नेपालमा विमान दुर्घटनाबारे क्याप्टेन केबी लिम्बू: 'फेर्नुपर्ने सामान भन्सारमा अड्केको छ भन्दै जहाज उडाइन्छ'

नेपालमा विमान दुर्घटनाबारे क्याप्टेन केबी लिम्बू: 'फेर्नुपर्ने सामान भन्सारमा अड्केको छ भन्दै जहाज उडाइन्छ'

A+ A A-

गत १८ जेठमा आइतबारकै दिन पोखराबाट जोमसोम उडेको तारा एयरको ट्वीनअटर जहाज मुस्ताङको सरेभिरमा दुर्घटना हुँदा १९ यात्रु र ३ क्रु मेम्बरसहित २२ जनाले ज्यान गुमाए । आज (आइतबार) फेरि ४ क्रु मेम्बरसहित ७२ जना सवार यती एयरलाइन्सकाे जहाज पाेखरामा दुर्घटनाग्रस्त भएकाे छ । यसरी सुन्न नचाहँदा नचाहँदै पनि हामीले नेपालमा विमान दुर्घटना भएका खबर सुन्नुपर्छ । कम्पनीकाे कमजाेरी हाेस् वा सरकारी हेलचेक्र्याइँले गर्दा हुने विमान दुर्घटनामा धेरैले ज्यान गुमाउनुपरिरहेकाे छ । यसरी बारम्बार हुने विमान दुर्घटनाको कारण प्राविधिक मात्र नभएर नीतिगत कमजोरी पनि रहेको मत राख्नेमध्ये एक हुन् वरिष्ठ क्याप्टेन केबी लिम्बू ।

लिम्बूसित १३ हजार ५ सय घण्टा जहाज उडाएकाे अनुभव छ । यसै अवधिमा साढे ५ हजार घण्टा ट्वीनअटर विमान उडाएका थिए । क्याप्टेन लिम्बू नेपाल वायुसेवा निगमका पूर्वमहानिर्देशक पनि हुन् । पाेखरा-जाेमसाेम रूटमा समेत विमान उडाइसकेका लिम्बूसित गत १८ जेठमा शिलापत्रका नवराज कुँवरले हामीकहाँ चलिरहेका विमान अनि अनुगमन गर्ने संयन्त्रमा केन्द्रित रहेर कुराकानी गरेका थिए । सोही संवादका क्रममा उनले भनेका केही विषयलाई पुनः प्रकाशित गरिएकाे छ ।

०००

नीतिगत भ्रष्टाचार

जुनै क्षेत्रमा पनि मुख्य समस्या एउटै हुन्छ । त्यसबाट अरू दर्जनौँ, सयौँ, हजारौँ समस्या उब्जिन्छन् । नेपाली हवाई क्षेत्रको मूल समस्या सरकारी पक्षको लापर्वाह कार्यशैली हो भन्ने लाग्छ । नीति, कानुन मात्र भएर पर्याप्त हुँदैन, यसको कार्यान्वयन पक्ष चुस्त, पारदर्शी र निष्पक्ष हुनुपर्छ । हवाई, उड्डयन क्षेत्रमा नीतिगत भ्रष्टाचार छ । सबै त म भन्दिनँ तर अधिकांश सरकारी अधिकारीले इमानदार भएर काम गरिदिँदैनन् । जसलाई अनुगमनमा पठाइयो, उसैले बेइमानी गरिदिन्छ । अनुगमन गर्नेकाे अनुगमन कसैले गर्दैन ।

याे पनि..

