भरतपुरकी मेयर रेणु दाहाल भन्छिन्, 'रंगशालालाई २७ करोडमाथिको सहयोग त हाम्रै सक्रियतामा भएको छ'

भरतपुरकी मेयर रेणु दाहाल भन्छिन्, 'रंगशालालाई २७ करोडमाथिको सहयोग त हाम्रै सक्रियतामा भएको छ'

A+ A A-

भरतपुर महानगरपालिकाकी मेयर रेणु दाहालले गौतमबुद्ध अन्तर्राष्ट्रिय क्रिकेट रंगशाला बनाउन सरकार नै तात्नुपर्ने बताएकी छन् । महानगरभित्र निर्माणाधीन गौरवको आयोजना भएकाले यसको काम सरासरी अघि बढाउन पहल गर्ने पनि उनले बताइन् । शिलापत्रसितकाे संवादमा उनले भनिन्, ‘यो परियोजनालाई जसरी हुन्छ, तोकिएकै समयमा सम्पन्न गर्न हामी सबै लागेका छौँ । म सक्रिय छु । महानगरपालिकाका कर्मचारी पनि सक्रिय हुनुहुन्छ । त्यसैले यसको काम रोकिनुहुन्न । सरकार अघि सरेर भए पनि काम सक्नुपर्छ ।’

१६ कराेड ऋणले राेकिएका धुर्मुसकाे बयान : जताततै उधाराे भयाे, काम अघि बढाउनै मुस्किल पर्‍याे

उनले अर्बभन्दा बढीको परियोजना भएकाले महानगर एक्लैले आँट गर्न नसकेकाे पनि बताइन् ।

१६ करोड ऋण लागेको भन्दै धुर्मुस–सुन्तली फाउण्डेसनले रंगशाला निर्माणको काम रोकेको छ । सर्वसाधरणले सहयोग गरे पनि सरकारको सहयोगबिना रंगशाला निर्माणको काम पूरा गर्न नसकिने निचोडमा फाउण्डेसन पुगेको छ । हिजो मात्र शिलापत्रसँग फाउण्डेसनका संस्थापक सीताराम कट्टेल ‘धुर्मुस’ले सरकारसँग रंगशालाका बाँकी काम पूरा गर्न आर्थिक सहयोगको अपिल गरिएको बताएका थिए । अर्थमन्त्री जनार्दन शर्माबाट सकारात्मक संकेत मिलेको दाबी पनि उनको थियो ।

धुर्मुस–सुन्तली फाउण्डेसनले रोक्यो क्रिकेट रंगशाला बनाउने काम, धुर्मुस भन्छन्, '१६ करोड ऋण लाग्यो'

‘फाउण्डेसनले यसरी नै काम रोकिराख्यो भने के गर्नुहुन्छ ?’

जवाफमा मेयर दाहालले भनिन्, ‘फाउण्डेसन र महानगरबीच भएको सम्झौताअनुुसार रंगशालाको आर्थिकलगायतका पाटो उहाँहरूकै दायित्व हो । यहाँको वातावरण अनुकूल पारिदिने जिम्मेवारी हाम्रो हो । हामीले सम्झौताअनुसार काम गरेका छौँ । अब पनि उहाँहरूले काम अघि बढाउन सक्नुभएन भने प्रदेश र केन्द्र सरकारसँग कुरा गर्नुपर्ला । तर, उहाँहरूले काम गर्न नसक्ने भइयो भनेर हामीलाई कुनै जानकारी नगराएकाले अहिले नै यसो, उसो भन्न जायज नहोला ।’

क्रिकेट रंगशाला बनाउँदा लागेको १६ करोड ऋण कसले तिर्छ ?

धुर्मुसको भनाइअनुसार रंगशालाको ३५ प्रतिशत काम सकिँदा ५४ करोड रुपैयाँ खर्च भएको छ । यसमध्ये १६ करोड रुपैयाँ ऋण भइसकेको छ । तर, मेयर दाहालले करिब महानगर, प्रदेश, स्थानीय सरकारसमेतको सहभागितामा भएका कार्यक्रम गरी करिब २७ करोड रुपैयाँ फाउण्डेसनलाई दिइएको दाबी गरिन् ।

कलाकार धुर्मुस र कुञ्जना घिमिरे (सुन्तली) को अगुवाइमा आमनागरिकबाट पैसा संकलन गरी बनाउने गरी भरतपुर महानगरपालिका-१५ मा १६ माघ २०७५ देखि रंगशाला निर्माण थालिएको थियो ।

भिडियाे रिपाेर्टः