अस्ट्रेलियन कम्युनिस्ट पार्टीले भन्याेः विप्लवमाथिको प्रतिबन्ध फुकुवा गर

अस्ट्रेलियन कम्युनिस्ट पार्टीले भन्याेः विप्लवमाथिको प्रतिबन्ध फुकुवा गर

A+ A A-

अस्ट्रेलियाको कम्युनिस्ट पार्टीले नेपाल सरकारले विप्लवमाथि लगाएको प्रतिबन्ध फुकुवा गर्न माग गरेको छ । प्रधानमन्त्री केपी शर्मा ओलीलाई २७ मार्चमा एक पत्र लेख्दै अस्ट्रेलियन कम्युनिस्ट पार्टी (मार्किस्ट लेनिनिस्ट) ले नेत्रविक्रम चन्द विप्लवमाथिको प्रतिबन्ध फुकुवा गर्दै पक्राउ परेका विप्लवका सबै कार्यकता रिहा गर्न माग गरेको छ ।

पत्रमा उसले कम्युनिस्ट सरकारले नै सामाजिक विस्तारवाद र क्षेत्रीय दमनविरुद्ध लड्नेलाई कसरी प्रतिबन्ध लगाउन सक्छ भन्दै प्रश्न गरेको छ । बिस्तारवाद विरुद्ध लडेर सत्तामा पुगेको पार्टीले तिनै मुद्धालाई उठाएर आन्दोलन गर्दा दमन गर्न नहुने बताएको छ । उसले चन्द समूहसँग वार्ता र छलफलको माध्यमबाट समस्याको निकास निकाल्न आग्रह गरिएको छ ।

नेपाल सरकारले २८ फागुनमा चन्द नेतृत्वको विप्लवमाथि प्रतिबन्ध लगाएको थियो ।

सरकार भन्छः थाहा छैन
यसैबीच सरकारले भने उक्त व्यहोराको पत्र नआएको जनाएको छ । प्रधानमन्त्रीका प्रेसविज्ञ चेतन अधिकारीले अहिलेसम्म कुनैपनि अन्तर्राष्ट्रिय तहबाट सो व्यहोराको पत्र नआएको बताए । उनले त्यस्तो पत्र परराष्ट्र मन्त्रालय मार्फत आउनुपर्ने भन्दै परराष्ट्रले हालसम्म त्यस्तो व्यहोराको पत्र आएको जानकारी नगराएको बताए ।

त्यस्तै परराष्ट्र मन्त्रलायलेपनि त्यस्तो व्यहोराको पत्र हालसम्म नआएको बताए । परराष्ट्र मन्त्रालयले हालसम्म अष्ट्रेलियन कम्युनिष्ट पार्टीको कुनै पनि चिठी नआएको र इमेलमा समेत नआएको जानकारी दिएको छ । जबकी सार्वजनिक पत्रमा मिति २७ मार्च २०१९ उल्लेख गरिएको छ । १३ चैतमा लेखिएको पत्र परराष्ट्रलाई प्राप्त नभएपनि विप्लव नेतृत्वको नेकपाको विदेश विभागले आफ्नो इमेलमा सो पत्र पठाएको बताएको छ ।