पक्राउ पर्ने डरले खरिद गरेको ६ करोडको घर छाडेर रिसोर्टमा बस्न थालेका थिए पाण्डे, यसरी परे प्रहरी फन्दामा

पक्राउ पर्ने डरले खरिद गरेको ६ करोडको घर छाडेर रिसोर्टमा बस्न थालेका थिए पाण्डे, यसरी परे प्रहरी फन्दामा

A+ A A-

काठामाडौं प्रहरी परिसरले बुधबार नक्कली भुटानी शरणार्थी प्रकरणमा मुछिएका गृह मन्त्रालयका पूर्वसचिव टेकनारायण पाण्डेलाई पक्राउ गर्‍यो । हाल उपराष्ट्रपति कार्यालयमा कार्यरत सचिव पाण्डेलाई काठमाडौं प्रहरीको विशेष टोलीले काठमाडाैंको पेप्सीकोलाबाट बुधबार बिहानै पक्राउ गरेको हो ।

नेपालीलाई नक्कली भुटानी शरणर्थी बनाएर अमेरिका पठाउने भन्दै ठगी प्रकरणमा हालसम्म पक्राउ परेका पाण्डे उच्चतहका कर्मचारी हुन् । यसअघि सोमबार परिसर काठमाडौंको टोलीले पूर्वगृहमन्त्री रामबहादुर थापा बादलका सुरक्षा सल्लाहाकार इन्द्रजित राईलाईसमेत पक्राउ गरेकाे थियाे ।

यसअघि प्रहरीले सो प्रकरणमा जोडिएका मोरङ पथरीका केशवप्रसाद दुलाल, ललितपुर महालक्ष्मी–४ का सानु भण्डारी र पाँचथर फिदिमका टंककुमार गुरुङ, मोरङ पथरी–१० का सागर राई र दाङका सन्देश शर्मा पोखरले पक्राउ गरेको थियो ।

उनीहरूमाथि प्रहरीले संगठित ठगी मुद्दामा अनुसन्धान अघि बढाएको थियो । पक्राउ परेकाहरूको बयानको आधारमा प्रहरीको अनुसन्धान सचिवसम्म पुगेको हो । आफूहरूलाई भुटानीको नाममा अमेरिका पुर्‍याउने भन्दै ठगी गरेको भन्दै हालसम्म प्रहरीमा एक सय ५० जनाले जाहेरी दिएका छन् ।

प्रहरीको अनुसन्धानबाट उनीहरूले ५ सय जना नेपालीहरूलाई नक्कली भुटानी शरणार्थीका नाममा परिचयपत्र बनाएर करिब १ अर्ब रुपैयाँ ठगी गरेको जनाएको दाबी गरेको छ । पाण्डे गृहसचिव हुँदा गृहमन्त्रीमा कांग्रेस नेता बालकृष्ण खाँण थिए । खाँणको समूहलाई समेत प्रभावमा पारेर ठगी गर्ने गिरोहले ठगी गरेको प्रहरीको दाबी छ ।

भुटानी शरणार्थीसम्बन्धी समस्याको स्थायी समाधान पहिल्याउन सरकारी कार्यदलले तयार पारेको गोप्य प्रतिवेदनमा नक्कली अनुसूची घुसाउँदै नेपालीलाई शरणार्थी बनाएको खुलेको थियो ।

उक्त प्रतिवेदन गृह मन्त्रालयका पूर्वसहसचिव बालकृष्ण पन्थीको संयोजकत्वमा गठित समितिले २०७६ सालमा तयार पारेको थियो ।

कार्यदलमा गणेशबहादुर केसी विज्ञ सदस्यका रूपमा थिए भने गृह मन्त्रालयकै शाखा अधिकृत दीपकप्रसाद न्यौपाने सदस्यसचिव थिए । सरकारले तीन महिनाको समयसीमा तोकेर गठन भएको कार्यदलले २०७६ असारमा गृह मन्त्रालयमा प्रतिवेदन बुझाएको थियो ।

उक्त प्रतिवेदन अझै सार्वजनिक छैन । तर, ठगी गर्ने गिरोहले त्यही प्रतिवेदन हात पारेर नेपालीलाई नक्कली शरणार्थी बनाएको प्रहरीको दाबी छ ।

यसरी पक्राउ परे सचिव पाण्डे

सचिव पाण्डेलाई अदालतबाट पक्राउ गर्ने अनुमति प्रहरीले मंगलबार नै पाएको थियो । पक्राउ पुर्जी पाएलगत्तै प्रहरी पाण्डेको खोजीमा लागेको थियो ।

तर, पाण्डेले आफूविरुद्ध अदालतले पक्राउ पुर्जी जारी भएको सूचना पाए लगत्तै उनी काठमाडाैं पेस्सिकोलास्थित आफ्नो घर छोडेर भक्तपुर साँगास्थित आशापुरी रिसोर्टमा बस्न पुगेका थिए । मंगलबार राति नै प्रहरीले पक्राउ गर्ने भयले उनी घर छाडेर भागेका थिए । बुधबार प्रहरीले पाण्डेलाई सोही रिसोर्टबाट पक्राउ गरेको हो ।

