राप्रपाको संकल्प: बरु नष्ट हुन्छौँ, भ्रष्ट हुँदैनौँ (घोषणापत्रको पूर्णपाठ)

A+ A A-

राष्ट्रिय प्रजातन्त्र पार्टी (राप्रपा) ले भ्रष्टाचारविरुद्ध कठोर हुने नीति अवलम्बन गर्ने भएको छ ।

सोमबार राप्रपाले सार्वजनिक गरेको चुनावी घोषणापत्रमा भ्रष्टाचारविरुद्ध कठोर हुने उल्लेख छ । राप्रपाले बरु नष्ट हुने भ्रष्ट नहुने प्रतिबद्धता पनि घोषणापत्रमा गरेको छ ।

राप्रपाले उच्चस्तरीय नागरिक आयोग गठन गरी २०४६ पछिका उच्चपदस्थ नेता तथा कर्मचारीहरूको सम्पत्ति छानबिन गरी अवैध सम्पत्ति जफत गर्ने कानुनी व्यवस्था गर्ने प्रतिबद्धता घोषणापत्रमा समावेश गरेको छ । यसैगरी, उसले भ्रष्टाचारमुक्त, जवाफदेही तथा पारदर्शी शासन पद्दति व्यवहारमा लागू गर्ने पनि प्रतिबद्धता जनाएको छ ।

राप्रपाले विद्यमान सम्पत्ति शुद्धिकरण ऐनमा सुधार ल्याउने र राजनीतिक दलरहित संवैधानिक परिषद् निर्माण गर्ने पनि उल्लेख गरेको छ । संवैधानिक अंगलाई राजनीतिक हस्तक्षेपबाट पूर्णतः मुक्त बनाउने संकल्प पनि राप्रपाको छ ।

‘संवैधानिक अंगहरूलाई संविधानको मर्म र भावना अनुसार सञ्चालन गर्न, योग्यता, क्षमताको आधारमा संवैधानिक नियुक्तिको व्यवस्था गरी, राजनीतिक हस्तक्षेपबाट पूर्णत: मुक्त तुल्याई, निष्पक्षतापूर्वक कार्यसम्पादन गराइनेछ,’ घोषणापत्रमा भनिएको छ ।

न्यायपालिकामा देखिएको विकृति र विसंगति अन्त्य गर्न, गुमेको विश्वसनीयता पुनर्स्थापित गर्न र पूर्ण न्यायिक बनाउन न्यायपालिकाको पुनर्संरचना गर्ने राप्रपाको अठोट छ । ‘नीतिगत तथा कार्यगत क्षेत्रमा देखिएका भ्रष्ट्राचार तथा अनाचार अन्त्य गर्न, स्वार्थको द्वन्द्वसम्बन्धी कानुन जारी गरिनेछ,’ घोषणापत्रमा भनिएको छ ।

हेर्नुस् घोषणापत्र: