कमेडी च्याम्पियनः भरतमणिका लागि पूर्वमा बाइक र्‍याली, सन्तोषलाई पूर्वप्रधानमन्त्री अनि विक्कीलाई सिक्किमका मुख्यमन्त्रीको साथ

कमेडी च्याम्पियनः भरतमणिका लागि पूर्वमा बाइक र्‍याली, सन्तोषलाई पूर्वप्रधानमन्त्री अनि विक्कीलाई सिक्किमका मुख्यमन्त्रीको साथ

A+ A A-

हास्य रियालिटी शो कमेडी च्याम्पियनको दोस्रो सिजन अहिले चर्चामा छ । सेमिफाइनलका दुई प्रस्तुतिले कमेडी च्याम्पियनलाई उचाइ दियो । प्रतियोगी भरतमणि पौडेलकाे 'पारस सरकार' निकै चर्चित बन्यो भने विक्की अग्रवालले गरेको 'पेन्टोमाइम'ले त बहस नै सिर्जना गर्‍यो । यसपछि कमेडी च्याम्पियन कमै हेर्नेहरूले पनि हेर्न थालेका छन् ।

भरतमणि सोही प्रस्तुतिका कारण पर्फर्मर अफ द राउण्ड बन्दै फिनाले प्रवेश गरे । भोटिङबाट कञ्चनपुरका हिक्मत महरालाई पछि पार्दै विक्की र सन्तोष थापा फिनालेमा आइपुगे । अहिले उपाधिका लागि भरत, विक्की र सन्तोषबीच प्रतिस्पर्धा चलिरहेको छ ।

गत शुक्रबार तीनै जनाले उपाधिका लागि आ–आफ्नो प्रस्तुति दिइसकेका छन् । अन्तिम प्रस्तुतिबाट सन्तोषले निकै राम्रो तारिफ बटुलेका छन् । त्यसैले यी तीनबीचको प्रतिस्पर्धा रोचक छ ।

२ असोजमा हुने फिनालेका लागि अहिले तीनै जना प्रतिस्पर्धी भोट माग्न गृहजिल्ला पुगेका छन् । सन्तोष गोरखा पुगेका छन्, भरतमणि ताप्लेजुङ र विक्की सिक्किममा छन् ।

सन्तोष गोरखाका विभिन्न स्थानहरूमा कार्यक्रम गर्दै भोटको अपिल गरिरेहका छन् । आफन्त र शुभचिन्तक पनि सन्तोषको जितका लागि क्याम्पेनिङ गरिरहेका छन् । अझ, उनले दिएको पछिल्लो प्रस्तुतिका कारण पनि सन्तोषको भोट राम्रो आइरहेको अनुमान गर्न सकिन्छ ।

सिक्किम पुगेका विक्कीको समर्थनमा पूरै सिक्किम उत्रिएको छ । विक्कीलाई जिताउन सिक्किममा विभिन्न क्याम्पेनिङहरू चलिरहेका छन् । अहिले विक्की आफैँ पनि भोट माग्दै हिँडिरहेका छन् ।

कमेडी च्याम्पियनका 'मणि', जसले हँसाएरै लोभ्याउँदै छन् दर्शकदेखि नेतासम्म

स्टार प्रतियोगी मानिएका भरतमणिको भने रवाफ नै छुट्टै छ । उनको भोटका लागि सोमबार झापामा मोटरसाइकल र्‍याली नै निकालियो । जहाँ भरत नेताजस्तै गाडीबाट हात हल्लाइरहेका देखिन्छन् । उनको भोट अपिलमा निस्किएको र्‍याली कुनै राजनीतिक पार्टीको र्‍यालीभन्दा कम छैन ।

मंगलबार पनि भरतको भोटका लागि र्‍याली आयोजना गरिएको छ । उनको समर्थनमा ताप्लेजुङ मात्र होइन, पूर्व नै उर्लिएको देखिन्छ ।

नेताको साथ

यी तीनै प्रतियोगीहरूलाई राजनीतिक दलका नेताहरूले समेत भोट मागिरहेका छन् । आ–आफ्नो गृहजिल्लाका प्रतियोगीहरूको समर्थनमा नेताहरू उत्रिएका छन् ।

सन्तोषको समर्थनमा पूर्वप्रधानमन्त्री बाबुराम भट्टराई छन् । बाबुरामले सन्तोषका लागि भोट माग्दै सामाजिक सञ्जालमा पोस्ट नै गरेका थिए । बाबुरामलाई भेट्न पुगेका सन्तोषको प्रशंसा गर्दै बाबुरामले लेखेका थिए, 'गोर्खाली (पालुङटार नपा-६, कालामाटा) भएर मात्र होइन, प्रस्तुति हेरेर सन्तोष थापा कमेडी च्याम्पियन बन्ने राम्रो सम्भावना देखियो । शुभकामना ।'

पूर्वमन्त्री योगेश भट्टराईले जिल्लावासी भरतमणि पौडेलका लागि भोट मागिरहेका छन् । एक महिनापहिलादेखि नै उनले भरतमणिका लागि सहयोग गर्दै आएका छन् । योगेशले भरतमणिलाई ६ लाख पुरस्कार नै दिइसकेका छन् ।

त्योसँगै सामाजिक सञ्जालमा उनले भरतका लागि दुई पटकसम्म भोट मागिसके । उनले केही समयअगाडि सामाजिक सञ्जालमा लेखेका थिए, 'भरतमणि पौडेल हास्यव्यंग्य क्षेत्रको उदाउँदो मणिजस्तो लाग्छ । कञ्चनजंघाको फेदमा, तमोर नदीको चिसो पानी खाँदै, पाथिभरा माताको छत्रछायामा हाम्रै गाउँ/घरमा हुर्के बढेका यी ताप्लेजुङे ठिटो हाम्रो प्रिय त छँदै छन्, त्योभन्दा बढी यिनी प्रतिभाशाली छन् । त्यसैले कमेडी च्याम्पियनको ताज प्राप्त गर्ने यिनको दौडमा भोटमार्फत होस्टेमा हैँसे गर्दा सबै नेपाली दिदीबहिनी तथा दाजुभाइले पनि आनन्दको अनुभूति गर्नुहुनेछ ।'

भरतले गरेको पारस सरकारवाला प्रस्तुतिपछि योगेशले पुन: स्टाटस लेखे, 'आजको धमाकेदार र बबाल प्रस्तुतिले अब निर्धक्क भन्न सकिन्छ- ताप्लेजुङ (पाथिभरा) को शिरबाट उदाएका भरतमणि पौडेल एकपछि अर्को भूगोललाई छिचोल्दै आफ्नो प्रभावलाई राष्ट्रव्यापी बनाउन सफल भएका छन् । राम्रो अवसर पाए र अझ मेहनत गरे भने उनको प्रतिभाले देशको सीमालाई छिचोल्नेछ । भरतमणि भाइ, धेरै शुभकामना ।'

हँसाउने मञ्चबाट धेरैलाई रुवाएका विक्की: जो च्याम्पियन बन्न नेपाल छिरे

सिक्किमका मुख्यमन्त्रीले पनि कमेडी च्याम्पियनका प्रतिस्पर्धी जिताउन अपिल गरेका छन् । मुख्यमन्त्री प्रेमसिंह तामाङले सिक्किमे प्रतिस्पर्धी विक्की अग्रवाललाई जिताउनका लागि व्यक्तिगत रूपमा नै ५ लाख सहयोग गरिसकेका छन् । अहिले उनी आफैँ पनि विक्कीलाई जिताउन विभिन्न क्याम्पेनिङ चलिरहेका छन् ।

कसको प्रस्तुति कस्तो ?

