सरकारले दिएको छुटको सामान अब घरमै आउंँछ, यसरी मगाउनुहोस्

A+ A A-

नेपाल सरकारको स्वामित्व रहेको खाद्य व्यवस्था तथा व्यापार कम्पनीले नयाँ कामको आरम्भ गरेको छ ।

निजी क्षेत्रबाट फाट्टफुट्ट रूपमा हुने गरेको होम डेलिभरी (घरमै पुर्‍याउने) काम भए पनि सरकारी क्षेत्रबाट भने पहिलो पटक हो ।

`खाद्य व्यवस्था तथा व्यापार कम्पनीले अनलाइन व्यापार सुरु गरेको छ । हाललाई काठमाडौं उपत्यकाको चक्रपथभित्र डेलिभरी गर्ने गरी सुरु गरिएको यो सेवालाई छिट्टै विस्तार गरिनेछ´, कम्पनीका अध्यक्षसमेत रहेका वाणिज्य सचिव डा. बैकुन्ठ अर्यालले भने ।

डेढ महिनाअघि उद्योग, वाणिज्य तथा आपूर्तिमन्त्री लेखराज भट्टले उपभोक्ताको घरघरमै सामान लिएर आउने प्रतिबद्वता गरेका थिए । यसबीचमा सरकारले कम्पनीबाट बिक्री गर्ने सामानमा १० प्रतिशत छुट दिने निर्णय गरेको थियो ।

तर, लकडाउनको समयमा उपभोक्ताको पहुँचसम्म थिएन कम्पनी । एकातिर बजारमा निस्कन समस्या र अर्कातर्फ अत्यधिक महँगो मूल्य तिर्नुपरेको अवस्थामा खाद्य कम्पनीले गरेको निर्णयले सहज हुने उपभोक्ता अधिकारकर्मी बताउँछन् ।

कम्पनीका नायव महाप्रबन्धक श्रीमणिराज खनालका अनुसार खाद्य कम्पनीमा इन्डक्सन चुह्लोबाहेकका सामान तुलनात्मक रूपमा माग कम थियो । `चुह्लोको माग बढी थियो तर अन्य खाद्यन्नको माग भने ठीकै थियो´, खनालले भने, `नयाँ प्रयोगले उपधोक्तालाई सहज भएको छ, अब माग बढ्ला ।´

कसरी गर्ने माग ?

सर्वप्रथम त तपाईंले नेपालफुडडटजीओभीडटएनपी लगइन गर्नुपर्नेछ ।