हेर्नुहोस्, शिलापत्रमा यस साताका चर्चित चार भिडियाे

A+ A A-

शिलापत्र मल्टिमिडियाले यस साता दर्शकमाझ समाचार, विश्लेषण तथा संवादका दर्जनौँ भिडियो ल्यायो । तीमध्ये चर्चित चार भिडियो हामी तपाईंलाई एकसाथ देखाउँदैछौँ । शिलापत्रमा आएका यी भिडियाे सामग्री तपाईंले आफ्नो रुचिअनुसार हेर्न सक्नुहुनेछ । खासगरी एक साताभित्र १ लाखभन्दा बढीपल्ट हेरिएका भिडियो यसमा समावेश गरेका छौँ । आउनोस्, ती चर्चित भिडियो कुन-कुन हुन् हेरौँ :

०००

उत्तर कोरिया अक्सर चर्चामा आइरहने देश हो । तर, ऊ चर्चामा आउनुको कारण प्राय: एउटै हुन्छ, मिसाइल परीक्षण । मिसाइल परीक्षणकै क्रममा गत साता त उत्तर कोरिया र उसको छिमेकी दक्षिण कोरियाबीच तनावको स्थिति बन्यो, किन ?

यसबारे शिलापत्रको भिडियो सामग्री:

तिखो, टर्रो र व्यङ्ग्यात्मक अभिव्यक्तिका कारण मिडियामा छाइरहने नेता हुन्, केपी ओली । केही क्षेत्रमा बाहेक सत्ता गठबन्धनविरुद्ध एमालेलाई एक्लै चुनावी मैदानमा उतारेका उनी अहिले पार्टीका लागि भोट मागिरहेका छन् । यही क्रममा गत साता उनले एमालेलाई १ सय ५० सिट दिए देशमा स्थिरता हुने तर्क गरे । अन्यथा देश अस्थिरतातिर धकेलिने उनको चेतावनी थियो ।

हेर्नुहोस् पूरा भिडियोः

४ मंसिरमा हुने प्रदेश र प्रतिनिधिसभा चुनावको सरगर्मी बढेको छ । खासगरी शीर्ष नेता उठेका निर्वाचन क्षेत्रतिर धेरैको चासाे हुन्छ । तीमध्ये एक हो, रुपन्देही- २ । यहाँ एमाले उपाध्यक्ष विष्णु पौडेल पनि उम्मेदवार छन् ।

बलियो मानिएका प्रतिस्पर्धी नेकपा एसका राजु गुरुङको उम्मेदवारी खारेज भएसँगै पाैडेल 'कम्फोर्ट जोन'मा रहेको ठानियाे । तर, सत्ता गठबन्धनले राष्ट्रिय जनमुक्ति पार्टीका केशवबहादुर थापालाई समर्थन गरेपछि पौडेल चुनौतीरहित रहन सकेनन् । गठबन्धनले समर्थन गरेका थापालाई हराएर पौडेल पाँचौँपल्ट संसद्‌मा आउन सक्लान् ? वा पौडेललाई रोकेर थापाले संसद्‌को बाटो तताऊलान् ?

पूरा भिडियो हेर्नुहोस्ः

जिम्मेवार निकायले इमानपूर्वक काम गर्न सकेन भने के हुन्छ ?

यसको सायद एउटै जवाफ हुन्छ- क्षति ।

गत साता भारतमा यस्तै भयो । गुजरातमा पुनर्निर्माणका क्रममा रहेका झोलुङ्गे पुल भत्केर डेढ सयभन्दा धेरै मानिसले ज्यान गुमाए । १ सय ४३ वर्ष पुरानो पुल जीर्ण बनेपछि पुनर्निर्माणका लागि बन्द गरिएको थियो । तर, तिहारको अवसरमा सर्वसाधारणका लागि खुला गरियो ।

पुलको क्षमता केवल सय जना मानिसलाई थाम्ने मात्र थियो । तर, रेखदेख गर्ने निकायले ध्यान नदिँदा पुलमा एकसाथ ४ सयभन्दा बढी मानिस चढिदिए । यो भार थाम्न नसकेर पुल भत्कियो र ती सबै मानिस नदीमा खसे ।

हेर्नुहाेस्, यसरी भत्केकाे थियाे पुल:

शिलापत्रका यस्तै समाचार, विश्लेषण र संवादमूलक भिडियोहरू हेर्न यहाँ क्लिक गर्नुहोस् ।

प्रकाशित मिति: शनिबार, कात्तिक १९, २०७९ ०८:२२