रियालिटी शोमा एउटै प्रतियोगी सात पटकसम्म पर्फर्मर अफ द राउण्ड बनेको इतिहास बिरलै भेटिएला । कमेडी च्याम्पियनको दोस्रो सिजनमा भरतले त्यो रेकर्ड राख्दिए ।

भरतले टप २४ बाट नै पर्फर्मर अफ द राउण्ड जित्न सुरु गरे । जसको सिलसिला टप ४ सम्म आइपुग्यो । भरतले नै पहिलो र अन्तिम पर्फर्मर अफ द राउण्ड जिते ।

भरतले गरेको घरबेटीवाला प्रस्तुतिले निकै चर्चा पायो । कलाकार बन्न गरेको संघर्ष सुनाएर पनि भरतले धेरैको मन जितेका थिए । झाँक्री परिवारको डाक्‍टरको कथालाई पनि उनले रोचक शैलीमा सुनाए । यसबाहेक कहिले उनी एलियन बने, कहिले पत्रकार । सबैमा उनले अब्बल प्रस्तुति दिए ।

यता विक्‍कीले फिजिकल अडिसनमा 'गोल्डेन कि' जितेका थिए । विक्की नै गोल्डेन कि जित्ने पहिलो प्रतियोगी थिए ।

त्यसपश्चात् विक्कीले राम्रा प्रस्तुतिहरू दिएका छन् । उनी कहिले फिल्म निर्देशक बने, कहिले सुपरम्यान बने, कहिले कमेडीको टिचर बने । सबै प्रस्तुतिहरू उत्कृष्ट थिए । अझ, प्रप्सको प्रयोग गरेर दिइएको यमराज र गाडीको सहचालकवाला प्रस्तुति निकै रुचाइएको थियो । टप ४ मा गरेको पोन्टोमाइम र टप ३ मा गरेको प्रस्तुतिले विक्कीलाई थप चर्चा दिएको छ ।

विक्कीले पनि धेरै पटक पर्फर्मर अफ द राउण्डको उपाधि जितेका छन् ।

डिप्रेसनलाई जितेर कमेडीमा लागेका सन्तोष: जो च्याम्पियनको उपाधि जित्न भिड्दै छन्

पर्फर्मर अफ द राउण्ड उपाधि नजिते पनि सन्तोष थापाले फाइनलसम्म आइपुग्दा धेरै राम्रा प्रस्तुति दिएका छन् । जुन बेला सन्तोषले राम्रो प्रस्तुति दिन्थे, त्यही बेला भरत वा विक्कीले निर्णायकको मन जितिदिन्थे ।

सन्तोषले च्याम्पियनमा आफूलाई भिन्न-भिन्न भूमिकामा प्रस्तुत गरेका छन् । उनी कहिले पुलिस बन्थे, कहिले डन । मेन पावरको मान्छेदेखि पानीको जार ओसार्नेसम्मको भूमिकामा उनी देखिए । अझ, उनले गरेको 'नेपाली टिचेर' निकै उत्कृष्ट प्रस्तुति मानिन्छ ।

प्रकाशित मिति: मंगलबार, भदौ २२, २०७८ १५:१३

दिप्सन लुइटेल

प्रतिक्रिया दिनुहोस्

भर्खरै

बझाङमा कांग्रेसको अग्रता, एमाले पछ्याउँदै

युक्रेनका सेना प्रमुख भन्छन्- अवस्था अत्यन्तै खराब छ

बझाङमा कांग्रेस अघिअघि, पछ्याउँदै एमाले

इलाममा सुहाङलाई २६ सय मतको अग्रता, अन्य उम्मेदवारको अवस्था के छ ?

कांग्रेसका डम्बरसँग मतान्तर बढाउँदै सुहाङ, डकेन्द्रभन्दा ३३ सय २९ मतले पछाडि मिलन

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

शिक्षा

युवा विद्यार्थी लक्षित परिसंवाद गर्दै हिमालयन ह्वाइटहाउस स्कुल, एमाले अध्यक्ष ओली पनि सहभागी हुने

बौद्धिक पलायन रोक्न पाठ्यक्रम समय सान्दर्भिक बनाऔँ : प्रधानमन्त्री

कक्षा १२ को परीक्षा आजदेखि, तीन लाख ९० हजार परीक्षार्थी सहभागी हुँदै