भिभोले ल्यायो भिभो फोनको खरिदमा भी२५ फाइभजी जित्ने मौका

A+ A A-

भिभोले आफ्ना ग्राहकहरूमाझ ‘दसैँतिहार भिभोको साथमा उपहार हातमा’ योजना सार्वजनिक गरेको छ ।

उक्त योजनाअन्तर्गत ग्राहकहरूले हरेक भिभो फोनको खरिदमा २ जनाले भी२५ फाइभजी, हरेक हप्ता १ जनाले वाई१५सी र हरेक दिन एक जनाले भिभोको टीडब्लूएस २ई नेकब्यान्ड जित्न सक्नेछन् ।

साथै, हरेक दिन तीन जनाले एनकरको यू२आई नेकब्यान्ड र चार जनाले भिभो फुटबल तथा ३० हजारमाथिको फोन खरिदमा सियोर सटमा ६ महिनाको वारेन्टी पाउन सक्नेछन् ।

उक्त योजना कात्तिक १४ गतेसम्म लागू हुनेछ । साथै, भिभोले भी सिरिजअन्तर्गत आफ्नो नयाँ स्मार्टफोन भी२५ सिरिज नेपालमा सार्वजनिक गरेको छ ।

भिभोले प्रि–बुकिङका लागि उपलब्ध गराएको चार दिनमा ६ सयभन्दा बढी भी२५ सिरिजको प्रि–बुकिङ भएको छ । भी२५ र भी२५ई दुवैमा रङ परिर्वतन हुने ग्लास प्रविधि छ । यसका साथै, दुवै स्मार्टफोनमा फ्लोराइट एजी ग्लास प्रयोग गरिएको कम्पनीले जानकारी दिएको छ ।

भिभो नेपालका प्रमुख कार्यकारी अधिकृत माइकलले भने, ‘भिभोमा हामी युवा प्रयोगकर्ताहरूका लागि नवीनतम, अत्याधुनिक प्रविधि र आकर्षक डिजाइन समायोजन गरेर उनीहरूको व्यक्तित्व झल्काउने स्मार्टफोन प्रदान गर्दछौँ । भिभोको वर्षौंको अनुसन्धान र नवीनताको संयोजक भी२५ सिरिजमा यी सबै विशेषताहरू छन् ।’

त्यस्तै, हालै सार्वजनिक भी२५ शृंखलामा उत्कृष्ट क्यामेरा क्षमता छ । भी २५ फाइभजी र भी२५ई दुवैमा ६४एमपी ओआईएस (अप्टिकल इमेज स्टेबलाइजेसन) अल्ट्रा सेन्सिङ रियर क्यामेरा छ ।

कम्पनीका अनुसार रियर क्यामेरामा हाइब्रिड इमेज स्टेबिलाइजेसन रहेको छ । साथै, भी२५ सिरिजमा बोकेह फ्ल्येर पोट्रेटलगायत विशेषताहरू छन् । भी२५ फाइभजीमा ५०एमपी अटो फोकस पोट्रेट फ्रन्ट क्यामेरा छ ।

साथै, भी२५ई मा ३२एमपी फ्रन्ट क्यामेरा रहेको छ । भी२५ सिरिजका दुवै स्मार्टफोनमा शक्तिशाली ४५०० एमएएच ब्याट्री रहेको छ, जसलाई ४४वाट फ्ल्यासचार्जले समर्थन गर्छ । यसमा डब्बल एक्सपोजर, डुअल भ्यू भिडियो, ९० हर्ज अल्ट्रा भिजन स्क्रिनलगायतका विशेषताहरू छन् ।

कम्पनीका अनुसार भी२५ फाइभजी –अक्वामेरिन ब्लु र डायमण्ड ब्ल्याकमा ५२ हजार ९९९ रुपैयाँमा उपलब्ध छ र भिभो भी२५ई –सनराइज गोल्ड र डायमण्ड ब्ल्याकमा ४२ हजार ९९९ रुपैयाँमा उपलब्ध छ ।

प्रकाशित मिति: शुक्रबार, भदौ २४, २०७९ १७:०१