स्पष्टीकरणमा आयोग र प्रचण्डको सवालजवाफ, आक्रोशित प्रचण्ड भन्छन्– माइक्रोस्कोपले हेरियो, सुरक्षा ‘थ्रेट’ भयो

स्पष्टीकरणमा आयोग र प्रचण्डको सवालजवाफ, आक्रोशित प्रचण्ड भन्छन्– माइक्रोस्कोपले हेरियो, सुरक्षा ‘थ्रेट’ भयो

A+ A A-

नेकपा माओवादी केन्द्रका अध्यक्ष पुष्पकमल दाहालले बिहीबार गोरखा काठमाडौं सम्पर्क समन्वय समितिको कार्यक्रममा भने, ‘मलाई माइक्रोस्कोप लगाएर हेरिएको छ । प्रचण्ड कहाँकहाँ जान्छ, केके गर्छ, कता पाइन्छ भनेर खोजिन्छ । चुनौती भयो, सुरक्षा थ्रेट भयो ।’ प्रचण्डको यो अभिव्यक्ति निर्वाचन आयोगलक्षित थियो ।

२३ असोजमा उम्मेदवारी दर्ता गर्न जाँदा प्रचण्डले आचारसंहिताविपरीत पञ्चेबाजा बजाएर गएको भन्दै आयोगले २६ असोजमा स्पष्टीकरण सोधेको थियो । स्पष्टीकरणको जवाफ चित्तबुझ्दो नभएपछि आयोगले प्रमुख जिल्ला अधिकारी र मुख्य निर्वाचन अधिकृतलाई बाजा बजाएको हो होइन ? तीन दिनभित्र लिखित प्रतिवेदन पेस गर्न आदेश दिएको थियो ।

आयोगको उक्त आदेशप्रति अध्यक्ष प्रचण्डले चित्त दुखाएका हुन् । ‘पञ्चेबाजा बझ्छ भन्ने थाहै थिएन । तलबाट जाँदा देखेँ । जनता स्व:स्फूर्त आए । बडो रमाइलो भयो । तर, निर्वाचन आयोगले स्पष्टीकरण सोध्यो । मलाई सबै थाहा भएन, मनोनयन गर्दा २५ जना गएको हो भनेर जवाफ दिएँ । स्पष्टीकरण चित्तबुझ्दो भएन रे । बाजा कहाँबाट आएको हो, अनुसन्धान गर्न निर्देशन दिएको छ,’ प्रचण्डले आयोगप्रति आक्रोश पोखे ।

तर, पञ्चेबाजा बजाएको भिडियो प्रचण्डकै फेसबुक पेजबाट सार्वजनिक भएको थियो । प्रचण्डले आफूमाथि थप चुनौती थपिएको कार्यकर्तालाई सुनाए । ‘जनयुद्ध सुरु गर्दा गोरखालाई चुनौती थियो । फेरि अर्को क्रान्ति गर्दा गोरखालाई नै चुनौती थपिएको छ,’ उनले भने ।

आयोगले प्रचण्डलाई माइक्रोस्कोप लगाएर हेरिरहेको हो त ? आचारसंहिता अनुगमन समितिका संयोजकसमेत रहेका आयुक्त रामप्रसाद भण्डारी भन्छन्, ‘हामी बहादुर भवनमा छौँ । तपाईंले हामीलाई माइक्रोस्कोप लगाएर हेर्नुभएको छ ? हाम्रो लागि प्रधानमन्त्रीदेखि सबै उम्मेदवार बराबर हो । बहादुर भवनबाट सबै उम्मेदवारलाई एउटै नजरले हेरिरहेका छौँ ।’

तर, आयोग यसपटक आचारसंहिता उल्लंघन गर्नेलाई तथ्य र प्रमाणका आधारमा दण्ड जरिवाना लगाउने तयारीमा छ । दण्ड र जरिवानाको ढोका आयोगले खोलिसकेको छ । यसको उदाहरण हो– काठमाडौ महानगरपालिका– १६ का वडाध्यक्ष मुकुन्द रिजाल । उनलाई आयोगले ५ हजार जरिवाना लगाएको छ ।

आचारसंहिताविपरीत जनप्रतिनिधिले आफ्नो क्षेत्रको उम्मेदवारको प्रचारप्रसार गरेको भन्दै आयोगले जरिवाना लगाएको हो । आचारसंहिता उल्लंघनको पहिलो कारबाहीमा उनी परे ।

तर, उनी आफूले उल्लंघन नगरेको बताउँछन् । ‘मानवअधिकारमाथि कुण्ठित भयो । कारबाहीको पत्र पाएको छैन । पत्र पाएपछि जरिवाना के गर्ने भन्ने निर्णय गर्छु,’ उनले भने । काठमाडौं महानगर काठमाडौं क्षेत्र नम्बर ७ को क मा पर्छ । मैले ख मा प्रचार गरेको हो । म कांग्रेसको क्षेत्रीय सभापति हुँ ।’ जनप्रतिनिधिले आफ्नोबाहेक अर्को क्षेत्रमा सरकारी स्रोत साधनको प्रयोग नगरी प्रचारप्रसार गर्न पाइन्छ । उनले प्रचारप्रसार गरेको भिडोयो आफ्नै फेसबुक पेजबाट सार्वजनिक गरेपछि आयोगले कारबाही गरेको हो ।

प्रमुख आयुक्त दिनेश थपलिया आचारसंहिता उल्लंघनको सत्यतथ्य प्रमाण पुगेकालाई कारबाही गर्ने बताउँछन् । ‘तथ्य पुगेकोमा कारबाहीको चरणमा छौँ । आयोग नचुकोस् भनेर तथ्य र प्रमाण नपुगेको ठाउँमा थप प्रमाण जुटाउँदैछौँ । देख्ने गरी दण्ड जरिवाना हुन्छ,’ उनले भने ।

१६ कात्तिकसम्म आयोगले ७१ व्यक्ति/संघसंस्थालाई स्पष्टीकरण सोधेको छ । त्यसमध्ये १२ वटाजतिको तथ्य र प्रमाण भेटिएकाले दण्ड जरिवाना लगाउने आयोगको तयारी छ । आचारसंहिता उल्लंघनमा उम्मेदवारी खारेजीदेखि १ लाखसम्म जरिवाना आयोगले लगाउन सक्ने कानुनी व्यवस्था छ ।

सम्बन्धित समाचार

प्रकाशित मिति: शुक्रबार, कात्तिक १८, २०७९ १८:४८

दिनेश गौतम

प्रतिक्रिया दिनुहोस्

भर्खरै

‘विप्रेषण विकासको दीर्घकालीन माध्यम होइन’

पर्यटकीयस्थल रारामा प्लास्टिकजन्य वस्तु छोड्न नपाइने

संवैधानिक आयोगहरूमा सचिवस्तरका कर्मचारी पठाउन सक्ने अवस्था छैनः मन्त्री जोशी

प्रतिपक्षले वेल घेरिरहँदा किन जुरुक्कै उठे ओलीसहित एमाले सांसदहरू ?

एसको अध्यक्षमा भिड्ने झलनाथ खनालको तयारी, माधव नेपाल महाधिवेशन सार्ने रणनीतिमा

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

विचार

दिगो विकासको आधारः शिक्षा व्यवस्था र विश्वदृष्टिकोण

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

ब्लग

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

शिक्षा

दिगो विकासको आधारः शिक्षा व्यवस्था र विश्वदृष्टिकोण

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित