शीतलनिवासमा राष्ट्रपति पौडेल र कतारका अमिरबीच भेटवार्ता, पौडेलले भने- साझा चासोका मुद्दामा सहकार्य गरौँ

शीतलनिवासमा राष्ट्रपति पौडेल र कतारका अमिरबीच भेटवार्ता, पौडेलले भने- साझा चासोका मुद्दामा सहकार्य गरौँ

राष्ट्रपति रामचन्द्र पौडेल र कतारका अमिर (राजा) शेख तमिम विन हमाद अल थानी शीतलनिवासमा ।

A+ A A-

राष्ट्रपति रामचन्द्र पौडेल र कतारका अमिर (राजा) शेख तमिम विन हमाद अल थानीबीच भेटवार्ता भएको छ ।

मंगलबार साँझ शीतलनिवासमा भएको भेटवार्तामा राष्ट्रपति पौडेलले जलवायु परिवर्तनबाट पृथ्वीलाई सुरक्षित राख्ने, हिमाललाई जोगाउने, पानीको स्रोत बचाउने र वातावरण सन्तुलन राख्ने जस्तो साझा चासोको मुद्दामा सहकार्यका लागि कतारलाई आग्रह गरेका छन् ।

'आजको विश्वको साझा समस्या भनेकै जलवायु परिवर्तनबाट हाम्रो पृथ्वीलाई कसरी सुरक्षित राख्ने, हाम्रो हिमाललाई कसरी जोगाउने, पानीको स्रोत कसरी बचाउने र वातावरण सन्तुलन कसरी राख्ने भन्ने नै हो । यसमा सबैको सहकार्य हुन जरुरी छ, यो मानव अस्तित्वको विषय छ, विशेषगरी विकसित मुलुकहरू यस विषयमा बढी गम्भीर हुनुपर्छ भन्ने म ठान्दछु,' राष्ट्रपति पौडेलको भनाइ उदृत गर्दै उनका प्रेस सल्लाहकार किरण पोखरेलले भने ।

Ramchandra and amir Meet1713875817.jpg

उनका अनुसार राष्ट्रपति पौडेलले मध्यपूर्वी क्षेत्रमा देखिएको द्वन्द्वको वातावरणले चिन्तित बनाएको बताएका थिए । राष्ट्रपति पौडेलले युद्धको अन्त्य र शान्तिको पुनर्स्थापनाको कामना गर्दै कतारले शान्ति स्थापनाका लागि खेल्दै आएको भूमिकाको प्रशंसा गरेका थिए ।

त्यस्तै, कतारका अमिरले जलवायु परिवर्तनको असरले विश्व नै समस्यामा परेको र यसको न्यूनीकरणसम्बन्धी सम्झौताको सबै मिलेर पालना गरे राम्रो परिणाम आउने र सबैका लागि सुखद वातावरण तयार हुने बताएका थिए । कतारका अमिरले नेपालसँग अझ राम्रो सम्बन्ध स्थापित गरेर सहयोगका थप क्षेत्र पहिचानका लागि यो भ्रमण उपलब्धिमूलक हुने विश्वास व्यक्त गरे ।

अमिरले कतारको विकासमा नेपालीहरूको ठूलो योगदान रहेकोमा त्यसको प्रशंसा गर्दै आभार प्रकट गरेका थिए । उनले दुई देशबीच बुधबार हुने समझदारी तथा सम्झौताबाट नेपालमा रहेका जलस्रोत, कृषि, पर्यटनजस्ता क्षेत्रमा लगानीको नयाँ सम्भावना बढाउन सकिने विश्वास व्यक्त गरे ।

amir sign1713875871.jpg

नेपाल र कतारबीच सधैँ सुमधुर सम्बन्ध रहेको बताउँदै राष्ट्रपति पौडेलले मित्रता आपसी सम्मान, विश्वास र सद्भावमा आधारित रहेको बताएका थिए । राष्ट्रपति पौडेलले ऐतिहासिक भ्रमणले नेपाल र कतारको सम्बन्धलाई नयाँ उचाइमा पुर्‍याएको बताए । राष्ट्रपति पौडेलले अमिरको दुरदर्शी नेतृत्वमा कतारले गरेको दिगो विकास र समृद्धि देखेर धेरै खुसी लागेको बताउँदै मुलुकलाई एक उच्च विकसित राष्ट्र बनाउने अमिरको दीर्घकालीन सोच र दृढ अठोटको प्रशंसा गरेका थिए ।

भेटवार्तामा राष्ट्रपति पौडेलसँगै उपप्रधानमन्त्री एवम् परराष्ट्रमन्त्री नारायणकाजी श्रेष्ठ, ऊर्जा तथा जलस्रोतमन्त्री शक्ति बस्नेत, परराष्ट्र सचिव सेवा लम्साल, राष्ट्रपति कार्यालयका सचिव डिल्लीराम शर्मा, प्रमुख स्वकीय सचिवसहित राष्ट्रपतिका विज्ञ एवम् सल्लाहकार सहभागी थिए ।

राष्ट्रपति पौडेलको मैत्रीपूर्ण निमन्त्रणामा कतारका अमिर दुई दिने राजकीय भ्रमणका लागि नेपाल आइपुगेका हुन् । यसअघि राष्ट्रपति पौडेलले कतारका अमिरलाई त्रिभुवन विमानस्थलमा स्वागत गरेका थिए । कतारका अमिरको यो पहिलो नेपाल भ्रमण हो । कतारका अमिर थानी आजै साँझ राष्ट्रपति पौडेलले सोल्टी होटेलमा आयोजना गर्ने रात्रिभोजमा सरिक हुनेछन् ।

यी पनि :

काठमाडाैं आइपुगे कतारका राजा, राष्ट्रपति पौडेलले गरे स्वागत (तस्वीरहरू)

जीवन गुजार्न माछा मार्ने र मोती खोज्ने तन्नम देश कतार कसरी बन्यो संसारकै धनी ? (भिडियो)

कतारका राजाको स्वागतमा सिँगारियो काठमाडौं (तस्वीरहरू)

यस्ता छन् नेपाल र कतारबीच अहिलेसम्म भएका महत्त्वपूर्ण सम्झौताहरू

कतारी राजाको नेपाल भ्रमण: भैरहवा–कतार हवाई उडान सम्झौताका लागि पहल गर्न आग्रह

प्रकाशित मिति: मंगलबार, वैशाख ११, २०८१ १७:१२

शिलापत्र संवाददाता

प्रतिक्रिया दिनुहोस्

भर्खरै

विशेषाधिकार बहस : सदनको अवहेलनामा के हुन्छ कारबाही ?

रास्वपा सचिवालय बैठककाे निष्कर्ष– इलामका जनताले हाम्रै घण्टी बजाइदिए

केपी ओलीलाई शेखर काेइरालाकाे प्रस्ताव– पहिले तपाईं प्रधानमन्त्री हुनुस्, त्यसपछि मलाई बनाउनुस्

जब विदेशबाट फर्किंदा बाल्यकालको साथी ट्याक्सी ड्राइभर बनेर लिन आउँछ...(भिडियो)

विश्वकप खेल्ने टाेलीकाे बिदाइ समाराेहमा सन्दीप पुगेपछि...(तस्वीरहरू)

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?