'यूसीबीमा उच्च शिक्षा हासिल गर्न जाने नेपालीलाई धेरै अवसर छ'

A+ A A-

युनिभर्सिटी कलेज बर्मिङ्घम (यूसीबी) ले संयुक्त अधिराज्यमा उच्च शिक्षा हासिल गर्न इच्छुक नेपाली विद्यार्थीहरूलाई अवसर प्रदान गर्ने उद्देश्यले सोमबार काठमाडौंमा एक कार्यक्रमको आयोजना गर्‍यो ।

कार्यक्रमको सहजीकरण यूसीबीका दक्षिण एसियाली क्षेत्रीय प्रबन्धक अर्चना सिंहले गरे‍की गरिन् । बैठकमा बोल्दै सिंहले यूसीबी र नेपाली विद्यार्थीहरूले हाल यूसीबीमा कसरी प्रदर्शन गरिरहेका छन् भन्नेबारे जानकारी दिइन् । उनले अन्तर्राष्ट्रिय र नेपाली विद्यार्थीका लागि भावी शैक्षिक योजनाहरूबारे पनि उल्लेख गरिन् ।

कार्यक्रममा बोल्दै यूसीबीका प्रो-भाइस चान्सलर एलिस विल्बीले यूसीबीबारे जानकारी दिँदै स्नातक र स्नातकोत्तर डिग्री पाठ्यक्रमहरूका बारे जानकारी दिइन् । उनले विदेशी विद्यार्थीहरूका लागि धेरै अवसर रहेको भन्दै यूसीबीले प्रदान गर्ने पाठ्यक्रम निकै उत्कृष्ट र समसामयिक भएको बताइन् ।

त्यस्तै, यूसीबीको अन्तर्राष्ट्रिय विद्यार्थीका निर्देशक, क्रिस शेपले यूसीबीमा आफ्नो उच्च शिक्षा हासिल गर्न खोजिरहेका अन्तर्राष्ट्रिय विद्यार्थीहरूका लागि यूसीबीको वर्तमान रणनीतिबारे प्रकाश पारे ।

उनले यूसीबीले अन्तर्राष्ट्रिय विद्यार्थीहरूलाई बेलायत बसाइलाई सहज बनाउन मद्दत गरिरहेको जानकारी पनि दिए । उनले मेरिटका आधारमा सम्भावित अन्तर्राष्ट्रिय विद्यार्थीहरूलाई उपलब्ध गराइने छात्रवृत्तिका बारेमा पनि बैठकमा संक्षिप्त जानकारी गराए ।

अन्तर्राष्ट्रिय विद्यार्थी एसोसिएट डाइरेक्टर भरत ए सखुजाले यूसीबीले नेपाली विद्यार्थीहरूलाई आफ्नो करिअरलाई सहयोग गर्ने अवसरहरू प्रदान गर्न नेपालमा आफ्ना एजेन्टहरूसँग काम गरिरहेको बताए ।

त्यसैगरी, विद्यार्थीहरूले यूसीबीसँग यात्रा सुरु गरेपछि अन्तर्राष्ट्रिय विद्यार्थीहरूलाई यूसीबीबाट सहयोग उपलब्ध गराइने पनि उनले बताए । उनका अनुसार अन्तर्राष्ट्रिय विद्यार्थीहरूलाई बेलायतमा रहँदा शैक्षिक र सामाजिक जीवनमा सहयोग पुग्ने अभिमुखीकरण कक्षाहरू उपलब्धसमेत गराइनेछ ।

पत्रकार सम्मेलनअघि अक्टोबर १७, २०२२ मा राजधानीको मेरियट होटलमा एक शैक्षिक मेला आयोजना गरिएको थियो । ३०० भन्दा बढी विद्यार्थीहरूले मेलामा भ्रमण गरे र यूसीबीद्वारा प्रदान गरिएका विभिन्न पाठ्यक्रमहरूका बारे जानकारी प्राप्त गरे । मेलाको अवधिमा यूसीबी द्वारा धेरै विद्यार्थीहरूलाई अफर लेटर समेत प्रदान गरिएको थियो ।

बेलायतको बर्मिङ्घममा अवस्थित यूसीबीले अन्तर्राष्ट्रियस्तरको शिक्षा प्रदान गर्दै आएको छ । विश्वस्तरीय पाठ्यक्रम र सुविधासहितको गुणस्तरीय शिक्षा प्रदान गर्दै आएको यूसीबी बेलायतको अब्बल शैक्षिक संस्थानमध्येमा पर्छ । साथै, अन्तर्राष्ट्रिय विद्यार्थीहरूका लागि पनि यूसीबी एक उत्कृष्ट गन्तव्य बन्दै आएको छ ।

प्रकाशित मिति: मंगलबार, कात्तिक १, २०७९ १३:५७