'नेपाल नेक्स्ट सुपर किड्स मोडल' प्रतियोगितामा प्राइम ग्लोबल स्कुलले जित्यो सर्वाधिक अवार्ड

'नेपाल नेक्स्ट सुपर किड्स मोडल' प्रतियोगितामा प्राइम ग्लोबल स्कुलले जित्यो सर्वाधिक अवार्ड

A+ A A-

एभरेस्ट इभेन्टको आयोजनामा यही भदौ ९ गते भएको 'नेपाल नेक्स्ट सुपर किड्स मोडल' प्रतियोगितामा प्राइम ग्लोबल स्कुलले सर्वाधिक अवार्ड जित्न सफल भएको छ ।

विद्यार्थीहरूको उच्च मनोबल कायम राख्नका लागि गरिएको उक्त कार्यक्रमको एनप्लस प्रोफेसन ब्युटी प्रोडक्ट टाइटल स्पोन्सर रहेको थियो । कार्यक्रममा प्राइम ग्लोबल स्कुल खुसिबुँ नयाँ बजारका सात जना विद्यार्थीहरूको सहभागिता रहेको थियो ।

सानै उमेरदेखि नै हरेक विधामा आत्मविश्वास बढाएर अगाडि बढाउँदै लैजाने उद्देश्यले तय गरिएको उक्त कार्यक्रममा सहभागी टिमलाई एक महिनासम्म तालिमको व्यवस्था गरिएको थियो । कार्यक्रमको फाइनलमा छात्रातर्फबाट अर्गनाइजर्स ब्वाइस अवार्डका साथमा मोस्ट पपुलर वितर अफ सिनियर किड्स सुपर मोडल ओजस्वी अधिकारीले बाजी मारेकी छिन् ।

यस्तैगरी जुनियर, किड्स सुपर मोडलतर्फ प्राञ्जली कँडेलले विजेताका साथसाथै मोस्ट कन्फिडेन्ट उपाधि हासिल गर्न सफल भएकी छिन् । त्यस्तै, जुनियर किड्स सुपर मोडलतर्फ ब्रान्ड एम्बेस्डर एवं मस्त इताजिलेटेड उपाधि श्रीषा रोनियारले जित्न सफल भएकी छिन् ।

त्यसैगरी, प्राज्ना महर्जनले सेकेण्ड रनर अपसँगसँगै मस्ट डिसिप्लिनको अवार्ड जित्न सफल भएकी छिन् । लगातार अवार्डको वर्षा भइरहने क्रममा समिका महर्जनले मिस ग्लोइङ स्किनका साथमा अर्गनाइजर्स ब्वाइस उपाधि जित्न सफल भइन् ।

प्राइम ग्लोबल स्कुलकै छात्रतर्फबाट प्रसन्न श्रेष्ठले मल्टिमिडिया अवार्ड, बेस्ट पर्सनालिटी र सेकेण्ड रनरअप उपाधि हात पार्न सफल भए भने सदृश पाठकले लिटिल प्रिन्स, मोस्ट हेन्डसमका साथै अर्गनाइजर्स ब्वाइस अवार्ड जित्न सफल भए ।