घट्याे आईफोन १२ सिरिजकाे मूल्य, कुनकाे कति ?

A+ A A-

जब आईफोनका नयाँ माेडल सार्वजनिक हुन्छन्, तब पुरानाे माेडलकाे मूल्य घट्छ । तर, नेपालमा यसपल्ट आईफोन १३ सिरिज लञ्च हुनुअघि नै १२ सिरिजकाे मूल्य घटिसकेकाे थियाे । आईफोन १३ मिनी, आईफोन १३, आईफोन १३ प्राे, आईफोन प्राे म्याक्स लञ्च भएसँगै आईफोन १२ काे मूल्य थप घट्ने अनुमान पनि छ । नयाँ मूल्य एप्पलकाे आधिकारिक वेबसाइटमा समेत हेर्न सकिन्छ । आईफोन १२ मिनीकाे मूल्यमा पनि केही कटाैती भएकाे छ । थाहा पाउनुहाेस्, आईफोन १२ सिरिजकाे नयाँ मूल्यः

काठमाडाैंस्थित आईफोनकाे आधिकारिक शाे-रूम ओली'ज स्टोरकी प्रोपाइटर बिनिता ओलीका अनुसार आईफोन १२ मिनीकाे सुरुवाती मूल्य अब १ लाख १२ हजार ९ सयमा झरेकाे छ । यसमा ६४ जीबी स्टाेरेज सुविधा छ । १ सय २८ जीबी स्टाेरेज सुविधा भएकाे माेडेल अब १ लाख २० हजार ९ सय रुपैयाँ र २ सय ५६ जीबीकाे फाेन १ लाख ३६ हजार ९ सय रुपैयाँमा पाइन्छ ।

६४ जीबीकाे आईफोन १२ अब १ लाख २६ हजार ९ सय रुपैयाँमा किन्न पाइन्छ । यसैगरी, १ सय २८ जीबीकाे १ लाख ३६ हजार ९ सय र २ सय ५६ जीबी सुविधावाला फाेनलाई १ लाख ५२ हजार ९ सय रुपैयाँ पर्छ ।

आईफोन १२ सिरिजकाे नयाँ मूल्यः

एप्पलले हिजाे 'क्यालिफाेर्निया स्ट्रीमिङ' भनिएकाे भर्चुअल इभेन्टमार्फत अहिलेसम्मकै नयाँ फिचरसहितका फाेनहरू लञ्च गरेकाे हाे । आईफोन १३ प्रो र आईफोन १३ प्रोम म्याक्समा ४ स्टाेरेज अप्सन छन्, १२८ जीबी, २५६ जीबी, ५१२ जीबी र १ टीबी । १ टीबी स्टोरेज क्षमता भएको पहिलो आईफोनको हाे १३ प्रो । यसकाे मूल्य १६०० अमेरिकी डलर छ । आईफोन १३ मिनीकाे मूल्य ६ सय ९९ डलरदेखि र आईफोन १३ काे मूल्य ७ सय ९९ डलरदेखि सुरु हुन्छ ।

नेपालमा कति पर्ला ?

आईफोन १३ सिरिजकाे नयाँ मूल्य भने अहिले नै भन्न नसकिने ओली'ज स्टोरकी प्रोपाइटर ओलीले शिलापत्रलाई बताइन् । 'कम्पनीले वेबसाइटमा राखेकाे मूल्यमा नेपालसम्म आइपुग्दा २७/२८ डलर बढी पर्ने हल्लाचाहिँ छ तर यसकाे पुष्टि कम्पनी वा कुनै आधिकारिक बडीबाट भएकाे छैन । यसअघिकाे मूल्य हेर्दा नेपालसम्म आइपुग्दा एउटा फाेनमा १५ देखि २० हजार रुपैयाँसम्म बढी पर्छ । त्याे माेडल हेरेर हुन्छ', उनले भनिन् ।

नयाँ आईफोनमा के कस्ता फिचर्स छन्, थाहा पाउन याे पढ्नुहाेस्ः