२३ वाणिज्य बैंकको प्रतिफलः चार्टर्डमा भन्दा सिभिलकाे सेयरमा बढी लाभ

A+ A A-

पछिल्लो समय हतोत्साही देखिएको नेपाली सेयर बजारका सूचिकृत कम्पनीहरूमध्ये वाणिज्य बैंकहरूमा लगानीको उपयुक्त अवसर देखिएको छ । गतवर्षको नाफाबाट बैंकहरूले लाभांश वितरण गर्ने समय नजिकिएको र सेयर मूल्य निकै कम भएकाले लगानीको राम्रो मौका देखिएको हो ।

बैंकहरूले गतवर्षको नाफासमेत जोडेर कति प्रतिफल दिन सक्लान् भन्ने जानकारी यहाँ क्लिक गरेर लिन सकिन्छ । सोही अनुमानित प्रतिफललाई आधार मानेर बैंकहरूको हिजो (३० भदौ) को न्यूनतम सेयर मूल्यका आधारमा उनीहरूले लाभांश वितरण गर्ने समयसम्मको प्रतिफल (इल्ड) निकालिएको हो ।

बैंकहरूले आगामी पुस मसान्तसम्ममा वार्षिक साधारणसभा गरिसक्नुपर्ने कानूनी व्यवस्था छ । सो व्यवस्थाअनुसार सबै बैंकले वार्षिक साधारणसभा गरेर लाभांश वितरण गरेमा अवको ४ महिनाभित्रमा लाभांश प्राप्त गर्न सकिन्छ ।

अबको ४ महिनाभित्रमा लाभांश प्राप्त गर्नु भनेको एक वर्ष लगानी गरेर पाउने प्रतिफलको एकतिहाइ मात्रै हो । अर्थात् कुनै कम्पनीमा ४ महिना लगानी गरेर ५ प्रतिशत प्रतिफल पाइन्छ भने वार्षिक सोही अनुपातमा प्रतिफल पाउँदा सो प्रतिफल १५ प्रतिशत हुन आउँछ । सोही आधारमा माथिको तालिकामा वार्षिक प्रतिफल निकालिएको हो ।

तर, सूचिकृत कम्पनीहरूले वार्षिक साधारणसभा गरेर प्रतिफल वितरण गरेपछि उसको सेयर मूल्य समायोजन हुने गर्छ । समायोजन भनेको एक प्रकारले कम मूल्यमा सूचिकृत हुने नै हो । त्यसले ३० भदौको न्यूनतम मूल्य (जसका आधारमा वार्षिक प्रतिफल निकालिएको छ) घट्न सक्छ ।

बैंक	सेयर मूल्य	सम्भावित लाभांश	४ महिनाभित्र पाइने प्रतिफल (इल्ड)	बार्षिक प्रतिफल
कृषि विकास	४०८	३३.११	८.११	२४.३३
बिओके	२४९	१७	६.८३	२०.४८
सेन्चुरी	१५४	६.३६	४.१२	१२.३६
सिटिजन्स	२१६
सिभिल	१४१	६.९६	४.९४	१४.८२
एभरेस्ट	५४६	२७.१९	४.९८	१४.९४
हिमालयन	४९५	२३.७४	४.७८	१४.३४
कुमारी	१७७
लक्ष्मी	२०८	१२.९६	६.२३	१८.६९
माछापुच्छ्रे	२४२	१६	६.६१	१९.८३
मेगा	१८८	१३.०७	६.९५	२०.८५
नबिल	७४२	३५.७४	४.८२	१४.४६
एनबी	२०५	११.७४	५.७३	१७.१९
नेपाल बैंक	३०७	३५.१८	११.४६	३४.३८
एनसीसी	१९१	१७.०९	८.९५	२६.८५
इन्भेस्टमेन्ट	४२८	१०.८१	२.५३	७.५९
एसबिआई	४१०	१८.९०	४.६	१३.८
एनआईसी एसिया	३७७
प्रभु	२५५	१९.५०	७.६५	२२.९५
प्राइम	२५६	१७.१८	६.७१	२०.१३
सानिमा	३४५	२१.०५	६.१	१८.३
सिद्धार्थ	३०४	२५.२६	८.३	२४.९२
चार्टर्ड	५४५	२२.५०	४.१३	१२.३९
सनराईज	२२०	१३.७१	६.२३	१८.६९

बैंकहरूले यस वर्ष वितरण गर्ने सम्भावित लाभांशलाई विश्लेषण गर्दा स्ट्याण्डर्ड चार्टर्ड बैंक नेपालको सेयरमा भन्दा सिभिल बैंकको सेयरमा लगानी गर्नेले बढी प्रतिफल पाउने देखिन्छ । नेपाल इन्भेष्टमेन्टको सेयरमा लगानी गर्दा यो वर्ष सबैभन्दा कम प्रतिफल पाउने अवस्था तथ्यांकले देखाएको छ । सबैभन्दा बढी प्रतिफल भने नेपाल बैंकको सेयरमा लगानी गर्नेले पाउन सक्छन् ।

तालिकामा उल्लेख भएका एनआईसी एशिया बैंक, सिटिजन्स बैंक इन्टरनेसनल र कुमारी बैंकको बुक क्लोज भइसकेकाले विश्लेषणको आवश्यकता देखिँदैन ।

सम्बन्धित थप सामग्री

नबिलले दिन सक्छ ३५ प्रतिशत लाभांश, अरु बैंकले कति देलान् ?

प्रकाशित मिति: बुधबार, असोज १, २०७६ ०२:०४