ब्याट्री नटिकेर हैरान हुनुहुन्छ ? चिन्ता नलिनुस् २२ दिन टिक्ने ब्याट्री आयो

ब्याट्री नटिकेर हैरान हुनुहुन्छ ? चिन्ता नलिनुस् २२ दिन टिक्ने ब्याट्री आयो

A+ A A-

घरमा झुन्ड्याइएको भित्तै घडी या ब्याट्रीबाट चल्ने सामग्रीमा ब्याट्री फेर्दा फेर्दा हैरान हुनुभएको छ भने अब चिन्ता नलिनुस् ।

नेपाल इन्जिनियरिङ कलेज चाँंगुनारायण भक्तपुरका विद्यार्थीले २२ दिनसम्म चल्ने ब्याट्रीको विकास गरेका छन् । कलेजमा अध्ययनरत चौथाे वर्षका विद्यार्थी जजेन्द्र कासुला र विज्ञान घिमिरेले पर्यवेक्षक दिपेश प्रकाश गुरागाईं र विजय श्रेष्ठको सहयोगमा यो उपकरणको विकास गरेका हुन् ।

उनीहरुले वातावरणीय ऊर्जालाई उपयोगमा ल्याई दिगो अनुसन्धान डेटा संकलन गर्ने उपकरण विकास गरेका हुन् । यस उपकारणले सौर्य ऊर्जालाई प्रयोगमा ल्याई उपकरण चलाउने व्यवस्था गरेकाे उनीहरुले दाबी गरेका छन् ।

सधै एकनास नरहने सौर्य ऊर्जालाई एकपटक सुपर क्यापासिटरमा जम्मा गरेर चार्ज गरी सो उपकरण बनाउन उनीहरुलाई सफलता मिलेको हो । यो ब्याट्री २२ दिनसम्म चलाउन सकिने उपकरण निर्माता विद्यार्थीकाे दाबी छ ।

एक मिनेट (चम्किलो प्रकाश भएको बेला) चार्ज गरी सो उपकरण सुपर क्यापासिटरबाट मात्रै चलाई साढे दुई दिन चलाउन सकिने उनीहरुको दाबी छ ।

युरोपमा अध्ययन गरेर आएका कलेज प्रोफेस विजय श्रेष्ठ, प्रख्यात डिजाइनर कम्पनीमा केही वर्ष काम गरेर नेपाल फर्केका कलेज प्रोफेसर दिपेशप्रकार गुरागाईंका साथै युरोपमा उच्च शिक्षा हासिल गरी केही वर्ष काम गरेका कलेज प्रोफेसर तथा प्रोजेक्ट संयोजक सचिन श्रेष्ठकाे निर्देशनमा विद्यार्थीले सो उपकरणको प्रोटोटाइप बनाएका हुन् ।

वातावरणको परीक्षण डेटा संकलन, जनावर ट्रयाकिङ, वायु तथा जल गुणस्तर निगरानी अपवाद निगरानीजस्तै थुप्रै ऊर्जा संकेतमा खटाउन सकिने विद्यार्थीको दाबी छ । साथै कार्यखर्चलाई न्यून गर्दै बनाएको उपकरणबाट ६ किमिसम्म डेटा प्रसारण गर्न सकिने उनीहरुले बताए ।

प्रकाशित मिति: सोमबार, साउन २०, २०७६ २२:३५