एमालेबाट पृथ्वीसुब्बाको नाम प्रदेशमै सिफारिस, सरकार बने फेरि मुख्यमन्त्री

एमालेबाट पृथ्वीसुब्बाको नाम प्रदेशमै सिफारिस, सरकार बने फेरि मुख्यमन्त्री

A+ A A-

नेकपा एमालेका उपमहासचिव पृथ्वीसुब्बा गुरूङको नाम प्रदेशसभा सदस्य उम्मेदवारमा सिफारिस भएको छ । उपमहासचिव गुरूङको नाम लमजुङ प्रदेशसभा २ बाट शनिबार बसेको जिल्ला कमिटी बैठकले सिफारिस गरेको हो।

गुरूङ गण्डकी प्रदेशका संस्थापक मुुख्यमन्त्री हुन् । उनी संघको चुुनाव लड्ने चर्चाका बीच प्रदेशसभा सदस्यमा नाम सिफारिस भएको हो । जिल्लाबाट नाम सिफारिस भए पनि अन्तिम निर्णय केन्द्रीय कमिटीले गर्ने भएकाले उपमहासचिव गुरूङ फेरि प्रदेशमै नआउन सक्छन् ।

२०७४ सालमा सरकार बनेपछि पृथ्वीसुुब्बा र अर्का नेता किरण गुुरूङबीच को मुुख्यमन्त्री बन्ने भन्नेमा जुुँगाको लडाइँ भएको थियो । त्यतिबेला पृथ्वीसुब्बा मुख्यमन्त्री बने भने गुरूङले अर्थ मन्त्रालय हाँके । पृथ्वीसुब्बा फेरि प्रदेशमै आउने भएपछि किरण प्रतिनिधिसभा सदस्य लड्ने भएको एमाले स्रोतले बतायो ।

गण्डकी प्रदेश सभा सदस्य ६० सदस्यीय हुुन्छ । त्यसमा जसको बढी सांसद हुुन्छन् उसैको सरकार बन्छ । एमालेको सरकार बनेमा पृथ्वीसुुब्बा फेरि मुुख्यमन्त्री बन्ने छन् । एमाले संगठन विभाग प्रमुुख खगराज अधिकारीको नाम पनि प्रदेशसभा सदस्यमै सिफारिस भएको छ। उनी कास्की क्षेत्र नम्बर १ (क)बाट प्रदेश सभा सदस्य लड्ने चर्चा छ । २०७४ सालमा खगराज कास्की क्षेत्र नम्बर १ बाट प्रतिनिधिसभा सदस्य निर्वाचित हुुन् ।

यसरी प्रदेश र संघ दुुवैमा नाम सिफारिस पठाएर अन्तिममा पार्टी नेतृत्वले परिस्थितिजन्य निर्णय गर्ने सम्भावना पनि छ । अर्थात् पृथ्वीसुब्बा र खगराजमध्ये एक जना प्रदेशमा आएर एमालेको सरकार बनेमा मुुख्यमन्त्री बन्ने छन् । तर, दुुवै नेता प्रदेश चुुनाव लड्ने सम्भावना भने निकै कम छ ।

दुुवै नेता प्रतिनिधिसभा सदस्य लडे भने प्रदेशमा तेस्रो व्यक्तिको खोजी हुुनेछ । त्यस्तो अवस्थामा किरण प्रदेशसभा सदस्य लड्ने अवस्था आउन सक्छ । पृथ्वीसुब्बा र खगराज संघको चुुनाव लडेर प्रदेशमा एमालेको सरकार बनेमा किरणको मुख्यमन्त्री बन्ने बाटो खुल्ने छ । किरण २०७४ सालको चुनावमा तनहुँ २ (ख)बाट निर्वाचित भएका थिए ।

नेकपा एमाले लमजुङको शनिबार बसेको बैठकबाट क्षेत्र नम्बर २ बाट गुरूङसँगै पार्टी जिल्ला अध्यक्ष कृष्णप्रसाद अधिकारीको नाम सिफारिस भएको छ । त्यस्तै लमजुङ १ बाट धनञ्जय दवाडी, राजकुमार विष्ट र जित गुरूङको नाम सिफारिस गरिएको छ ।

उम्मेदवार बन्ने विषयमा गण्डकी प्रदेशबाट केन्द्रमा प्रतिनिधित्व गर्ने नेता पृथ्वीसुुब्बा, खगराज, किरणबीच अनौपचारिक छलफलसमेत भएको थियो । त्यसमा खगराजले आफूू प्रतिनिधिसभामै लड्ने सुुनाएका थिए । त्यस्तो भएपछि पृथ्वीसुुब्बा प्रदेशमा आउने मुुडमा पुुगेका हुुन् । पार्टीको केन्द्रीय उपमहासचिव भएकाले पृथ्वीसुब्बा चुनाव नलडी संघमा समानुपातिक सांसद हुनसक्ने चर्चा पनि छ । त्यस्तो भएमा संघमा लमजुङबाट अर्का एमाले नेता जमिन्द्रमान घले लड्न सक्छन् ।

लमजुुङमा एउटामात्रै प्रतिनिधिसभा सदस्य निर्वाचत क्षेत्र छ । त्यहाँबाट २०७४ सालमा माओवादी केन्द्रका देव गुरूङ निर्वाचित भएका थिए । त्यतिबेला एमाले–माओवादी गठबन्धन थियो । माओवादी महासचिव गुरूङ यसपटक पनि लमजुङबाटै लड्ने तयारीमा छन् । २०७४ सालमा लमजुङ १ (क)बाट धनञ्जय दवाडी र १ (ख) बाट पृथ्वीसुब्बा प्रदेशसभा सदस्यमा विजयी भएका थिए ।

प्रकाशित मिति: शनिबार, भदौ १८, २०७९ २०:५६