भी २५ सिरिजका स्मार्टफोनको प्रि–बुकिङमा आकर्षक पुरस्कार

A+ A A-

भिभोले आफ्नो नयाँ भी२५ सिरिजका स्मार्टफोनहरू – भी२५ फाइभजी र भी२५ईको प्रि–बुकिङ खुला गरेको छ ।

ग्राहकहरूले १९ भदौदेखि २२ सम्म भी२५ सिरिजका स्मार्टफोनको प्रि–बुकिङ गरी भी२५ फाइभजीको प्रि–बुकिङमा आकर्षक उपहार भिभो नेकब्यान्ड र भी२५ई को प्रि–बुकिङमा एङ्कर यूआई नेकब्यान्ड पाउन सक्ने कम्पनीले जनाएको छ ।

भी सिरिज उत्कृष्ट डिजाइन, शक्तिशाली प्रदर्शन र अपग्रेटेड विशेषताहरूका साथ आउने कम्पनीले जनाएको छ । बहुप्रतीक्षित भी२५ सिरिज चाँडै नै नेपाली प्रयोगकर्ताहरूका लागि उपलब्ध हुनेछ ।

भी२५ र भी२५ई दुवैमा रङ परिर्वतन हुने ग्लास प्रविधि छ, जसले गर्दा स्मार्टफोन प्रत्यक्ष सूर्यको प्रकाशमा पर्दा रङ परिवर्तन हुन्छ । यसका साथै, दुवै स्मार्टफोनमा फ्लोराइट एजी ग्लास प्रयोग गरिएको छ । भी२५ सिरिज हल्का तौल र स्टाइलिस डिजाइनमा उपलब्ध हुनेछ ।

भी२५ शृंखला भिभोको भी शृंखलाको नयाँ स्मार्टफोन हो । भी २५ फाइभजी र भी२५ई दुवैमा ६४ एमपी ओआईएस अल्ट्रा सेन्सिङ रियर क्यामेरा छ ।

त्यस्तै, भी२५ फाइभजीमा ५० एमपी अटो फोकस पोट्रेट फ्रन्ट क्यामेरा छ । साथै, भी२५ई मा ३२ एमपी फ्रन्ट क्यामेरा छ ।

भी२५ सिरिजका दुवै स्मार्टफोनमा शक्तिशाली प्रोसेसरहरू छन्, भी२५ फाइभजीमा मिडियाटेक डाइमेन्सिटी ९०० प्रोसेसर प्रयोग गरिएको छ भने भी२५ईमा मिडिया टेक हेलियो जी९९ प्रोसेसर प्रयोग गरिएको छ ।

भी२५ सिरिजका दुवै स्मार्टफोनमा शक्तिशाली ४५०० एमएएच ब्याट्री राखिएको छ । यसका साथै स्मुद अनुभवका लागि भी२५ सिरिजमा ८जीबी र्‍याम र १२८ जीबी रोम छ, जसमा ८जीबीको एक्सटेन्डेड र्‍याम पनि रहेको छ ।

नयाँ स्मार्टफोेन खोजिरहेका सबैका लागि यो फोन उपयुक्त रहेको कम्पनीको दाबी छ । भी२५ फाइभजी दुईवटा कलर भेरियन्ट– अक्वामेरिन ब्लु र डायमण्ड ब्ल्याकमा उपलब्ध गराइनेछ । कम्पनीका अनुसार भी२५ मूल्य ५२ हजार ९९९ रुपैयाँ छ भने भिभो भी२५ ईको मूल्य ४२ हजार ९९९ रुपैयाँ छ । यो दुई कलर भेरियन्ट– सनराइज गोल्ड र डायमण्ड ब्ल्याकमा उपलब्ध हुनेछ ।

प्रकाशित मिति: आइतबार, भदौ १९, २०७९ १३:३२