कांग्रेस महामन्त्री गगन थापाले दिएका ६ सन्देश

A+ A A-

कांग्रेस महामन्त्री गगन थापाले शुक्रबार आफ्नाे चुनाव क्षेत्र काठमाडाैं ४ मा करिब ५०० जनालाई पार्टी प्रवेश गराए । साे क्रममा उनले आफ्नो राजनीतिक यात्रादेखि पार्टीभित्र बिद्रोह गर्नुपर्ने अवस्था आएको समेत भने । गठबन्धनको बैठकमा अनुपस्थित भएर पार्टीभित्रको ‘समान अवसर र न्यायका लागि’ अभियानमा समेत मौन समर्थन गरेका थिए उनले ।

चुनावमा पल्लाभारी बनाउने प्रयास

कांग्रेस महामन्त्री थापा २०७० को दोस्रो संविधानसभाको निर्वाचन र २०७४ को प्रतिनिधिसभा चुनावमा काठमाडौं ४ बाट निर्वाचित सांसद हुन् । मंसिर ४ मा हुने प्रतिनिधिसभाको चुनावको लागि उनी मैदान उत्रने तयारीमा छन् ।

२०७४ को चुनावमा थापाले वाम गठबन्धनका तर्फबाट उम्मेदवार रहेका एमाले नेता डा. राजन भट्टराईलाई ३,४१८ मतान्तरले पराजित गरेका थिए । थापाले २१ हजार ५५८ मत ल्याउँदा बाम गठबन्धनको तर्फबाट एमालेका डा. राजन भट्टराईले १८ हजार १४० मत ल्याएका थिए ।

अहिले पनि भट्टराई र थापा आमने सामने हुने सम्भावना छ । चुनावी तयारी स्वरुप उनले ब्यालेटमा भोट बढाउन आफ्नो क्षेत्रमा पार्टी प्रवेश गराएका हुन् । आफ्नो पल्लाभारी बनाउन उनले प्रयास गरेका हुन् । ‘निर्वाचन आको छ पार्टी प्रवेसमा एक जना थपिँदा पनि हिम्मत बढ्छ। आज करिब ५०० जना प्रवेश गर्नु भयो तपाइहरू हिम्मत हो,’ उनले भने ।

पार्टीभित्र विद्रोह गर्नैपर्ने अवस्था

अघिल्लो साता डेंगी संक्रमित भएका थापा निको भएपछि केही सार्वजनिक कार्यक्रममा सहभागी भए । तर सत्ता गठबन्धनको सिट बाँडफाँट कार्यदलमा सदश्य भए पनि साे कार्यदलकाे बैठकमा सहभागी भएनन् । त्यतिबेला पार्टीभित्र इतर समूहका दोस्रो तहका नेता ‘समान अवसर र न्यायका लागि’ अभियानमा थिए ।

जसमा मौन समर्थन जनउँदै महामन्त्री थापाले गठबन्धनको बैठकमा सहभागिता जनाएनन् । ‘अहिले पार्टीभित्र सुदृढीकरण गर्नुपर्ने, विरोध र विद्रोह गर्नुपर्ने अवस्था आएको छ। पार्टीभित्र असन्तुष्टि छ , न्याय र सन्तुलन भएन भन्ने छ । यसका लागि पार्टीभित्र नयाँ संघर्ष गर्नुपर्ने बोध छ,’ थापाले कार्यक्रममा भने ।

सरकार चलाउन सिकाउन सकिएन

प्रतिपक्षमा कांग्रेस रहँदा थापाले संसदको रोष्ट्रममा उभिएर भनेका थिए 'सकरका कसरी चलाउनुपर्छ कांग्रेसले देखाउँछ ।' तर सरकारमा कांग्रेस पुग्यो सरकार कसरी चलाउने भन्ने देखाउन सकेन । आफ्नो भनाइबारे थापाले पार्टीको केन्द्रीय कार्यसमितिको बैठकदेखि आन्तरिक बैठकमा समेत प्रष्टीकरण दिँदै आएका छन् ।

पार्टी प्रवेश कार्यक्रममा उनले कोभिड–१९ नियन्त्रण गर्न नसकेको भन्दै ओली नेतृत्वको सरकारलाई दोष लगाएको भन्दै आफ्नै सरकार हुँदा पनि डेंगी नियन्त्रण गर्न नसकेको भन्दै आलाेचना गरे । ‘सरकारले डेंगी नियन्त्रणमा काम गर्न सकेन । हिजो कोभिड–१९ को बेलामा ओली सरकारले काम गरेन भन्यौं । अहिले हाम्रै पार्टीको सरकार छ तर यसले पनि काम गर्न सकेको छैन ।’

सरकारको काम चित्तबुझ्दो नभएको भन्दै उनले आपतकालीन बैठक बसेर देशभरका सरकार बसेर अस्पताललाई डेंगी कसरी हटाउने भनेर काम गर्नुपर्ने बताए । ‘डेंगी चाडबाडको बेला बढ्छ । सरकारले काम गर्नुपर्छ‚’ उनले भने, ‘डेंगी नियन्त्रणमा सरकारले काम गर्न सकेन । यो सरकारले जसरी काम गर्नुपर्ने थियो, त्यसरी काम गर्न सकेन । यसमा मेरो ठूलो असन्तुष्टि छ‚’ उनले भने‚ ‘मैले प्रधानमन्त्रीलाई भेटेर पटक–पटक भनेको छु; योबेलामा सरकारको जिम्मेवारी हो, जनताको जीउधनको रक्षा गर्ने ।’

