आज दिनभर : पूर्वसचिवपत्नीको हत्या, बैंकहरूलाई समस्या

A+ A A-

आज २७ माघका नेपाली मिडियामा पूर्वसचिव अर्जुन कार्कीकी श्रीमती मुनाको हत्या प्रकरण प्राथमिकतामा पर्‍यो भने चीनमा रहेका नेपालीलाई नेपाल फर्काउने विषय पनि प्राथमिकतामा रह्यो ।

यसका अतिरिक्त ललिता निवास जग्गा प्रकरणले पनि आजका नेपाली मिडियामा प्रमुखता पाइरह्यो । बैंक, अपराध, खेलकुदका विषय पनि आजका नेपाली मिडियाका हेडलाइन बनेका छन् ।

...

नोवेल कोरोना भाइरसका कारण आइतबार मात्रै चीनमा ९७ जनाको मृत्यु भएको छ । चीनको राष्ट्रिय स्वास्थ्य आयोगका अनुसार योसँगै मृत्यु हुनेको संख्या ९ सय १० पुगेको छ ।

भाइरस संक्रमितको संख्या ४० हजार १ सय ७१ पुगेको आयोगले जनाएको छ ।

...

सरकारले कोरोना भाइरस फैलिएको चीनको हुवेइ प्रान्तबाट स्वदेश फर्कन चाहने नेपालीलाई ल्याउनका लागि राष्ट्रिय ध्वजाबाहक नेपाल वायु सेवा निगम (नेपाल एयरलाइन्स) को वाइड बडी ए–३३० जहाज चीन पठाउने तयारी गरेको छ ।

चीनमा कोरोनाको सम्भावित जोखिमबाट बच्नका लागि स्वदेश फर्कने नेपालीलाई जहाजमार्फत ल्याउने सम्बन्धमा आइतबार संस्कृति, पर्यटन तथा नागरिक उड्डयन मन्त्रालय र निगमका पदाधिकारीबीच छलफल भएको थियो ।

...

आफ्नै निवासमा गम्भीर घाइते अवस्थामा भेटिएकी पूर्वसचिव अर्जुन कार्कीकी श्रीमती मुनाको उपचारका क्रममा मृत्यु भएको छ । ललितपुरको सानेपास्थित निवासमा गम्भीर घाइते अवस्थामा भेटिएकी उनलाई उपचारका लागि स्टार अस्पताल लगिएको थियो ।

अस्पतालमा उपचारका क्रममा उनको मृत्यु भएको प्रहरीले जानकारी दिएको छ । सोमबार नै कार्कीको घरमा काम गर्ने विजय चौधरी पनि झुण्डिएको अवस्थामा मृत भेटिएका थिए ।

...

२२ माघ बुधबार पनि उनी कम्प्युटरमै थिए । लेखन र अध्ययनमै मग्न जोशी बाहिरी दुनियाँबारे बेखर थिए । यही साता लेखनको काम सक्नु थियो उनलाई ।

मोबाइलमा घण्टी बज्यो । ‘हेलो’ पनि भन्न नपाउँदै सुने, ‘तपाईंको नाम पनि अख्तियारले अदालतमा दर्ता गराएछ नि !’

...

पछिल्लो समय बैंकहरूमा देखिएको तरलता समस्या, बढ्दो प्रतिस्पर्धा, नियामक निकायका नयाँंनयांँ नीति निर्देशनहरू, वित्तीय अपराधजस्ता कारणले नेपालको बैंकिङ क्षेत्र दिन प्रतिदिन समस्याको भुमरीमा फस्दै गएको छ ।

यसका कारण बैंकिङ क्षेत्र दिन प्रतिदिन चुनौतीपूर्ण बन्दै आएको छ । बैंक तथा वित्तीय संस्थाहरूको संख्यात्मक वृद्धिसँगै बैंकिङ प्रणालीमा अस्वस्थ प्रतिस्पर्धा पनि बढ्दै गइरहेको देखिन्छ ।

...

कोरोना भाइरससँग जुधिरहेको चीनले रोकथामका लागि नयाँ–नयाँ उपाय अपनाइरहेको छ । चीनका अस्पतालहरूमा उपचार गराइरहेका बिरामीको खाना र औषधि राेबाेटको मद्दतबाट पुर्‍याउने काम भइरहेको छ । डाक्टर र सपोर्टिङ स्टाफलाई संक्रमण नहोस् भनेर चीनले राेबाेटलाई काम गराइरहेको छ ।

...

वैदेशिक रोजगारीमा पठाइदिन्छु भनी ठगी गर्ने एक व्यक्तिलाई प्रहरीले पक्राउ गरेको छ । महानगरीय अपराध नियन्त्रण महाशाखाको टोलीले सोलुखुम्बु घर भई भक्तपुरको लोकन्थली बस्ने बालकृष्ण कार्कीलाई पक्राउ गरेको हो ।

उनले कतार, माल्दिभ्सलगायतका देशमा पठाइदिन्छु भनी प्रलोभनमा पारेर ८ लाख लिएको खुल्न आएको छ । पैसा लिएर फरार भएका उनलाई पीडितको जाहेरी र सूचनाका आधारमा पक्राउ गरिएको महाशाखाका प्रमुख प्रहरी वरिष्ठ उपरीक्षक सहकुलबहादुर थापाले जानकारी दिए ।

...

गत आर्थिक वर्षदेखि सञ्चालनमा आएको यस कार्यक्रमका लागि ३ अर्ब १० करोड रूपैयाँ विनियोजन गरेको थियो । यस कार्यक्रमका लागि २ वर्षको अवधिमा ८ अर्ब ११ करोड खर्च गरे पनि उपलब्धि भने खासै नदेखिएको श्रमिकले गुनासो गर्न थालेका छन् ।

...

कोरियन भाषाको फिल्म ‘प्यारासाइट’ले बेस्ट फिचर फिल्मका लागि सन् २०२० को ओस्कार अवार्ड जितेर इतिहास रचेको छ । विदेशी भाषाको फिल्मले पहिलो पटक बेस्ट फिचर फिल्मको पुरस्कार जितेको हो ।

‘प्यारासाइट’ले ओरिजिनल स्क्रीनप्लेको ओस्कार पनि पायो । पुरस्कारको घोषणापछि फिल्मका निर्देशक बोंग जून–होले भने, ‘म निःशब्द छु ।’

प्रकाशित मिति: सोमबार, माघ २७, २०७६ १७:४१