क्यानको प्रस्टीकरण- कर्णालीमा हवाई उडान प्रतिबन्ध पूर्वाग्रह राखेर गरिएको होइन

क्यानको प्रस्टीकरण- कर्णालीमा हवाई उडान प्रतिबन्ध पूर्वाग्रह राखेर गरिएको होइन

A+ A A-

नेपाल नागरिक उड्‌डयन प्राधिकरण (क्यान) ले कर्णालीमा मनसुन अवधिका लागि प्रतिबन्ध लगाएको हवाई उडान पूर्वाग्रह राखेर नगरेको बताएको छ ।

प्राधिकरणले दुर्गम वा पहाडी क्षेत्रका विमानस्थलमा मौसम बिग्रेर हेलिकोप्टर वा जहाज पहाडमा ठोक्किएर धेरै दुर्घटना भएकाले हवाई सुरक्षा नीति अनुसार मनसुन अवधिभरका लागि प्रतिबन्ध लगाएको स्पष्ट पारेको हो । प्राधिकरणले कर्णालीका विमानस्थलमा पूर्णरूपमा हवाई उडान प्रतिबन्ध लगाएको नभएर बढी हावा चल्ने समय १२ बजेपछि उडान गर्न नदिएको जानकारी दिएको छ ।

प्राधिकरणका सूचना अधिकारी ज्ञानेन्द्र भुलले दुर्गम वा पहाडी क्षेत्रका विमानस्थलमा मौसम बिग्रेर हेलिकोप्टर वा जहाज पहाडमा ठोकिएर धेरै दुर्घटना हुने गरेकाले दुर्घटना न्यूनीकरण गर्न यस्तो निर्णय गरेको बताए । उनले विमानस्थलहरूलाई आइएफआर नबनाउँदासम्म मनसुन अवधिमा तोकेको अवधिमा मात्रै उडान गर्ने साउन १९ गते प्राधिकरणले निर्णय गरेको बताए ।

यो पनि : कर्णालीमा नियमित जहाज उडाइदिन गुहार माग्दै प्रदेश सरकार

उनले जल तथा मौसम विज्ञान विभागको अध्ययन र विमानस्थल निर्देशिका २०७९ अनुसार बिहानको समय उडान भर्ने र अन्य समयमा उडान गर्दा साँझ हुँदा पाइलटहरूलाई काठमाडौं,नेपालगञ्ज फर्कन हतार हुने र हतारमा उडानको सुरक्षा कमी हुने गरेको बताए । उनले मनाङ एयरको विमान दुर्घटना भएपछि प्राधिकरणले सधैँका लागि नभई मनसुन अवधिभरका लागि मात्रै बन्द गरिएको बताए । उनले भिएफआर उडान हुने पहाडी क्षेत्रका विमानस्थलहरू तत्काल आइएफआर गर्ने सम्भवना नभएको बताए ।

सूचना अधिकारी भुलले कर्णालीमा उडानका लागि बिहान कहिलेकाहीँ मौसम बिग्रेर उडान नहुने र धेरै पानी परेकाले गर्दा प्राधिकरणले तोकेको समयमा उडान नहुँदा समस्या भएको बताए । उनले प्राधिकरणले पुरानो नियमलाई सुरक्षाको लागि जतिबेला मन लाग्यो त्यतिबेला उडान गर्न पाउने भएकाले निर्णय गरेको बताए । उनले दुर्घटनाको देश भनेर विश्वले चिन्ने अवस्था आएको भन्दै हवाई उडानबाट मान्छेहरू मर्न नपरोस् भनेर जनताको सुरक्षाका लागि भनेर उडान बन्द गरेको दाबी गरे ।

यो पनि : कर्णालीका विमानस्थल : जहाज कुर्दाकुर्दै बिरामीको ज्यान जान्छ, प्राधिकरणको नियमले झन समस्या

उनले नेपालको पर्यटन क्षेत्रमा ठूलो योगदान हवाई क्षेत्रको रहेको त्यो पनि हिमाली उडानको भएको बताए । उनले माउन्टेन उडानलाई नेपालले विश्वमा बद्‌नाम हुनबाट जोगाउन हवाई दुर्घटना न्यूनीकरण गर्न आवश्यक रहेको बताए । उनले हवाई दुर्घटना न्यूनीकरणका लागि भिएफआर र आइएफआरका नियमहरू कडाइका साथ लागू गर्न आवश्यक रहेको बताए ।

उड्डयन प्राधिकरणले साढे १२ बजेपछि नियमित यात्रु चार्टर्ड उडान र कार्गो उडामा बन्देज लगाउने निर्णय गत साउन १९ गते गरेको थियो । उक्त निर्णयका कारण एक सातादेखि कर्णाली क्षेत्रमा हवाई सेवा ठप्प छन् । अस्पतालले रिफर गरेर पनि हवाई जहाज र हेलिकोप्टर नजाँदा हुम्लामा ४ बालबालिकाको मृत्युसमेत भएको छ ।

यो पनि :

जहाजको पर्खाइमा चार बालकले ज्यान गुमाए

उड्डयन प्राधिकरणको निर्णय फिर्ता नभएसम्म कर्णालीको संसद चल्न नदिने एमालेको अडान

यातायात व्यवसायीको सिन्डिकेटले सर्वसाधारणको विचल्ली बनाउँदा निरीह बनेको प्रशासन

प्रकाशित मिति: बिहीबार, साउन ३२, २०८० १४:२५