१२ वर्षीय बालकका लागि भारत–पाकिस्तानले सबै ‘प्रोटोकल’ तोडे

A+ A A-

जम्मु–काश्मिरबाट संविधानको अनुच्छेद (धारा) ३७० हटाएपछि शायद यस्तो दिन थिएन कि गोली हानाहान नभएको खबर नआएको । तर अघिल्लो हप्ता अटारी सीमामा भारत–पाकिस्तान दुवै देशका सरकारले एक १२ वर्षको बच्चाका लागि सबै प्रोटोकल तोडे । सबै दुश्मनी बिर्सिदिए ।

१२ वर्षीय पाकिस्तानी बालक साहिब शिराज मुटुको सर्जरीका लागि अघिल्लो महिना नोयडास्थित जेपी अस्पताल आएका थिए । साहीबको घर पाकिस्तानको कराँची हो । १८ फेब्रुअरीमा यी १२ बर्षे बालक आफ्ना आमाबुबाँंग नोएडा आएका थिए ।

२५ फेब्रुअरीमा उनको मुटुको सर्जरी भएको थियो । १६ मार्चसम्म उनले चेकजाँचका लागि अस्पतालमा नै बस्नु पर्‍याे । १८ मार्चमा उनलाई अस्पतालले छुट्टी दियो ।

अस्पतालबाट छुट्टी पाएपछि तीनै जना भारत–पाकिस्तानको सीमा अटारी पुगे । तर, सीमाबाट उनी आफ्नो घर कराँची पुग्नसक्ने अवस्था थिएन । यो बीचमा धेरै समस्या आए ।

साहिबका बुबा शिराज अरशदले सीमा पार गर्नका लागि भारतीय इमिग्रेसन अधिकारीसँग धेरै अनुरोध गरे । तर, सफल हुन सकेनन् । शिराजले भारतीय पत्रकारसँग आफ्नो समस्या सुनाए । उनले इमिग्रेसनका अधिकारीले उनको कुरा नसुनेको कुरा पत्रकारसँग भने, ‘सीमा पार गर्नका लागि मैले सरकारी कर्मचारीसँग सहयोग मागेँ । मैले आफ्नो छोराको मुटुको सर्जरी गरेको कुरा भनेँ । तर पनि उनीहरूले मेरो एक कुरा पनि मानेनन् । किनकि पाकिस्तानी कर्मचारीले ४० जना भारतीय महिलालाई भारत पठाउन मानेका थिएनन् ।’

अटारी सीमामा भएका भारतीय सुरक्षा अधिकारीले शिराजलाई पाकिस्तानको इमिग्रेसनका कर्मचारीसँग कुरा गर्न सुझाव दिए । तर, पाकिस्तानी कर्मचारीले पनि मानेनन् । यसैबीच कसरीकसरी शिराजले पाकिस्तानका एक पत्रकारसँग आफ्नो कुरा सुनाए । त्यसपछि पाकिस्तानी पत्रकारले अमृतसरका अर्का पत्रकार रविन्दर सिंह राविनसँग कुरा गरेर साहिब र उसको परिवारलाई सहयोग गर्न अनुरोध गरे ।

रविन्दर अटारी बोर्डर पुगे । तर, इमिग्रेसनका कर्मचारी त्यहाँबाट गइसकेका थिए । रविन्दरले साहिब र उनका आमाबुबालाई अमृतसर ल्याए । उनले तीनै जनालाई आफ्नो घरमा राखे । रविन्दरले साहिबको परिवारको सहयोगका लागि भारतीय अधिकारीसँग कुराकानी गरे । अर्कोतर्फ पाकिस्तानी पत्रकारले पनि पाकिस्तानका विदेश सचिव सोहल महमुदसँग कुरा गरेर साहिबका बारेमा बताए । त्यसपछि पाकिस्तानको विदेश मन्त्रालयले तुरुन्त दिल्लीस्थित पाकिस्तान उच्चआयोगलाई निर्देशन दियो कि उसले पाकिस्तानी परिवारलाई फिर्ता आउन तुरुन्त भारतीय अधिकारीसँग सम्पर्क गर्नू । पाकिस्तानी उच्चआयोगको अनुरोधमा भारतीय अधिकारीले सीमा पार गराउनको लागि साबीह र उसका आमाबुबाको लागि विशेष पास जारी गरे ।

भारतमा सबैले हामीलाई माया र सहयोग गरे

शिराज अरशदले भने, ‘बिहीबार राति १९ मार्च जब हामी रविन्दरको घर पुग्यौँ, भारतस्थित पाकिस्तानी उच्च आयोगबाट फोन आयो र भने, भोलि दिउँसो तपाईं अटारी बोर्डर पुग्नुस् । दोस्रो दिन जब हामी अटारी बर्डरमा पुग्यौँ, तब भारतीय कर्मचारीले हामीलाई सीमा पार गराए ।’

शिराजले समस्या परेको समयमा सहयोग गर्ने रविन्दर र भारतीय अधिकारीलाई धन्यवाद दिए । उनले भने, ‘हामी धेरै चिन्तित थियौँ । तर, भारतीय र पाकिस्तानी अधिकारीहरूको आपसी सहयोगका कारणले हामी आफ्नो घर पुग्न सफल भयौँ । म सबैलाई आभार प्रकट गर्छु । डाक्टर, प्यारामेकिल स्टाफ र अस्पताल प्रबन्धकले हामीसँग धेरै राम्रो व्यवहार गर्नुभयाे । हामी २० दिनसम्म भारतमा बस्यौँ । त्यहाँ सबैले हामीलाई माया गरे । सहयोग गरे । भारत एक महान् देश हो । उसले हाम्रो मन जित्यो ।’ (दैनिक भास्करबाट अनुवाद)

याे पनि...

महावीर पुनले बनाएको पीपीई डाक्टरले भोलि पाउने

डाक्टरले लगाउने पीपीई बनाउन महावीर पुनले पाए स्वीकृति

कोरोना जाँच गर्दा डाक्टरले लगाउने ‘पीपीई’ ड्रेस बनाउँदै महावीर पुन

घरबाटै बालबालिकालाई यसरी पढाउन सकिन्छ, यस्ता छन् पाठ्यसामग्री

कोरोना जोखिम : ७४ लाख बालबालिकालाई कसरी जोगाउने ?

डाक्टरले लगाउने पीपीई बनाउन महावीर पुनले पाए स्वीकृति

कोरोना जाँच गर्दा डाक्टरले लगाउने ‘पीपीई’ ड्रेस बनाउँदै महावीर पुन

टेकुका चिकित्सक जसले परिवार बिर्सेर कोरोना आशंकित मात्रै हेरिरहे

खाेकीका बिरामीले ४ वटा अस्पताल चहार्दा पनि पाएनन् उपचार

कोरोनासँग लड्न के खाने ? यी खानेकुराले बढाउँछ इम्युनिटी पावर

कोरोना जित्न यस्ता छन् मनोविद् डा. गंगा पाठकका सुझाव