सिप्रदी ट्रेडिङका १२ वटा ग्राहक सेवा केन्द्रमा 'मेगा सर्भिस क्याम्प' सुरु

A+ A A-

टाटा मोटर्सको नेपालस्थित आधिकारिक विक्रेता सिप्रदी ट्रेडिङले सोमबारदेखि 'मेगा सर्भिस क्याम्प' सुरु गरेको छ । कम्पनीले आफ्ना १२ वटा विभिन्न ग्राहक सेवा केन्द्रहरूमा सर्भिस क्याम्प सञ्चालन गरेको हो ।

कम्पनीका ग्राहक सेवा केन्द्रहरूहरूमध्ये तीनवटा काठमाडौं उपत्यकाका बागडोल, बालकुमारी र सोल्टीमोड र बाँकी नौवटा उपत्यकाबाहिरका स्थानहरू पोखरा, इटहरी, मेची, वीट्रगंज, ढल्केवर, हेटौँडा, सर्रा, धनगढी र नेपालगंजमा 'मेगा सर्भिस क्याम्प' सञ्चालन गरिएको कम्पनीले जनाएको छ ।

मेगा सर्भिस क्याम्पको उद्घाटन ललितपुरस्थित बागडोलमा आयोजित एक समारोहबीच टाटाअन्तर्गतको इन्टरनेसनल बिजनेसका (प्यासेन्जर भेहिकल) प्रमुख मायांक बल्दी, सिप्रदी ट्रेडिङका सीईओ राजनबाबु श्रेष्ठ, टाटाका कन्ट्री म्यानेजर (नेपाल एवं भुटान) अजीतनारायण सिंह, सिप्रदीका सीओओ राजेशप्रसाद गिरी र सिप्रदीका उपाध्यक्ष सौरभराज थपलियाले संयुक्त रूपमा ग रेका हुन् ।

कम्पनीका अनुसार तीन दिनसम्म सञ्चालन हुने सो क्याम्पमा टाटाका 'प्यासेन्जर' श्रेणीका गाडीहरूको अत्यन्त प्रभावकारी ढंगले जाँच गरिनेछ । यस्तो जाँच गराउँदा गाडीधनीहरूले विभिन्न आकर्षक छुट एवं अन्य सुविधाहरू पनि प्राप्त गर्ने बताइएको छ ।

क्याम्पमा म्याक लुब्रिकेन्ट, एक्साइड ब्याट्री र स्पेयर पार्ट्सको खरिदमा क्रमश: १८, १५ र १८ प्रतिशत छुटलगायत टप वासिङ, कम्प्युटर डायग्नोसिस, सस्पेन्सन चेक-अप, ब्याट्री र इलेक्ट्रिकल चेक-अपको सुविधा पनि नि:शुल्क प्रदान गरिनेछ ।

त्यस्तै, क्याम्पमा सञ्जीवनी इन्जिन प्याकेजअन्तर्गतको ४ हजार नगद फिर्ताको व्यवस्था पनि गरिएको छ । हाल नेपालमा टाटाका प्यासेन्जर श्रेणीका गाडीहरू बजार विस्तार द्रुत गतिमा भइरहेकाले ती गाडीहरूका ग्राहकहरूलाई उत्कृष्टभन्दा उत्कृष्ट तवरले सेवा प्रदान गर्ने उद्देश्यले 'मेगा सर्भिस क्याम्प' आयोजना गरिएकव कम्पनीले जनाएको छ । क्याम्पमा ग्राहकहरुको उत्साहजनक सहभागिता रहने कम्पनीको विश्वास छ ।

प्रकाशित मिति: सोमबार, पुस ११, २०७९ १३:४९