९ सय ५५ वटा 'प्यासेन्जर' गाडीको जाँच एवं मर्मत गर्दै सकियो टाटाको मेगा सर्भिस क्याम्प

९ सय ५५ वटा 'प्यासेन्जर' गाडीको जाँच एवं मर्मत गर्दै सकियो टाटाको मेगा सर्भिस क्याम्प

A+ A A-

टाटा मोटर्सको नेपालस्थित आधिकारिक बिक्रेता सिप्रदी ट्रेडिङले सञ्चालन गरेको 'मेगा सर्भिस क्याम्प' बुधबार सम्पन्न भएको छ । १२ वटा विभिन्न ग्राहक सेवा केन्द्रहरूमा आयोजित मेगा सर्भिस क्याम्प टाटाका ९ सय ५५ वटा 'प्यासेन्जर' श्रेणीका गाडीहरूको अत्यन्त प्रभावकारी ढंगले जाँच एवं मर्मत सम्भार गरेर सम्पन्न भएको हो ।

कम्पनीले १२ वटा ग्राहक सेवा केन्द्रहरूमध्ये तीनवटा काठमाडौं उपत्यका (बागडोल, बालकुमारी र सोल्टीमोड) र बाँकी नौवटा उपत्यकाबाहिर (पोखरा, इटहरी, मेची, वीरगंज, ढल्केबर, हेटौँडा, सर्रा, धनगढी, नेपालगंज) 'मेगा सर्भिस क्याम्प' सञ्चालन गरेको थियो ।

क्याम्पमा १ हजार ५ सय ३३ सवारीधनी तथा सम्बन्धित प्रतिनिधिहरूको सहभागिता थियो । क्याम्पमा सावारी जाँच गराउँदा गाडीधनीहरूले विभिन्न आकर्षक छुट एवं अन्य सुविधाहरु प्राप्त गरेका थिए । त्यस्तै, म्याक लुब्रिकेन्ट, एक्साइड ब्याट्री र स्पेयर पार्ट्सको खरिदमा क्रमश : १८, १५ र १८ प्रतिशत छुटलगायत टप वासिङ, कम्प्युटर डायग्नोसिस, सस्पेन्सन चेक-अप, ब्याट्री र इलेक्ट्रिकल चेक-अपको सुविधा पनि नि: शुल्क प्रदान गरिएको थियो । यसका अतिरिक्त क्याम्पमा सञ्जीवनी इन्जिन प्याकेजअन्तर्गतको ४ हजार नगद फिर्ताको पनि व्यवस्था थियो ।

'हाल नेपालमा टाटाका प्यासेन्जर श्रेणीका गाडीहरू बजार द्रुत गतिमा भइरहेको छ । यसै सन्दर्भमा यस्ता गाडीधनीहरूलाई उत्कृष्ट तवरले सेवा प्रदान गर्ने मुख्य उद्देश्यसहित मेगा सर्भिस क्याम्पको आयोजना गरिएको थियो, ' सिप्रदी ट्रेडिङका कस्टमर केयर प्रमुख कुमारी भण्डारी भन्छिन्, 'यो क्याम्पमा हामीले साँच्चै नै अपेक्षाभन्दा पनि बढी ग्राहकहरूको सहभागिता रह्यो । यसले कम्पनीलाई भविष्यमा अझ उत्कृष्टभन्दा उत्कृष्ट सेवा /सुविधा प्रदान गर्ने प्रेरणा मिलेको छ ।'

प्रकाशित मिति: बुधबार, पुस १३, २०७९ १५:५१