पार्टी एकता अब छिट्टै पूरा हुन्छःप्रचण्ड

A+ A A-

नेकपा अध्यक्ष पुष्पकमल दाहाल प्रचण्डले पार्टी एकता केही दिनमा टुंगिने बताएका छन् । उनले भने अब पार्टी एकताको काम छिट्टै सकिने छ । यसको लागि धेरै काम भएको छ ।

सरकारको बारेमा बोल्दै उनले भने ‘हाम्रो सरकारले जति गर्नुपथ्र्यो त्यति गर्न सकेको छैन, अर्को पंचायत हटाएर बहुदल र राणा गएर पंचायत आए जस्तो होइन । यो सिस्टमको परिवर्तन हो । राज्य व्यवस्थाको परिवर्तन हो । यसको लागि समय लाग्छ । हामी लागिरहेका छाैं ।’

प्रचण्डले सुदूरपश्चिम पार्टी कमिटीको प्रशिक्षणमा बोल्दै भने ‘यो सरकारले वृद्ध भत्ता नदिनु गल्ती भएको छ ।’ आउदो आर्थिक वर्षमा वृद्ध भत्ता दिने भन्दै अध्यक्ष प्रचण्डले आशिष दिँदै भोट दिनेकाे कुरा पूरा नहुँदा उनीहरूकाे मनमा के भएको होला आफैंले बुझ्नु पर्ने बताए ।

‘केही मानिसहरूले यो सरकारको बदनाम गरिरहेका छन्’ उनले भने ‘सरकारको बदनाम गरेर रमाउनेहरू सक्रिय रहेका छन् ।’ कम्युनिष्टहरूको एकता मन नपराएकाहरूले विभाजन गर्न लागेको उनले बताए । उनले यसमा कसैको नाम भने लिएनन् । तर त्यो समूह यो एकतालाई सहयोग गर्न लागि परेको बताए ।

उनले विज्ञान प्रविधि पनि पूँजीपतिको हातमा भएकाले उनीहरूकै पक्षामा लाग्ने उनकाे भनाइ छ ।

विभाजनको इतिहास पढेर शिक्षा लिएर एकता गरेको प्रचण्डकाे भनाइ छ । यसका लागि कार्यकर्ता, जनता र नेताहरूले सहयोग गरेको बताए । नेतृत्वको संकल्पका कारण एकता संभव भएको र यो कामले विश्व कम्युनिष्ट आन्दोलनको लागि शिक्षा लिनु पर्ने बताए । देशमा राजनीतिक अन्यौलता आउने समय थियो । अराजकता बढ्ने संभावना बढेको समयमा पार्टी एकता गरेका हौं ।

हिजो कांग्रेस र राजाको जस्तो व्यवहार हामीले सुदूरपश्चिमलाई नगर्ने बताए । उनले भने ‘जसरी राजा र कांग्रेसले सुदूरपश्चिमलाई हेरेको थियो त्यसरी यो सरकारले नहेर्ने बताए ।’ नेकपाको सुदूरपश्चिम प्रदेश कमिटीको प्रशिक्षण कार्यक्रम आज प्रदेश नम्बर सातको राजधानी धनगढीमा भएको हो ।

प्रकाशित मिति: बिहीबार, फागुन ९, २०७५ ०३:१३