राजनीतिक यात्रा १० वर्षमात्र

थापाले पटक पटक भन्दै आएका छन् ५५ वर्षपछि सक्रिय राजनीतिबाट सन्यास लिन्छु । पार्टी नेतृत्व र सरकारको नेतृत्व गर्ने भएन सो अवधिभित्र गरिसक्ने उनले बताउँदै आएका छन् । आफ्नो राजनीति गर्ने समय १० वर्ष मात्रै भएको उल्लेख गर्दै उनले भने, ‘पार्टीभित्रको शुद्धीकरणका लागि विद्रोह गर्नुपर्ने अवस्था आएको छ। पार्टीभित्र नयाँ संघर्षको बोध हुन लागेको छ। सबै कार्यकर्तालाई निराश बनाउँदिनँ । मेरा लागि राजनीति गर्ने समय मात्रै १० वर्ष छ । अघि बढ्न यही राजनीति मात्रै छैन ।’ अहिलेको राजनीतिक प्रणाली चुनावदेखि चुनावका लागि भएको उनले बताए ।

५ वर्षको उपलब्धि रोजगारको आधार

महामन्त्री थापाले आफ्नो टिमले दिएको अध्ययनको निष्कर्षका आधारमा सरकारले यो वर्षको बजेटबाट प्रधानमन्त्री राष्ट्रिय उत्पादन प्रवर्द्धन कार्यक्रम घोषणा भएको र दश वर्षमा कम्तीमा दश लाख युवालाई रोजगारी प्रदान गर्ने उद्देश्यसहित राष्ट्रिय उपभोग दशक घोषणा भएको बताए ।

‘यो देशमा आज सबैभन्दा ठूलो समस्या, मुद्दा भनेको नेपाली युवालाई स्वदेशमै रोजगार बनाउने कुरा हो । मलाई गौरव छ, गएको पाँच वर्षसम्म लगातार काम गरेर हामीले दिएको निष्कर्षमा आधारित भएर सरकारले प्रधानमन्त्री राष्ट्रिय उत्पादन प्रवर्द्धन कार्यक्रम घोषणा गरेको छ,’ थापाले भने ।

उनले टेक्स्टायल, जुत्ता, कन्स्ट्रक्सन, औषधि र एग्रिकल्चरमा मात्रै आगामी दश वर्षभित्र कम्तीमा दश लाख युवालाई रोजगारी दिलाउन सकिने कार्यक्रमको उद्देश्य रहेको बताए । ‘मेरो टिमले लामो समयसम्म अध्ययन गरेर यो निष्कर्षमा पुगेको हो कि टेक्स्टायल, जुत्ता, कन्स्ट्रक्सन, औषधि र एग्रिकल्चरमा हामीले आज जुन उत्पादन गरिरहेका छौँ, त्यसलाई बजारको प्रबन्ध मात्रै हुने हो भने ठूलो संख्यामा स्वरोजगारीको व्यवस्था हुन्छ,’ उनले भने ।

बीमा नीति कार्यान्वयन भए उपचार नपाएर मर्नुपर्दैन

उनले स्वास्थ्य बीमासम्बन्धी आफूले बनाएको कानुन कार्यान्वयन भए मकै बेचेर खाने मान्छेले पनि उपचार नपाएर मर्नुपर्ने अवस्था नआउने दाबी गरे । महामन्त्री थापाले नेपालमा कानुन र नीतिगत व्यवस्था भए पनि कार्यान्वयन नहुने समस्या झन् ठूलो रहेको बताए ।

‘हामीले राम्रो कानुन बनाउछौँ, तर त्यसको कार्यान्वयन हुँदैन, त्यो नै ठूलो समस्याको रुपमा छ,’ उनले भने, ‘विगतमा मैले स्वास्थ्यमन्त्री हुँदा जुन कानुन बनाएँ । त्यसको अक्षरशः कार्यान्वयन मात्रै भएको भए अहिले डेंगीको बेलामा यो गरौँ, त्यो गरौँ भनेर हल्ला गर्नुपर्ने थिएन, त्यो संरचनाले आफैं काम गर्ने थियो । तर हामीले कानुन बनाएर छोड्यौँ, त्योसँगै कार्यान्वयनको कुरा पनि छोडियो । पछिल्ला सरकारले त्यसअनुसार काम गरेनन् ।’

निर्वाचनदेखि निर्वाचनसम्मको गोलचक्कर

महामन्त्री थापाले दलहरू परिवर्तन भन्दा पनि एक चुनावदेखि अर्को चुनावसम्म सरकार आफ्नो बनाउने खेलमा केन्द्रित हुने थालेको बताए । ‘गठबन्धन केका लागि भयो चुनाव जित्न सरकार बनाउन भनेको छ । निर्वाचनदेखि निर्वाचन सम्म गोलचक्कर चलेको छ,’ उनले भने ।

प्रकाशित मिति: शुक्रबार, असोज १४, २०७९ १५:३६