जनतालाई भ्रममा पार्दै सरकार : प्रधानमन्त्री भन्छन् - चीनबाट ४० लाख खोप आउँदैछ, मन्त्रालय भन्छ– जानकारी छैन

A+ A A-

प्रधानमन्त्री केपी ओलीले बुधबार कोभिड–१९ संकट व्यवस्थापन केन्द्रको बैठकमा चीनबाट ४० लाख खोप खरिद गर्न लागिएको जानकारी गराए ।

प्रधानमन्त्रीको भनाइ उद्धृत् गर्दै संकट व्यवस्थापन केन्द्रका प्रमुख बालानन्द शर्माले शिलापत्रसँग भनेका थिए, ‘सिनोफार्मले दिने भनेको छ । दुई हप्ताभित्र १० लाख त्यसपछि हरेक हप्ता ५–५ लाखका दरले ३० लाख दिन सक्ने भनेको छ । खरिदको सहमति स्वास्थ्य मन्त्रालयले गर्नेछ ।’

चीनबाट ४० लाख खोप खरिद गर्ने निर्णय : दुई हप्ताभित्र १० लाख डोज, बाँकी ५-५ लाखका दरले ल्याउने

४० लाख खोप खरिद गर्ने समाचार केही दिनयता सञ्चारमाध्यममा पनि आइरहेको छ । तर, बिहीबार स्वास्थ्य तथा जनसंख्या मन्त्रालयले खोप खरिद गर्न विभिन्न देशसँग छलफल भइरहेको तर मात्रा र मूल्य जानकारी नभएको बताएको छ ।

‘मन्त्रालयको अफिसियल केही पनि छैन । स्रोतका अनुसार भन्दै धेरै मिडियामा आयो । समस्या हुने भयो । नभएको कुराको प्रोपोगान्डा बढी भयो,’ मन्त्रालयका सहप्रवक्ता समीर अधिकारीले शिलापत्रसँग भने, ‘कति मात्रा हो अफिसियल थाहा छैन । खरिद गर्ने त धेरैसँग धेरै कुरा भएको छ ।’

अंग्रेजीमा जारी गरिएको विज्ञप्तिमा भनिएको छ, ‘चीनलगायत विभिन्न देशहरूबाट खोप सुनिश्चित गर्ने क्रम जारी छ । खोपको मात्रा, मूल्य, डेलिभरी र अन्य खोपजन्य जानकारी भ्रामक तथ्यहीन आधारहीन छ ।’

चीनले खरिद प्रक्रिया गोप्य राख्नु पर्ने सर्त राखेकाले मन्त्रालयले खोपको मात्रा र मूल्य लुकाएको हो । चीनले ‘ननडिस्क्लोजर एग्रिमेन्ट’ मा खोप दिने सर्त राखेको छ ।

के हो ननडिस्क्लोजर एग्रिमेन्ट ?

ननडिस्कोलजर एग्रिमेन्ट भनेको सम्झौतामा हस्ताक्षर गरेका व्यक्ति वा समूहले सम्झौताको सूचना अरु कसैलाई उपलब्ध गराउन पाउने छैन । यसमा खरिद प्रक्रियाको सर्त राखिएको हुन्छ । खोपको मात्रा, मूल्य, डेलिभरी सबै गोप्य हुन्छ । चीनले अरु देशलाई पनि यही सर्तमा खोप उपलब्ध गराएको सरकारी अधिकारीहरू बताउँछन् । चीनले गोप्य सम्झौता गरेर देशअनुसार फरक–फरक मूल्य र मात्रा उपलब्ध गराएको छ ।

अंग्रेजीमा विज्ञप्ति किन ?

स्वास्थ्य मन्त्रालयले अंग्रेजीमै किन विज्ञप्ति निकाल्यो भन्ने पनि प्रश्न उठेको छ । मन्त्रालयका सहप्रवक्ता अधिकारी भन्छन्, ‘अंग्रेजी पत्रिकाहरुमा यो विषय धेरै उठेकाले हो ।’ तर, मात्रा सार्वजनिक भएपछि खोप नदिने आशंकाले चीनलाई प्रष्ट पार्न मन्त्रालयले अंग्रेजीमा विज्ञप्ति जारी गरेको तर्क गर्छन् मन्त्रालयकै कर्मचारीहरू ।

प्रकाशित मिति: बिहीबार, असार ३, २०७८ २०:५४

शिलापत्र संवाददाता

प्रतिक्रिया दिनुहोस्

भर्खरै

वाईवाई चाउचाउ गणस्तरहीन, महानगरले गर्‍यो आर्थिक जरिवाना

जिल्ला भ्रमणमा भीआईपीहरूलाई अगुवा पछुवा उपलब्ध नगराउन गृह मन्त्रालयको निर्देशन

खडेरीले मकै सुक्न थालेपछि नारायणी लिफ्टबाट पानी छाडियो

देशका ९९२ स्थानमा डढेलो, नेता सत्ताको राेइलोमा, नागरिकको बिपत्तिमा छैन सहारा

युट्युब पत्रकारितामा आचार संहिता अनिवार्य छ : अध्यक्ष बस्नेत

लोकप्रिय

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

डेढ महिनामै प्रचण्डले भन्न थाले- उता अप्ठेरो भयो भनेर यता आइयाे, यता झन् टाल्नकै हैरान

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

२५ अर्ब किलोमिटर टाढाबाट आयो पृथ्वीमा सन्देश, उत्साहित भए नासाका वैज्ञानिक

इरान र इजरायलः कसको शक्ति कति ?

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

शिक्षा

बालेनको प्रयाससँगै काठमाडौंका सामुदायिक विद्यालयमा आकर्षण, गुणस्तर धान्न भने चुनौती

डीएभी विद्यालयमा राग र तालमिश्रित सांस्कृतिक कार्यक्रम ‘तरङ्ग’ सम्पन्न

दलका कार्यसमितिको विवरण माग्दै निर्वाचन आयोगलाई शिक्षा मन्त्रालयले पठायो पत्र