माओवादी केन्द्रको ल्यायो घोषणापत्रः संविधान कार्यान्वयनसँगै संशोधनमा जोड (पूर्ण पाठ)

माओवादी केन्द्रको ल्यायो घोषणापत्रः संविधान कार्यान्वयनसँगै संशोधनमा जोड (पूर्ण पाठ)

A+ A A-

नेकपा माओवादी केन्द्रले संविधानको प्रभावकारी कार्यान्वयनमा जोड दिएको छ ।

पार्टी कार्यालय पेरिसडाँडामा सोमबार सार्वजनिक घोषणापत्रमा माओवादी केन्द्रले संविधानको प्रभावकारी कार्यान्वयनसँगै थप परिमार्जन गर्नुपर्नेमा जोड दिएको छ ।

‘नयाँ प्रकारको मौलिक लोकतन्त्रका रूपमा स्थापित ऐतिहासिक राजनीतिक परिवर्तन, सङ्घीय लोकतान्त्रिक गणतन्त्र, धर्मनिरपेक्षता, समानुपातिक समावेशी प्रतिनिधित्व, समाजवादउन्मुख लोकतन्त्र र संविधानका उपलब्धिहरूको रक्षा गर्नु र वर्तमान लोकतन्त्र र संविधानको प्रभावकारी कार्यान्वयन र सकारात्मक अभ्यास गर्दै थप परिमार्जन गर्नु अर्को महत्वपूर्ण कार्यभार हो,’ घोषणापत्रमा भनिएको छ ।

माओवादी केन्द्रले परम्परागत संसदीय गणतन्त्र र औपचारिक पुँजीवादी लोकतन्त्रमा सीमित पार्ने खतरा भएकोप्रति सचेत हुँदै वर्तमान परिवर्तन र संविधानका उपलब्धिहरूको रक्षासँगै सुदृढीकरणमा पनि जोड दिएको छ । माओवादी केन्द्रले समाजवादउन्मुख समृद्धि हासिल गर्नुलाई तत्कालको मूल कार्यभार बनाउँदै र समाजवादको आधार तयार पार्दैसमाजवाद स्थापनाको लक्ष्य पूरा गरिने पनि उल्लेख गरेको छ ।

‘नेपालमा समाजवादको स्थापना हाम्रो रणनीतिक लक्ष्य एवम् कार्यभार हो। हाम्रा सबै नीति, कार्यक्रम र आचरण २१ औँ शताब्दीअनुरूपको समाजवादी नेपाल निर्माण गर्नमा नै अभिमुख हुनेछ । समाजवाद उन्मुख समृद्धि हासिल गर्नुलाई तत्कालको मूल कार्यभार बनाउँदै र समाजवादको आधार तयार पार्दै अन्ततः समाजवाद स्थापनाको लक्ष्य पूरा गरिने छ,’ घोषणापत्रमा भनिएको छ ।