आङै सिरिङ्ग हुने संसारका ७ विमान दुर्घटना

कम्पनीकाे कमजाेरी अनि सरकारकाे हेलचेक्र्याइँ

एभिएसनको सर्कल सानो छ । जहाजको पार्टपूर्जाहरू कति घण्टामा फेर्ने भन्ने कुरा नीतिगत रूपमै प्रस्ट छ । पार्टपुर्जाको मिति जहाज बनाउने कम्पनीले नै तोकिदिएको हुन्छ । जहाजको समान विदेशबट ल्याउनुपर्ने हुन्छ । तर, हाम्रो भन्सारमा धेरै समस्या छ । जहाजको सामान भनिसकेपछि जतिसक्दो छिटो काम गरिदिनुपर्ने हो । तर, लफडा निकालिन्छ । पार्टपुर्जा भन्सारमै अड्किन्छ । अनि यता एयरलाइन्सवालाहरूले हाम्रो समान भन्सारमा आइसकेको छ, दुई/चार दिन पर्खिदिनुपर्‍यो भन्छन् तर जहाज उडाइरहेका हुन्छन् । अनि यही दुई/चार दिन यात्रुले ज्यानको बाजी लाउनुपर्ने हुन सक्छ । दुर्घटना भएपछि छानबिन गरिन्छ । रिपोर्ट आउँछ, पाइलटहरूलाई नै सर्कुलर गरिँदैन । यसको अर्थ के हो भने, समस्या पहिल्याइन्छ तर पाठ सिकेको पाइँदैन ।

हामी सुध्रिनुपर्ने ठाउँ

पहिलो कुरा भएका कमजोरी, दुर्घटना र क्षतिबाट पाठ सिक्नुपर्‍यो । यसका लागि पाइलट, इन्जिनियर, एयर ट्राफिक कन्ट्रोलका लाइसेन्सधारी सबैलाई समयसापेक्ष तालिम दिनुपर्छ । हामीकहाँ ट्वीनअटरको तालिम जहाजमै गराइन्छ तर सिमुलेटर (डमी जहाज)मा गराउनु राम्रो हुन्छ ।

नीति, नियम बनाएर मात्र हुँदैन । यसको कार्यान्वयन र अनुगमन चुस्त हुनुपर्छ । हवाई सेवाको क्षेत्रमा कसैले स्वार्थलाई केन्द्रबिन्दु बनाउनु भएन । कमिसन, भ्रष्टाचार रोकिनुपर्‍यो ।

हाम्रो हवाई क्षेत्रको सबैभन्दा ठूलो समस्या भनेको नीतिगत भ्रष्टाचार हो । यसले गर्दा पनि अनुगमन प्रभावकारी भएको छैन । कम्तीमा अहिलेका लागि अनुगमन गर्नेहरूमाथि पनि अनुगमन हुनुपर्छ । जहाजका प्राविधिक पक्षमाथि सेवा प्रदायकले विशेष चनाखो हुनुपर्‍यो । राज्यले खेलाँची गर्नुभएन । कम्युनिकेसन टुट्ने क्षेत्रमा तुरुन्तै उपचार गर्नुपर्‍यो ।

प्रकाशित मिति: आइतबार, माघ १, २०७९ १३:००

शिलापत्र संवाददाता

प्रतिक्रिया दिनुहोस्

भर्खरै

शिक्षकले राजनीति नगरौँ : माओवादी नेता पोखरेल

प्रचण्ड गर्मीले पश्चिम तराईकाे जनजीवन कष्टकर

जनमतले प्रचण्डलाई विश्वासकाे मत दिएपछि मधेशमा नयाँ समीकरणकाे खाका स्पष्ट, जसपा नेपाललाई विस्थापित गर्दै जनमत

‘प्रतिभा डबली’ मा नशिव आचार्यको प्रस्तुति पहिलो

ललितपुरको कुमारीपाटीमा राइटपाथले भोलि ‘ग्रान्ड एजुकेसन कन्क्लेभ’ गर्ने

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

को हो गौशाला २६ ?

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

इन्जिनियरको कौशल: आफू जन्मे-हुर्केको ४५ वर्ष पुरानो घरमा क्याफे

विचार

पत्रकारिता र विचारको लडाइँ

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

ललितपुरको कुमारीपाटीमा राइटपाथले भोलि ‘ग्रान्ड एजुकेसन कन्क्लेभ’ गर्ने

बेनी नगरपालिकाले सुरु गर्‍यो ‘हामी सक्छौँ, हामी गर्छौं’ कार्यक्रम

विद्यार्थीविहीन विद्यालयमा चार शिक्षक