नेपालले ओमानलाई १५० रनले हरायाे

A+ A A-

नेपालले ओमनलाई १५० रनले पराजित गरेको छ । आजै भएको अर्को खेलमा तालिकाको शीर्ष स्थानमा रहेको यूएईले सिंगापुरलाई ९ विकेटले हराएको छ । सिंगापुरलाई हराएको युएई शीर्ष स्थानमा कामय छ भने नेपाल दोस्रो स्थानमा छ । अब नेपाल छनोट हुन अन्तिम खेलमा यूएई ओमानसँग पराजित हुने पर्ने हुन्छ भने नेपालले अन्तिम खेल जित्नु पर्ने हुन्छ । वर्षाको कारण यूएईसँगको खेल प्रभावित भई १ रनले पराजय बेहोर्नु परेपछि नेपालको छनोटको सम्भावना न्युन भएको हो ।

ओमानलाई सस्तोमा समेट्ने क्रममा पवन सर्राफले ३ विकेट लिए भने प्रतिस जीसी र सूर्य तामाङले २–२ विकेट लिए । कमलसिंह ऐरी, भीम सार्की र कुशल मल्लले १–१ विकेट लिए । ओमनाका ९ औ र १० औ नम्बरका व्याट्म्यान अर्पित सिराह र जील तनाले मात्र दोहोर अंकको रन बनाउन सके । दुवैले १३ – १३ रन बनाए भने जील नटआउट रहे ।

यस अघि टस हारेर ब्याटिङ गरेको नेपालले ओमानलाई २३० रनको विजयी लक्ष्य दिएको छ । नेपाल ४३.२ ओभरमा अलआउट भएको हो । नेपालका लागि कप्तान रोहितकुमार पौडेलले अर्धशतक पुरा गरे । उनले ८१ बलको मद्धतमा ७५ रन बनाएका थिए ।

सुरुवाति ब्याट्सम्यानहरु सस्तैमा गुमाएको नेपाल दवावमा आएको थियो । कप्तान पौडेलले सम्हालिएर खेलेपछि नेपालको इनिङ उकासिएको थियो । अर्का ब्याट्सम्यान भीम सार्की ३९ रनमा आउट भए भने आक्रामक ब्याटिङ गरेका प्रतिक जीसीले २३ बलमा ४१ रन बनाउन सफल भए ।

नेपालका लागि पवन सराफ ५ रन, सन्दीप जोरा ४, हरी चौहान २, कुशल मल्ल २, कमल सिंह ऐरी १ रन बनाएर आउट भएका थिए । सूर्य तामाङले ७ रन बनाएका थिए ।

ओमानका लागि मुजाहिर राजा, आजम अलि, सञ्जय रवीन्द्र र जिल तन्नाले २–२ विकेट बाँडेका थिए ।

यसअघिका तीन खेलमा दुईमा जित हात पारेका नेपाल युएईसँग भने पराजित भएको थियो । पहिलो खेलमा सिंगापुरलाई २१७ रन र तेस्रो खेलमा मलेसियालाई ८ विकेटले हराएको नेपाल दोस्रो खेलमा बर्षा बाधक बन्दा यूएईसँग डिएल मेथडका आधारमा १ रनले पराजित हुन पुगेको थियो ।

खेल तालिकाको दोस्रो स्थानको नेपालले ४ खेलबाट ६ अंक जोडेको छ ।