अहिलेसम्मकै नयाँ फिचरसहित आईफोनका लेटेस्ट माेडलहरू सार्वजनिक, कुनकाे मूल्य कति ?

अहिलेसम्मकै नयाँ फिचरसहित आईफोनका लेटेस्ट माेडलहरू सार्वजनिक, कुनकाे मूल्य कति ?

A+ A A-

एप्पलले आफ्ना लेटेस्ट स्मार्ट फाेनहरू सार्वजनिक गरेकाे छ । 'क्यालिफाेर्निया स्ट्रीमिङ' भनिएकाे भर्चुअल इभेन्टमार्फत कम्पनीले अहिलेसम्मकै नयाँ फिचरसहितका फाेनहरू लञ्च गरेकाे हाे ।

आईफोन १३, आईफोन १३ मिनी, आईफोन १३ प्राे र आईफोन १३ प्राे म्याक्स एप्पलले सार्वजनिक गरेका लेटेस्ट स्मार्ट फाेन हुन् । यीमध्ये आईफोन १३ प्रो र आईफोन १३ प्रो म्याक्स खास फिचरसहितका छन् । यी फाेनहरूमा ४ स्टाेरेज अप्सन पाइन्छ, १२८ जीबी, २५६ जीबी, ५१२ जीबी र १ टीबी । आईफोनमा मेमाेरी कार्ड लगाउने अप्सनचाहिँ हुँदैन । १ टीबी स्टोरेज क्षमता भएको पहिलो आईफोनको हाे १३ प्रो । यसकाे मूल्य १६०० अमेरिकी डलर छ ।

आईफोन १३ काे क्यामेरामा कम्पनीले ठूलै सुधार गरिएकाे छ । क्यामेरामा एक नयाँ सिनेम्याटिक माेड छ, जसले सब्जेक्ट हल्लिँदा पनि त्यसलाई फाेकसमा राख्न सक्छ । फाेकस सब्जेक्टमा रहन्छ, बाँकी ब्याकग्राउण्ड ब्लर हुन्छ । याे भिडियाेका लागि पाेट्रेट माेड हाे । एप्पलका अनुसार याे सुविधाले फाेन प्रयाेगकर्तालाई यस्ताे कन्टेन्ट बनाउने अनुमति दिन्छ, जसले ठ्याक्कै फिल्म हेरेजस्ताे वा खिचेजस्ताे महसुस गराउँछ । याे डल्बी भिजन एचडीआरमा सुट हुन्छ, जुन एक स्पेसल कस्टम सेन्सरद्वारा इनेवल हुन्छ ।

एप्पल आईफोन १३ र आईफोन १३ मिनी A15 बायाेनिक चिपसेटमा चल्छ । जसले स्याटेलाइट कम्युनिकेसनमा मद्दत गर्ने बताइएको छ । यसमा ६-काेर सीपीयू छ, जसमा २ हाइ-परफर्मेन्स काेर र ४ एफिसियन्सी काेर छन् । ४ काेर जीपीयूका साथ पनि आउँछ । यस्तै मेसिन लर्निङ टास्कका लागि १६-काेर न्यूरल इन्जिन छ ।

डायगनल्ली अरेन्ज्ड क्यामेरा लेन्ससँगै यसकाे पछाडि अर्काे एक रङ दिइएकाे छ । यसपल्ट पनि आईफोनका लागि गुलाबी रङकाे अप्सन छ ।

डिस्प्लेमा १२०० निट्स ब्राइटनेस छ भने एक्सडीआर डिस्प्लेले प्रयाेगकर्तालाई ब्राइट, रिच एक्सपिरियन्स प्रदान गर्ने छ । आईफोन १३ र आईफोन १३ मिनीका लागि डिस्प्लेकाे आकार ६.१ इन्च र ५.४ इन्च छ । दुवै आईफोन 5G हुन् । आईफोन १३ मिनीकाे मूल्य ६ सय ९९ डलरदेखि सुरु हुन्छ । आईफोन १३ काे मूल्य ७ सय ९९ डलरदेखि सुरु हुन्छ । बेस स्टाेरेज १ सय २८ जीबी छ । आईफोन १३ प्राे विभिन्न चार रङमा ल्याइएकाे छ । फोरकेसम्मका भिडियाे रेकर्ड गर्न सकिने नयाँ आईफोनमा हाई क्वालिटी भिडिओ एडिटिङ गर्न सकिने फिचर पनि छ । २४ सेप्टेम्बरदेखि यी फाेनहरूकाे बिक्री सुरु हुने छ भने १७ सेप्टेम्बरदेखि प्रि-अर्डर गर्न सकिने छ ।

आईफोन १३ र प्राे म्याक्स दुवैमा अघिल्लाे भर्सनकाे तुलनामा ठूलाे ब्याट्री छ । आईफोन १३ प्राेकाे ब्याट्री गत आईफोन १२ प्राेकाेभन्दा डेढ घण्टा बढी चल्ने कम्पनीले जनाएकाे छ । १३ प्राे म्याक्सचाहिँ अढाइ घण्टा बढी चल्ने छ । आईफोन १३ प्रोको पछाडि तीनवटा क्यामेरा छन् । यसमा रहेको ‘नच’ आईफोन १२ को भन्दा केही सानो छ ।

प्रकाशित मिति: बुधबार, भदौ ३०, २०७८ १०:०३