य अनुसार भारतमा यसको मूूल्य २ लाख ३० हजार हुनेछ । शहरी क्षेत्रको लागि उत्पादन गरिएको यो गाडी दुईओटा मात्र सिट हुनेछन् ।

यो गाडीको ट्रनिङ रेडियस चार मिटर भन्दा कम हुनेछ । त्यस्तै यसको लम्बाई २ हजार ४ सय ७७ मिलिमिटर, चौडाई १ हजार ५ सय २६ मिलिमिटर र उचाई १ हजार ६ सय १६ मिलिमिटर रहेको छ । यसको ह्विलबेस १ हजार ६ सय मिलिमिटर रहेको छ।

नानो इभीमा ३३ पीएस इलेक्ट्रिक मोटर छ भने यो गाडीले ८५ एनएम टर्क जेनेरेट गर्छ । यो गाडीको उच्च गति एक सय किलोमिटर प्रतिघण्टा रहेको कम्पनीको दाबी छ । यो गाडीमा आईपी ६७ प्रमाणित लिथियम आयोन ब्याट्री प्रयोग गरिएको छ, जसको क्षमता २८ किलोवाट छ ।

नानो इभीलाई एक पटक चार्ज गरेर ३ सय ५ किलोमिटर गुडाउन सकिने कम्पनीले जनाएको छ । बुलिङ होङ्गआङका अनुसार यसलाई २२० भोल्टको घरेलु सकेटमा चार्ज गर्न साढे १३ घण्टा लाग्छ ।

यसमा ६.६ किलोवाटको एसी चार्जरको पनि विकल्प छ । यसलाई एसी चार्जरबाट चार्ज गर्दा साढे चार घण्टामा फुल चार्ज गर्न सकिन्छ ।

आकारमा सानो भएपनि यसमा धेरै सेफ्टी फिचर्सहरु राखिएको छ । यसमा इबिडी, इलेक्ट्रोनिक पार्किङ ब्रेक, आइएसओ चाइल्ड सिट माउट, एबिएस, इलेक्ट्रोनिक स्ट्याविलिटी कन्ट्रोल, लो स्पिड पैदल यात्री वार्निङ सिस्टम लगायतमा फिर्चस छन् ।

त्यसैगरी यसमा रिभर्स क्यामरा, टायर प्रेसर मोनिटोरिङ सिस्टम, एयर कन्डिसनर, कि लेस इन्ट्री सिस्टम, एलईडी हेडलाइट र ७ इन्चको डिजिटल स्क्रिन लगायतका फिचर्स पनि छन् ।

प्रकाशित मिति: शनिबार, असोज १६, २०७८ १६:२३