अम्बे ग्रुपको शुभकामना आदानप्रदान कार्यक्रम, ५ सय जनाभन्दा बढी प्रतिनिधिहरूको सहभागिता

अम्बे ग्रुपको शुभकामना आदानप्रदान कार्यक्रम, ५ सय जनाभन्दा बढी प्रतिनिधिहरूको सहभागिता

A+ A A-

अम्बे ग्रुपले लुम्बिनी र सुदूरपश्चिम प्रदेशका आफ्ना डिलरहरूलाई भेटघाट गराई शुभकामना आदानप्रदान सम्पन्न गर्‍यो । कम्पनीले नेपालगञ्जस्थित होटल सोल्टीमा उक्त कार्यक्रम सम्पन्न गरेको जनाएको हो ।

कार्यक्रममा ग्रुपका अध्यक्ष हरि न्यौपानेले लुम्बिनी र सुदूरपश्चिम प्रदेशमा अपेक्षाकृत ग्राहकको विश्वास जित्न ब्रान्ड सफल भएकोमा डिलरहरूलाई धन्यवाद व्यक्त गरे । उनले आगामी दिनमा पनि उच्च मनोबलका साथ ढुक्कसँग ग्राहकलाई अम्बे स्टिल र सिमेन्ट बिक्री गर्न उत्प्रेरित गरे ।

नेपालगञ्जमै दैनिक १४ सय टन क्षमताको अत्याधुनिक वातानुकूलित फ्याक्ट्री नेपालको सबैभन्दा ठूलो फ्याक्ट्री रहेको उनको भनाइ थियो ।

सो अवसरमा अम्बे स्टिलका ब्रान्ड एम्बेस्डरद्वय मदनकृष्ण श्रेष्ठ र हरिवंश आचार्यले देशमा यति ठूलो उद्योग स्थापना गरी उद्योग, रोजगारी, सिर्जना गर्नुका साथै कलाकार, डिलर, उपभोक्ता, सबैको आर्थिक हैसियत बढाउन सहयोग पुर्‍याएकोमा ग्रुपलाई धन्यवाद तथा आभार व्यक्त गरे । सोही अवसरमा ग्रुपका निर्देशक शिवाज न्यौपानेले उद्योगलाई समयसापेक्ष, प्रविधिमैत्री, जनउत्तरदायी, संस्थागत सामाजिक उत्तरदायित्व बहन गर्दै देशकै अनुकरणीय उद्योगका रूपमा स्थापित गर्न नवीनतम सोचसहित विभिन्न नयाँ भेञ्चर थप्दै लगिने बताए ।

त्यस्तै, दुई प्रदेशका प्राय: सबै डिलरबाट झण्डै ५ सय जनाभन्दा बढी प्रतिनिधिहरूको सहभागिता थियो । सहभागीहरूबाट लक्की ड्र गरी तीन जना विजेतालाई आकर्षक उपहारसमेत महजोडीको हातबाट हस्तान्तरण गरियो । त्यस्तै, राष्ट्रियस्तरका ख्यातिप्राप्त कलाकार रचना रिमाल, सुमन कोइराला (दले दाइ), कविता नेपालीलगायतले आफ्नो कला प्रस्तुत गरेका थिए ।