गाजा 'विनाशको चरणमा छ' भन्दै यूएन महासचिवले प्रयोग गरे विशेष अधिकार

संयुक्त राष्ट्र संघका महासचिव एन्टोनियो गुटेरेस । तस्वीरः सुशील श्रेष्ठ/शिलापत्र

A+ A A-

युद्धग्रस्त गाजामा तत्कालै युद्ध विरामबारे सुरक्षा परिषदमा भोटिङ चलिरहेका बेला संयुक्त राष्ट्र संघका महासचिव एन्टोनियो गुटेरेसले गाजा विनाशको चरणमा पुगिसकेको बताएका छन् ।

उनले मानवीय त्रासदीका कारण गाजाको जनसंख्या नै संकटमा परेको बताएका हुन् । गाजामा सार्वजनिक सुविधा र व्यवस्थाहरू पूर्ण तहस-नहस हुने र मानवीय सहायता ठप्प हुने खतरा देखिएकाले आफूले यूएनको आर्टिकल ९९ को प्रयोग गरेको पनि उनले बताए ।

यो पनि..

त्यो पुरानो सूत्र, जसले समाप्त गर्न सक्छ इजरायल-प्यालेस्टाइन दुस्मनी

उनले इजिप्टमा सामूहिक पलायनको खतराप्रति पनि ध्यानाकर्षण गराए । गाजा युद्ध अन्तर्राष्ट्रिय सुरक्षा र शान्तिका लागि पनि खतरा बनेको महासचिव गुटेरेसको भनाइ छ ।

उनले भने, ‘गाजामा संयुक्त राष्ट्र संघका कर्मचारीहरूको सुरक्षामाथि नै अभूतपूर्व खतरा छ । हाम्रा १ सय ३० कर्मचारी पहिल्यै मारिइसकेका छन्, जसमा कतिपय त सम्पूर्ण परिवारसहित मारिएका छन् ।’

उनले संयुक्त राष्ट्र संघको इतिहासमा कुनै एक युद्धका क्रममा कहिल्यै यति कर्मचारी नमारिएको पनि बताए ।

महासचिव गुटेरेसले हमासको आक्रमणको प्रतिउत्तरमा प्यालेस्टाइनी मानिसमाथि सामूहिक सजाय दिनुलाई कहिल्यै पनि सही भन्न नसकिने बताए ।

गाजा युद्धबारे अरुन्धती रोयको लेखः

गाजामाथिको घेराबन्दी मानवताविरुद्धको अपराध हो

बिना सुरक्षा मानिसहरूलाई गाजामा जान भनिए पनि त्यहाँ सुरक्षित कुनै ठाउँ नरहेको दाबी पनि उनले गरे ।

यूएन आर्टिकल ९९ लागू गरिनुलाई अभूतपूर्व मानिएको छ । किनकि बितेका केही दशकमा कुनै पनि संयुक्त राष्ट्र संघ महासचिवले यो अधिकारको प्रयोग गरेका थिएनन् ।

यसैबीच अमेरिकाले गाजामा तत्काल युद्धविराम गर्ने राष्ट्र संघको प्रस्तावलाई भिटो गरिदिएको छ । १३ दिशले यसको पक्षमा मतदान गरेका छन् भने बेलायत अनुपस्थित रह्यो ।

यो पनि..