पाण्डे बा६च८०९१ नम्बरको पुरानो कलेजी रंगको कार लिएर घरबाट निस्केका थिए । सोही कारसहित प्रहरीले पाण्डेलाई पक्राउ गरेको हो ।

पाण्डेमाथि प्रहरीलाई थुनामा राखेर अनुसन्धान गर्न जिल्ला अदालत काठमाडौं पहिलो पटकलाई तीन दिनको म्याद दिएको छ । प्रहरीले पाण्डेलाई प्रहरी वृत्त सिंह दरबारको थुनामा राखेर अनुसन्धान अघि बढाएको छ । पाण्डेले पक्राउ पर्नुअघि आफ्नाे माेबाइल फर्म्याट गरेका थिए ।

पाण्डे २७ साउन २०७८ देखि २ असोज २०७९ सम्म गृह मन्त्रालयका सचिव थिए ।

६ करोडको घर

नेपाली कांग्रेसका नेता बालकृष्ण खाँण गृहमन्त्री हुँदा उनी गृहसचिव थिए । लामो समय शिक्षा मन्त्रालय कार्यरत पाण्डे खाँणकै जोडबलमा गृहसचिव भएर गृहमन्त्रालय प्रवेश गरेका हुन् ।

प्रहरीको अनुसन्धानले उनी गृहसचिव भएको ६ महिनामै काठमाडाैं पेप्सिकोलामा ६ करोडको घर खरिद गरेको थिए । पाण्डेको गृहसचिवहुँदा अकुत सम्मत्ति जोडेको दाबी गरेको छ ।

प्रहरी स्रोतका अनुसार हाल प्रहरी थुनामा रहेका ललितपुर महालक्ष्मी–४ का सानु भण्डारीले पाण्डेसहित इन्द्रजित राईसम्म करोडौँ रकम बुझाएको बयान प्रहरीलाई दिएका थिए ।

सोमबार पक्राउ परेका राई र भण्डारीबीच सोही विषयमा काठमाडौं प्रहरी परिसरको थुना कक्षमै मुक्कामुक्कीसमेत भएको प्रहरी स्रोतका भनाइ छ । राईले समेत ललितपुरको थेचोमा घर किन्दा ठगी गरेर आएको एक करोड रकम खर्च गरेको बयान प्रहरीलाई दिएका छन् ।

सो प्रकरणमा प्रहरीले एमाले सचिव टोपबहादुर रायमाझीसहित उनका छोरा सन्दीप र इन्द्रजितका छोराविरुद्ध समेत पक्राउ पुर्जी लिएको छ ।

सम्बन्धित समाचार

प्रकाशित मिति: बुधबार, वैशाख २०, २०८० १९:२०

कृष्णसिंह लाेथ्याल

प्रतिक्रिया दिनुहोस्

भर्खरै

कतारका राजाको स्वागतमा सिँगारियो काठमाडौं (तस्वीरहरू)

लगानी सम्मेलनका लागि लगानी बोर्डले तयार पार्‍यो १४८ वटा परियोजनासम्बन्धी प्रस्ताव

कर्णाली सरकारको थैलीमै थन्कियो १५ अर्बभन्दा बढीको विकास बजेट

बुटवल उपमहानगरले तयार पार्‍यो मुख्य ४ भाषामा नागरिक बडापत्र

बझाङका एमाले उम्मेदवार भण्डारीलाई पितृशोक

लोकप्रिय

महानगरको कडाइपछि धमाधम विदेशी नाम फेर्दै निजी विद्यालय, कसले के राखे ?

डेढ महिनामै प्रचण्डले भन्न थाले- उता अप्ठेरो भयो भनेर यता आइयाे, यता झन् टाल्नकै हैरान

सत्ता गठबन्धनमा भूकम्प ल्याएर माधव नेपाल कोटेश्वरमा फिल्म सुटिङ गर्दै

इरान र इजरायलः कसको शक्ति कति ?

गठबन्धनमा गडबडीः सुदूरपश्चिममा एमालेले दीर्घ सोडारीलाई मुख्यमन्त्री नस्वीकार्ने

विचार

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

काखे छोरा लिएर रोजीको बिलौना– युक्रेन युद्धमा श्रीमान् मारिए, पुष्टि गरिदेऊ सरकार

ब्लग

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

सोध्नुस् त, एसईई दिएर बसेका तपाईंका छोराछोरी के सोच्दै छन् ?

शिक्षा

कोहलपुरमा आठ कक्षाको परीक्षामा अनियमितताः शाखा प्रमुखसहित दर्जन बढी कारबाहीमा

शिक्षामन्त्री सुमनाले थाहा पाऊन्- नि:शुल्क शिक्षा ऐनले यसरी बनाउँदै छ नागरिकलाई ‘बेसहारा’

सर्लाहीमा आठ हजारभन्दा बढी बालबालिका अझै विद्यालय बाहिर